1 TIMOTHI 1:1 - SHEEYU BAIBEL (BSI)

¹ Eletaoye khailu-apeio Ramai ea Eletao vei areih Khrista Jisu vei chikha hinou Khrista Jisu vei sei-atamai soua buyu Paul nou,

1 TIMOTHI 1:1 Iomraidhean Croise

LOUTAO 106:21

Ejipt hinou khupayu vah haso duduli soupeipu, puletaoye khailupa-apeio Ramai ye sü puletao nou ngaire.

ISAIAH 12:2

Ramai hai Eye khailu apeio nasüe, Enou puhye louchelai alia haku liye pilai moe; daiolouzü puhnou avei khouko ae pfüchi nasüe, puh hai Eye khailupa peiyu nasüe.

ISAIAH 43:11

“E likhei Mapao sü baie, E baimoa neletaoye khailu peire kukhe mai ali-a ha-e.

ISAIAH 43:3

Daiolouzü E hai neletao vei Ramai Mapao nasüe, neletaoye khailu-apeio, Israel maivei Amasheeo Ramaie. Enou Ejipt maiye poa rapha souwua neletaoye panou lamado soupeie, Sudan ae Seba maiye poa neletaoye lealoue.

ISAIAH 45:15

Israel maivei Ramai, puhvei maitaoye khailu apeio, puh hai tutsüa buyu Ramai ali-e.

ISAIAH 45:21

Neletao vei chi sü popa kukhaio, ae puletaoye sü panou koa kabülai touyu sü phaku zholou khaio! Thaonou vepare khesü rai-a paosü peie? Haisü Mapao Enou movu? E likhei baimoa nou checheyu Ramai ae khailupa peiyu Mapao kukhe alia-a ha-e.

ISAIAH 49:26

Enou neletaoye souvea souchoroyu maitaoye sü panou lah puletao vei sou sü toulai, ae zhaoh sozhiyu büa panou puletaoye sü lah puletao vei zhe kelai. Süthaisü deiphao mai hrülai nou E hai Mapao, neletaoye khailupa-apeio ae neletaoye panou lahdo soulouyu Ramai nasüe touyu süloulai.”

ISAIAH 60:16

Tyahrü kukhe maitao ae veo maitao nou neletaoye sü pfünou lah nahye kiko peiyu büa nelataoye kiko peilai. Süthaisü Mapao, Enou neletaoye khailupa apeio, ae Isreal maivei Khoukhoulai Ramai nasüe touyu süloulai.

ISAIAH 63:8

Mapao nou paoe, “Puletao hai avei maitaoe, hakilia ahi puletao nou dalai moe.” Südonou puhnou puletaoye sü veahoyu hinou khailupa peiwure.

HOSEA 13:4

Mapao nou paoe, “Neletao ye Ejipt hinou sapa peiyu Ramai nasü E-e. E moa nou rah kusü ali-a hae, E likhei nou neletaoye khailu peiloure Mapao sü baie.

LUK NOU RÜYU KO AVEIBVÜ 1:47

ea Arakonou Ramai, Eye Khailu-apeio hisü asawe,

LUK NOU RÜYU KO AVEIBVÜ 2:11

daiolouzü zhou teithehi David vei nuhdu hinou neletaoye donou Khailu-apeio ye sü naloure, puhsü Khrista, Mapaowo süe!

SEI-ATAMAI VAHTAO 9:15

Ana Mapao nou puh hi paoe, “Tawo, daiolouzü tahrüh kukhe hi, vemai taohi, ea Israel maitao nghojü hi Azhih pove peire donou puh hai Enou dopakhai touyu Avei bahsei alie.

ROMMAI 1:1

Jisu Khrista kilai ea Ramai puhnou puh Ko Aveina paodou loure donou dolouyu ea kulouyu sei-atamai Paul hinoue.

1 KORINTHMAI 1:1

Ramai leli hinou Khrista Jisu vei sei-atamai panou souloure donou kulouyu Paul, alia Eletao thaihou jürai Sosthenes hinou —

1 KORINTHMAI 9:17

Daiolouzü Enou vah hainasü Alelinou souwe toulouzü, süthaisü Mapao nou Eye buu peilai; ana Aleli thaifüa soumoe toulouzü, Eye sü vah haina soure donou Ramai nou seipei khaitoue.

2 KORINTHMAI 1:1

Ramai leli hinou Khrista Jisu vei sei-atamai ali soulouyu Paul, alia Eletao thaihou jürai Timothi hinou— Korinth hi buyu Ramai vei lüloumaime hi, alia Akhaia teidei teitei hi buyu sheeyumai hrülai hi rüwe:

GALATIAMAI 1:1

Emai hinou moa emai vanou vemoa Jisu Khrista ea puhye athai hinou souhrishu peiyu Puo, Ramai vanou sei-atamaili souloure kulouyu Paul hinou seivewe.

GALATIAMAI 1:11

Athaihou jürai khemai, Enou neletao hi paongaolai süolouzü Enou paodouyu Ko Avei nasü emai mado hinou velou moe.

KOLOSSEMAI 1:27

Ramai nou soudawuyu süwo louzü puhnou maikhemai hrülai donou khaikhai touyu toure nishoyu ea vashoyu puhvei kheitsü hainasü puhmaitaohi süngao peiyu süsüe. Alia kheitsü sünawo louzü neletao hi buyu Khrista süsüe, süvei kowo louzü neletao-a Ramai khouko ava hisü koa zha ngaozholai.

2 THESSALONIMAI 2:16

Alia Eletao Mapao Jisu Khrista puhnou ea Eletaoye leshia puhvei zhuvea hinou Eletao hi kaolou hoyu khu-avei ea khoushoyu areih peikhai touyu Ramai Eletao Puo puhnou

1 TIMOTHI 1:12

Avah haina donou Ahi khouko peikhai touyu Eletao Mapao Jisu Khristaye Enou kalo paowe, daiolouzü puhnou Eye nou puhvei kuvah souzüe tea chopeia,

1 TIMOTHI 2:3

Sübüa souyu sü veishoe ea sünanou Eletaoye khailu-apeio Ramai puh züpa souwe,

1 TIMOTHI 2:7

Alia sübüyu donou lü ea acheche vei chipao süna paosüngao peire donou tahrüh kukhemaivei sei-atamai ea dou-apeimai alibüa Eye seitawe. Enou da-a paomoe, acheche nasü paobaie!

1 TIMOTHI 4:10

Ehnou te-a ea shamea-a vah soue, daiolouzü Ehnou Ehvei areih nasü hri-a buyu Ramai bah hi thoupei khaitoue. Puh hai mai hrülaiye khailu-apeio nasüe ea koulih soua lüloumaitao vei khailu-apeio süe.

TITA 1:3

alia süsü teile zhouvei hinou puhnou puh chipao hinou pongao peire. Chipao süsü Abah hi thaothou peiwure, alia Enou süsü Ramai Eletaoye khailu-apeio vei kharochi vanou paodouwe.

TITA 2:10

moa puletao hinou khei-reia potouwu laimoe. Süjüwo puletao nou soupfüyu teitei hisü Ramai Eletao Khailu-apeio vei doupei zhaina zhih avei pove loure donou puletao nou puletao hai teisanou veibaiwe ea louchelou veiwe touyu soungaolai.

TITA 2:13

sübüa Eletao nou dushoyu Eletao Ramai ea khailu-apeio Jisu Khrista nou khouko-ava hinou velaiyu süolouzü Eletao nou rei-a buyu rako avei Teithe süna sü kho-a bulai.

TITA 3:4

Ana Eletaoye khailu-apeio Ramai vei zhuvea ea leshi hai pongao peiwuyu kisü,

TITA 3:6

Ramai nou Eletao Khailu-apeio Jisu Khrista vanou Eletao pei hi Rako Mashi alaosou lakou thoupeire,

1 PITAR 1:21

Puh vanou neletao nou puhye athai hinou souhrishu peiyu ea puhye kathe soupeiyu Ramaiye louchewe; alia südonou neletao vei lü ea areih nasü Ramai hi bue.

1 PITAR 1:3

Eletao Mapao Jisu Khrista Puo ea Ramai puhye paosho laikhe! Daiolouzü puhvei dushoyu zhuvea vanou Jisu Khristaye panou athai hinou hrishuloua puhnou Eletao hi hrü ashusü peiwure. Hainanou Eletao lekhe hisü hriyu areih nanou pothou phoupeire,

2 PITAR 1:1

Jisu Khrista vei kilai ea Sei-atana Simon Pitar hinou — Eletao Ramai ea khailu-apeio Jisu Khrista vei achechena vanou Eletao vei muh teishoyu lü sübüa peikhai touyu puletao hi seiwe:

1 JOHAN 4:14

Alia Eletao nou ngaoloua zhopaoh souwe süolouzü Puo nou puhnah Poutuye deiphao vei khailu-apeio soupeire donou seive.

JUD VEI SEIKO 1:25

Jisu Khrista vanou Eletao vei likhuyu Ramai, Khailu-apeio hisü, kathe, akukulai, khouko ea du-shosü daoraiki-a, chua ea akhai khailai koutea souloutheo! Amen.