1 SAMUEL 9:9 - SHEEYU BAIBEL (BSI)

^9-11 Saul nou chila peie, “Sükulouzü veire, ahai talai khe.” Südonou puhai sü Ramai vei sheeyu mai nanou hrüyu nuhdu hisü talai tea tare. Puhai nou nuhdu hi taloure deichi ludu hi takheyu phaki, puhai nou loumainah taoli hai dzü pfülai tea talou daoloue. Puhai nou loumainahtao hi noue, “Vepare ngaoyu Ramai vei maina sü nuhdu hai hi buhomoe?” (Teile süphaki rachipaola peiyu maiye nou vepare ngaoyu mai tea kuwe, ae mai taralinoua Ramai hinou hataralia sünüa bulouzü “Vepare ngaoyu Ramai vei maina hi velai khe” tea paowe.)

1 SAMUEL 9:9 Iomraidhean Croise

SHURAI 25:22

Nahtou ahai sü puh pouhi bua bukinou alinou aliye khaovare, südonou puhnou “Haibü louzü E daisou nou hriwe?” tea paore. Süthaisü puhnou Mapao hi noure.

2 SAMUEL 24:11

Thainesho shona David nou zü hinou kushulou mojünou Ramai vei chipao sü David vei rachipaolawo Gad hi ve paore.

2 VEMAITO 17:13

Mapao nou Israel mai ae Judah mai hi puhvei kopaomai ae rachipaola peiyu maiye seive haibüa paopi peie: “Enou avei kilai rachipaola peiyu maitao hinou ae neletao vei puopaoh maitao hinou peikhai touyu chikha khesü zülo ae vah ashi souyu khesü bailo.”

1 PUOPAOKO 21:9

Süthaisü Mapao nou David vei rachipaolawo Gad hi paoe,

1 PUOPAOKO 26:28

Rachipaolapu Samuel, Saul veo, Ner nahpoutu Abner, ae Zeruiah nahpoutu Joab nou Rathoki hi pove sheela peikhai touyu teitei sü Shelomith ae puhvei kihikha maitao nou zhupeiwe.

1 PUOPAOKO 29:29

David veo vei vah haso teitei hai arai nou akhai koute hai rachipaola-apei mai asü- Samuel, Nathan ae Gad nou hrüko rükhai touyu vei larübvü hi rüthou khaitoue.

1 PUOPAOKO 9:22

Robomü hi talouyu vei reihkhaomai dopakhai touyu mai hrülai sü 212. Puletao vei khü thaifüa nuh nuh hinou zhih sü rükhaitoue. Puletao vei puopaoh maitaoye vahbuh hainasü veo David ae rachipaolawo Samuel nou thoupeie.

2 PUOPAOKO 16:10

Haibüa paopei khaie, Veo Asa nou rachipaolawo naye sü rarou sholoure, ae puhye sü hukhaki hi nüthou khaiwure. Teile hai phaki Asa veo nou rarou sholoua kamai-a soushi shopeie.

2 PUOPAOKO 16:7

Süphaki rachipaolawo Hanani nou veo Asa hi veloua paoe, “Nenou Sairia hi veoye sü loucheloua nevei Ramai Mapao ye louche moyu donou Israel hi veo vei reihmaitao hai ne hinou tureipa loure.

ISAIAH 29:10

Daiolouzü Mapao nou neletaoye panou zhitei tare donou rako sü seive peiwure. Rachipaola apei maitao hai maisou vei nghithou souyu pha-e, ana Ramai nou puletao nghithou sü vaoho loure alia vepare zhingaoyu maitao pei sü hongiwure.

ISAIAH 30:10

Puletao nou rachipaola-apei maitao hi paoe, “Etao hi kaozüyu ae dai-e souzüe touyu khesü paoso, Etao nou keinüyu chipao nou pao-a baio, cheche moyu tyanou Etao hi pao-a baio.

AMOS 7:12

Süthaisü Amaziah nou Amos hi paoe, “Oh rachipaolawo! talo, ne Judah teidei hi taho sühinou ne pou kutoua rachi paobaio.

1 KORINTHMAI 12:17

Pfüphao teitei hai nghithou bailouzü, sünanou kakua chouloulai? Alia pfüphao teitei hai nou bailouzü, sünanou kakua kai hüloulai?

CHIKUAPEI MAITAO 1:1

Joshua thaitayu thai, Israel mainou Ramai hi noue, “Thao vei khü nou Kanaan maiye reih soulou railaige?”

CHIKUAPEI MAITAO 18:5

Puletao nou puh hi paoe, “Etao nou ta-a buyu vah nasü veilousü moge touyu zhuvea Ramai hinou noupeio.”