1 SAMUEL 7:9 - SHEEYU BAIBEL (BSI)

⁹ Südonou Samuel nou nao khomoyu zhaotu ali dathaloua Mapao hi teitei nou poa meidei-a sheela peie, ae Samuel nou kra-a Mapao hi veachi paoe, alia Mapao nou puhvei veachi sü noupeie.

1 SAMUEL 7:9 Iomraidhean Croise

LOUTAO 50:15

Neletao hi veahoyu veyu phaki Eye kulo; Enou neletaoye khailupa peilai, ae neletao nou Eye paosholai.”

LOUTAO 99:6

Moses ae Aaron hai puhvei napao-e, ae Samuel hai puh hi veachi paoyu mai ali-e; puletao nou Mapao ye kue, ae puhnou puletaoye sü chila peie.

JEREMIAH 15:1

Süthaisü Mapao nou ahi paoe, “Moses ae Samuel nou mai haitao donou laloua ahinou zhuvea peio tea khoyuma, Enou mai haitaoye zhuvea peilai moe. Puletaoye panou anghingao hinou tavai talouo.

PAODAKHAIYU CHIKHA 9:26

E Mapao hi veachi paoe alia haibüa paoe, ‘Oh Ramai Mapaowo, dushoyu nevei khouko nou vupa peikhai touyu alia khouko bushoyu nebah nou Ejipt teidei hinou süthai sapapei khaitouyu nevei kaalo thaore nevei maitao hai souha pei khaiso.

JEMS 5:16

Südonou neletao sounou sü veiloure donou neletao vei mahsü alinou lihi paopa ngao-a alinou li donou veachi paopeikhaio. Chechemai ali vei veachi hai vah soulouvei khouko alaosou bue.

CHIKUAPEI MAITAO 6:26

Alia sünavei deichi hisü neletao vei Ramai Mapao ye thoyu rathobuh aveihli soushulo. Süthaisü chode ahai nasü poloua nenou daodekhai touyu Asherah bashara vei süütao nou mei deiloua posheela peio.”

CHIKUAPEI MAITAO 6:28

Thainaisho shona kushuyu phaki, nuhdu hinou hrüa buyu mainou Baal rathobuh nasü hakao kouwua ae süpehao hinou buyu Asherah vei bashara nasü daodewua alia soukhai touyu rathobuh phao hisü chode ali posheela khaitoua ngaoloue.

1 SAMUEL 10:8

Nenou Gilgal hisü ajünou rai-a velo, ae Enou tave sühinou neye daolai, alia meidei-a posheelare ae poukai nüvei sü Enou meidei-a posheela peilai. Enou tave neye panou daisoulai touyu khesü paopeimo koute teithe anai koute hai Eye koa bulo.”

1 SAMUEL 12:17

Zhaodo hai tei thekei-a buyu kaki mowu? Ana Enou veachi paopei louzü, Mapao nou teisüa teikhai teirü seive peilai. Hakinou haibüa teikhai teirü ashi velouzü, neletao nou Mapao hinou veo khoyu hai dushoyu mah souwure touyu sülou.”

1 SAMUEL 16:2

Samuel nou chila peie, “Enou süsü kabüa soukhai laige? Hakinou Saul nou sülouyu thaio, puhnou Eye sü southa bailai.” Mapao nou chila peie, “Ne cholou ali hulo, ae Mapao ye poa sheela peilai tea paolo.

1 SAMUEL 2:35

Achi züyu napao mai ali Enou dopa loulai, ae puhnou ale hinou tsücho-a buyu avei jüpa vah teitei sü soupeilai; ae Enou puh vei tyaosholea maitaoye sü soudusho peilai, sübüa puhnou tapa talou-a Enou theadzü napei khaitouyu veo nghoujü nou teisa avei kuvah soulai.

1 SAMUEL 7:17

Süthaisü puhnou buyu Ramah nuhdu hi dakhai ve bue, ae puhnou buyu buh hia maikhe maivei chilou khesü kupeiwe. Ramah nuhdu hinou puhnou Mapao ye posheelabu ali soushu peie.

1 SAMUEL 9:12

Loumainahtao nou haibüa chila peie, “Oungai, puhsü nuhdu hi bue. Puh sü nuhdu hi velai tea ne hai jünou raiphoua ta-a baihie. Ne hai nou thalasoua talouzü puhye thaingou lousü hie. Ne hainou nuhdu hi talou louzü puhye dao-a bailai. Puh hai zhou nou nuhdu hi ve hie, daiolouzü deichi hi buyu posheelabu hinou maikhe mainou posheelare donou souda-a bue. Tovai zholai tea kuve khaitouyu maitao hai puh vemo koute vailai moe, daiolouzü puh nou posheelare nasü ha peilai hie. Ne hainou thalasoua talouzü, puh hai deichi hi patamo jünou puhye daolou süe.”