1 SAMUEL 7:6 - SHEEYU BAIBEL (BSI)

⁶ Südonou Israel mai hrülai hai Mizpah hinou ve jüloure. Puletao nou dzü poloua Mapao hi posheela soua lazü peie, ae süzhou teithe hai puletao nou ha toumoa lüh-e, alia puletao nou haibüa paoe, “Etao nou Mapao nghoujü nou mah sü souwure.” (Samuel nou Mizpah hinou Israel maivei chilou khesü kupeiwe.)

1 SAMUEL 7:6 Iomraidhean Croise

SHURAI 31:49

alia Mizpah chuh tea kuloue, daiolouzü Laban nou paoe, “Ahai nou tarata-a buyuma Mapao nou zhua bue.

2 SAMUEL 14:14

Etao mai hrülai thaikhai toulai; Etao hai deiphi hi dzü lakouyu büa baie, deiphi hi lakouyu dzü sü podakhai louhoe. Ana hrü toulia Ramai nou polaiwu moe, sükure thaosü puhnou pa dou-a tamore donou hulai khaitouyu maiye donoua puhnou ludu aveih ali phoupeiwe.

1 VEMAITO 8:47

nevei maitao nou veachi paoyu sü keipeio. Puletao nou teidei sühinou ledalou-a ne hi veachi paolouzü, puletao nou daizhou koute mah soure ae vah ashi soure tea mah lalouzü, puletao vei veachi sü keinou peio, Oh Mapao.

1 PUOPAOKO 11:18

Süthaisü soureih veikayu mai asütao nou Philistin reihmaitao nou buyu fühao nasü tacholoua Bethlehem robomü pe hinou buyu dzükhao hinou dzü sü poloua David hi pove peie. Ana David nou dzü sü kü bare; puhnou küyu thaosü Mapao hi posheela soua lalaiwure,

2 PUOPAOKO 20:3

Süthaisü Jehoshaphat hai ngaopi shore, ae Mapao hi veachi paoe, alia Judah teidei teitei hisü haliro toumoa lüh-a veachi paolai tea kharochi peiwure.

NEHEMIAH 9:27

südonou nenou puletaoye sü panou ngaobayu maitaoye reih veiloue ae puletao vei khakhe hinou pa hrüe. Puletao nou veahoyu hinou ne hi soukha sü kho-e, ae nenou puletaoye sü rakiva nou chila peie. Nevei dushoyu zhuvea hisünou puletaoye süthai-apei maiye seive peia puletaoye ngaobayu maitao hinou khailupa peie.

JOB VEI LARÜBVÜ 16:20

Avei samai khamai nou Eye konüwe, avei nghithou nou nghidzü kükou Ramai hi peiwe.

JOB VEI LARÜBVÜ 3:24

Enou toure sore thaosü dopfüa baire, Enou sou-a leyu hai hakilia thaolou hore.

JOB VEI LARÜBVÜ 33:27

Puletao mai hrülai nou haibüa paolai, “E mahwure. E ha veih ali-a soumoe, ana Ramai nou leshi-a Eye khailu papeie.

JOB VEI LARÜBVÜ 42:6

Südonou chuo Enou paopayu chipaotao sü choloua E hrao shore, ae chuo vounai alia konai hinou kou da-a nou E le daloure.

LOUTAO 106:6

Etao puopaoh maitao büa Etao nou mahmo khesü soupfüwure, Eletao nou vah ashi sü soure ae mai shi-a soure.

LOUTAO 119:136

Maikhe mainou nevei chikha khesü sümoyu donou reidzü küyu büa anghidzü sü kükoua bure.

LOUTAO 42:3

Hea-khei sümoa Esü kra-a bubaire, ae ngheidzü sünou avei touso soua hrüa bubaire. Eye ngaobayu maitao nou tobai soumoa ahinou, “Nevei Ramai sü daikinou bue?” tea noua bubaire.

LOUTAO 6:6

E le veayu nou lelouho shore; kheitsü sü E krayu donou avei züphao chare, avei nghidzü sünou kouh peikhü sü chata baire.

LOUTAO 62:8

Oh avei maitaore, teile veishi hinou Ramai ye louchelo. Neletao vei veahoyu teitei sü puh hi paongao khaio, daiolouzü Etao vei baibu nasü puh baie.

JEREMIAH 31:19

Etao hai ne hinou tarei tare, ana thasho-a nou dakhaive nülure. Nenou Etaoye tudee peiyu thai, Etao sü dopfüa nou bure. Etao nou nahle-a buki mahmo souyu donou Etao hai haongu pfüa nou bure.’

JEREMIAH 36:9

Judah hi veo Josiah nahpoutu Jehoiakim nou vekou louyu po angou vei khouh akü kousü Jerusalem hi mai hrülai alia Judah vei nuhdutao hinou veyu maikhe mainou Mapao vei jüpa ngaoloure donou veachi pao-a lüh-a nou bue.

JEREMIAH 9:1

Oh apei hai dzübvü ali-e tulouzü, ae anghithou hai dzüla toulouzü, Enou Amaitaoye southayu vanou hea-khei sümoa kra-a bua bailai.

DOPFÜYU 2:11

Avei nghithou hai krapouleyu donou ha ngaotou more; Ale sü veashore. Avei maitaoye soushi souhayu donou dopfüa E sü shaloure. Nahmaitao ae nahmaitou khesü nuhdu vei duva hinou shatare.

DOPFÜYU 3:49

“Avei nghidzü hai reitou ali büa thaokhai timoa küa nou bua bailai,

DOPFÜYU 5:16

Etao nou khaophu soua buyu khesü aliro hazei toure. Etao nou mah souwure, ae chuo Etao nou veahoyu nasü ngaore.

EZEKIEL 20:4

“Nenou puletao vei chiku peilaiwu? Sükulouzü puletao vei puo maitao nou ngaorayu vah soukhai touyu khesü paongao peio.

HOSEA 5:1

“He Napao maitaore, haihai keilo! He Israel maitaore, leloua chi hai keilo! Oh vemaitaore, kei khaio! Chikure sü ne pei hi velai! Daivanou touyuo ne sü Mizpah hi rüh, Tabor deichi hi sho alia

JOEL 2:12

Mapao nou paoe, “Ana chukoute-a, ne lü teitei nou pei-a, lüh loua nou, alia kra-a dopfü lounou ahi dakhai velo;

LEVIMAI LARÜBVÜ 16:29

Vere teile veishi hinou zhai haitao hai reilai. Khouh anai navei teithe kirou zhou hai Israel mai hrülai ae puletaoye koa hrüyu shetumai hrülai-a vah soumoa lüh-a reilai.

LEVIMAI LARÜBVÜ 26:40

“Ana puletao vei nahmai tyaomaitao nou puletao vei mah ae puletao vei puopao maitao nou soumah khaitouyu ae Eye khaitya khaitouyu khesü mahwure tea mahla loulai,

LUK NOU RÜYU KO AVEIBVÜ 15:18

Enou tashuloua ea Apuohi taveloua puh hi ve paolai, Apuo, Enou Ramai pei hi ea ne nghojünou mah soure.

JOSHUA 18:26

Mizpeh, Che-phirah, Mozah,

CHIKUAPEI MAITAO 10:10

Süthaisü Israel mainou Mapao hi kra-a paoe, “Etao hai ne nghoujü hinou mahwure, daiolouzü Eh nou Etao Ramai ye thaowure, alia Baal rahye sü thotare.”

CHIKUAPEI MAITAO 10:15

Ana Israel mainou Mapao hisü paoe, “Eh nou mah sü souwure; nenou Etao pei hi sounü nasü soulo, ana zhouvu louzü Etaoye khailupa peio.”

CHIKUAPEI MAITAO 2:4

Mapao vei rakivamai nanou haihai Israel maisou hi paopeiyu phaki, mai hrülai nou shusoua krare.

CHIKUAPEI MAITAO 20:26

Süthaisü reih soulai tea tayu Israel mai hrülai nou Bethel hinou khe krare, ae puletao nou Mapao nghoujü nou koukhe koute sü hatoumoa lüa Mapao nghoujü nou maisou vei posheela ae kainüvei pou mei dei-a posheela peie.

CHIKUAPEI MAITAO 3:10

Mapao vei rako sünou puh hisü velou loure, alia puhnou Israel maiye süthai sa-a hrüpeie. Puhnou Israel maiye sa-a soureih soutae, ae Mapao nou Mesopotamia veo Kushan-rishathaim ye puh bah hi thoupeie, ae puhnou Kushan-rishathaim jünou reih veiloue.

1 SAMUEL 1:15

Ana Hannah nou puh hi chila peie, “Moe, apaopuwo, E zhaoh sozhi moe, E hai veashoa buyu naotumai ali baie. E zhaoh sokhai moe, ana Enou avei veahoyu sü Mapao hi pao-a bubaie.

1 SAMUEL 10:17

Samuel nou maikhe maiye sü Mizpah rathoyu buh hi kuve jüloua

1 SAMUEL 12:10

Süthaisü puletao nou kra-a Mapao hinou soukha peio tea haibüa paoe, ‘Eh nou mah sü souwure, daiolouzü Etao nou Mapao sü thaowure, ae Baal ae Ashtaroth rah khesü tho tare; ana chuo Etaoye ngaobamai bah hinou vupa peio, ae Etao nou neye sü tho-a bailaire.’

1 SAMUEL 7:15

Samuel nou hria buyu koute hai puhnou Israel maiye khosa-a hrüpeie.