1 SAMUEL 7:5 - SHEEYU BAIBEL (BSI)

⁵ Süthaisü Samuel nou Israel mai hrülaiye Mizpah hi tave jülo tea kue, daiolouzü puhnou puletaoye donou Mapao hi veachi paopeilai tea paosüta peie.

1 SAMUEL 7:5 Iomraidhean Croise

SHURAI 20:7

Ana chuo mai chapfü sü maipuo hi dakhai peio, daiolouzü puh hai rachipaolayu mailie alia neye panou thaimore donou puhnou neye veachi paopeilai. Ana nenou naotupaiye lukhai peimo louzü, ne alia nevei mai hrülaiye sü southa khai bailai touyu sülo.”

SHURAI 31:49

alia Mizpah chuh tea kuloue, daiolouzü Laban nou paoe, “Ahai nou tarata-a buyuma Mapao nou zhua bue.

2 VEMAITO 25:23

Nüloumoa buyu Judah hi reihmai peikhoyu maitao ae reihmaitao nou Babilon hi veo nou Gedaliah ye panou teidei khowo sü soupeire touyu ko hai choulou khaie, puletao nou puhye Mizpah hinou tave daoe. Puletao hai thaothao mai-e toulouzü: Nethaniah nahpoutu Ishmael, Kareah nahpoutu Johanan, Netophath puona Tanhumeth nahpoutu Seraih, ae Maakah hinou Jezaniah hai maitaoe.

NEHEMIAH 9:1

Khouh haina vei khoukha kaidai zhou hai Israel maisou nou vejüloua puletao nou mahmo soukhai touyu donou levea-a hatou moa lüh-a veachi paoe. Puletao hai vakou maitao hinou kupa loure, ae puletao nou leveayu vei sheesoua soukousah nou banou loure alia puletao vei pei vasü vounai posho khailoure. Süthaisü puletao vei mahmo ae puletao vei puopaoh maitao nou mah soukhai touyu khesü mah lare.

JEREMIAH 40:6

Süthaisü Enou Mizpah hinou Ahikam nahpoutu Gedaliah hi taho teidei hinou shokhai toua buyu maitaoye koa bure donou tare.

HOSEA 5:1

“He Napao maitaore, haihai keilo! He Israel maitaore, leloua chi hai keilo! Oh vemaitaore, kei khaio! Chikure sü ne pei hi velai! Daivanou touyuo ne sü Mizpah hi rüh, Tabor deichi hi sho alia

JOEL 2:16

maisouye save jülouo. Vejüa buyu maisouye sü sousheelo, tsümai taoye save jülo, nahmai-a save jülo, naonao buyu nahmai koutea save jülo. Nghisha soulai tea buyu na-a pa puh kisü thaowu-o, nghilai tea buyu napai-a pa puh buh sü thaowo.

JOSHUA 15:38

Dilan, Mizpeh, Joktheel,

JOSHUA 18:26

Mizpeh, Che-phirah, Mozah,

CHIKUAPEI MAITAO 10:17

Süthaisü Ammon mainou reih soure donou Gilead hi velou buloure, alia Israel mai-a velou Mizpah hinou fühao souloua bure.

CHIKUAPEI MAITAO 20:1

Süthaisü Israel mai hrülai nou reilova buyu Dan teidei hinou poa teibeikou buyu Beersheba koute, ae teinghi palova buyu Gilead teidei teitei noupu loua Mapao nghoujü hinou tave me ali souloua Mizpah hinou jüloure.

1 SAMUEL 10:17

Samuel nou maikhe maiye sü Mizpah rathoyu buh hi kuve jüloua

1 SAMUEL 12:17

Zhaodo hai tei thekei-a buyu kaki mowu? Ana Enou veachi paopei louzü, Mapao nou teisüa teikhai teirü seive peilai. Hakinou haibüa teikhai teirü ashi velouzü, neletao nou Mapao hinou veo khoyu hai dushoyu mah souwure touyu sülou.”

1 SAMUEL 12:23

Süpei hinou Eye panou neletaoye donou veachi pao peimoa Mapao hinou mah soure nasü, ahinou pa doushoa butheo. Enou neletaoye sü kabüa vah aveih ae kaozü nasü soulai touyu sü doupeilai.

1 SAMUEL 7:12

Süthaisü Samuel nou chuh ali poloua Mizpah ae Shen kohinou shola loue, ae haibüa paoe, “Mapao nou Etaoye chu koute-a soukha peiwe,” südonou puhnou chuh sünasü “Soukha peiyu Chuh” tea zhih sapeie.

1 SAMUEL 7:16

Puhnou po patsü hai Bethel, Gilgal, ae Mizpah, alia buh kukhe hia tasühao poa nou maikhe maivei chilou khesü kupeie.

1 SAMUEL 7:4

Südonou Israel mainou Baal ae Ashtaroth basharatao sü thaokhaiwua Mapao ye likhei tho-a baire.

1 SAMUEL 8:6

Puletao nou veo dopeio tea khoyu sü chouloua Samuel hai levea shore, südonou puhnou Mapao hi veachi paoe,