1 SAMUEL 6:4 - SHEEYU BAIBEL (BSI)

⁴ Maikhe mainou “Etao daina nou koa seitalai?” tea noue. Puletao nou haibüa chila peie, “Philistin maivei veo mai angou buyu thaifüa sanake angou hai maah pa-a souyu zhairai hinou soulo, ae sanake angou hai zhao zhurai hinou soulo; daiolouzü neletao mai hrülai vahi ae veo mai angoutao va hisü maah pa-a veasho-a nou souyu sü peie.

1 SAMUEL 6:4 Iomraidhean Croise

TAPALOUYU 12:35

Moses nou paopeiyu thaifüa Israel mainou souloue, süolouzü puletao nou Ejipt mai hinou shahu ae sana nou soukhai touyu zhusana ae sabanü khesü kholoue.

JOSHUA 13:3

khekouh nou buyu Avvim mai teidei teitei noupu Ejipt maivei deirai hilo buyu Shihor reitou hinou poa reiloukhe Ekron mai deirai koute, sühai Kanaan maivei teideie teanou paowe; Philistin vemai angou taohai Gaza, Ashdod, Ashkelon, Gath alia Ekron hinou bue.

CHIKUAPEI MAITAO 14:19

Süthaibü Mapao vei rako puh hi louloua puhnou taho Ashkelon nuhdu hinou mai shirou southa loue alia puletao vei sabanü sü poloua pove puhvei khadachi paolouyu maitaoye saba chekhi bapeie. Puh sü rarou shoa puh puo ki hi dakhai tare.

CHIKUAPEI MAITAO 3:3

Tyahrü sütao sü haitaoe: Philistin mai nuhdu angou, Kanaan mai hrülai, Sidon mai, Lebanon deichi hinou hrüyu Hiv mai, Baal Hermon deichi hinou poa Hamath louyu ludu hi kouyu teitei-e.

1 SAMUEL 5:12

Thaimoa buyu maitao hi-a maah payu sou nasü soure, ae puletao nou puletao rah hisü soukha peio tea khoe.

1 SAMUEL 5:6

Mapao nou Ashdod hi maiye sü souvea shopeie, ae puhnou Ashdod ae süpehao hinou hrüyu mai hrülaiye sü panou maah pa-a souyu sounou ashi tyanou seive souvea peie.

1 SAMUEL 5:9

Ana nuhdu sühi Vo Sübvü nasü pove khaiyu thai, Mapao nou nuhdu sühi hrüyu maiye sü shishoa nou tudee peie, sübüa nuhdu sühi hrüyu mai hrülai hai taidu sümoa maah pa-a souyu sounou nasü soukhai toure.

1 SAMUEL 6:5

Neletao nou maah pa-a souyu zhairai ae neletao teidei soushi-a buyu zhao zhairai souloua Israel maivei Ramai ye tsükhou peio, sükulouzü puhnou neletao pei hi, neletao vei ratao pei hi ae neletao vei teidei hai soushipu moa khaipei shulai.

1 SAMUEL 6:8

Mapao vei Vo Sübvü nasü choluki phaova khailo, ae neletao nou mah soukhai touyu donou posheela peire sanatao sü Sübvü pe hi khailo. Süthaisü choluki nasü panou ludu hi lah likhei tawo.