1 SAMUEL 6:3 - SHEEYU BAIBEL (BSI)

³ Puletao nou paoe, “Neletao nou Israel maivei Ramai vei Vo Sübvü nasü seidakhai ve peilai toulouzü, neletao nou mah soukhai touyu donou posheela noupu koa seidakhai vepeio. Vo Sübvü nasü panou sakhai-a taso, sükulouzü neletaoye souvei peishulai, ae puhnou daisounou neletaoye souvea peisa touyu hai-a süloulai.”

1 SAMUEL 6:3 Iomraidhean Croise

JOB VEI LARÜBVÜ 10:2

Eye limah chomah peiso, tea Ramai hi paolai, paopei khaio, apei hi vamoyu daio bue?

TAPALOUYU 23:15

Enou neletao hi kharochi peikhai touyu büa neletao nou Ejipt teidei thaowua tapayu Abib khouh hisü khei thoumoyu Raokhao Nüh nülai. Khouh haina hi teithe anai neletao nou khei thoumoyu raokhao toua bailai. Mai tarali noua bah sakhai-a tave Eye tholai moe.

TAPALOUYU 34:20

Rheisüh nasü neletao nou zhaotu ali nou poa khailupa louveie, ana neletao nou honasü khailupa laimoe toulouzü ngu hinou rachawuo. Nahpoutu naraio louzü muh peia khailupalo. “Mai taralia posheelana loumoa ahi velou laimoe.

TAPALOUYU 8:15

Veo Pharaoh nou vao thaiyu ngaolou khaie, puh le sü khoupulou khaire alia Mapao nou paoyu büa puhnou Moses ae Aaron nou paoyu chi sü keipei bare.

LEVIMAI LARÜBVÜ 5:6

ae puhnou soumah khaitouyu donou Mapao hi zhaotu moa nghitu kü ali hai pove posheela peilai. Napao nou sünasü puhvei mah donou posheela peilai.

LEVIMAI LARÜBVÜ 6:6

Puhnou soumah khaitouyu donou Mapao hi posheela peire donou puhnou chaa hayu zhaotu moa nghitu pou/chü ali hai napao hi pove peilai. Süna vei muma hai maisou nou ta-a buyu hinou phouloua peilai.

PAODAKHAIYU CHIKHA 16:16

“Neletao Ramai Mapao nou dopa louyu buh hinou poutumai touyu hrülai, po ali hinou bakha asü hai Mapao nghoujü hi velai; khei thoumoyu raokhao nüh, Chachi louyu nüh, ae Sahpao nüh. Mai li-a Mapao nghoujü hi bah sa-a velaimoe,

1 SAMUEL 5:11

Südonou puletao nou Philistin maivei veo mai hrülaiye kuve jüloua paoe, “Etaoye ae Etao vei kihikha maiye southa more donou Israel maivei Vo Sübvü nasü raichoki buyu buh hi seidakhai ho khaipeio.” Ramai nou shishoa tudee peiyu donou nuhdu hi hrüyu mai hrülai hai ngaopi shore.

1 SAMUEL 5:7

Ashdod hi mainou vepayu vah haso khesü ngaoloua puletao nou paoe, “Israel maivei Ramai nou Etao pei hi ae Etao Dagon rahye tudeeyu hai Etao nou pfülou hore, südonou puletao vei Vo Sübvü nasü Etao hi khaipu khailai more khe.”

1 SAMUEL 5:9

Ana nuhdu sühi Vo Sübvü nasü pove khaiyu thai, Mapao nou nuhdu sühi hrüyu maiye sü shishoa nou tudee peie, sübüa nuhdu sühi hrüyu mai hrülai hai taidu sümoa maah pa-a souyu sounou nasü soukhai toure.

1 SAMUEL 6:8

Mapao vei Vo Sübvü nasü choluki phaova khailo, ae neletao nou mah soukhai touyu donou posheela peire sanatao sü Sübvü pe hi khailo. Süthaisü choluki nasü panou ludu hi lah likhei tawo.

1 SAMUEL 6:9

Süthaisü kabüa tayu zhukhaio; choluki nanou touleipoa Beth Shemesh hilova tare toulouzü, Etao pei hi shishoa nou veahoyu hai Israel maivei Ramai nou seivewe touyu süloulai, ana sükua tamore toulouzü Etao pei hi veaho veyu hai lah tebüa vepa-a baie touyu süloulai.”