1 SAMUEL 5:7 - SHEEYU BAIBEL (BSI)

⁷ Ashdod hi mainou vepayu vah haso khesü ngaoloua puletao nou paoe, “Israel maivei Ramai nou Etao pei hi ae Etao Dagon rahye tudeeyu hai Etao nou pfülou hore, südonou puletao vei Vo Sübvü nasü Etao hi khaipu khailai more khe.”

1 SAMUEL 5:7 Iomraidhean Croise

2 SAMUEL 6:9

Süthai David nou Ramai ye ngaopilou-a paoe, “E daibüa Vo Sübvü nasü ahi pove khailoulai?”

1 PUOPAOKO 15:13

Neletao raichoki kaopoa tayu hi loumoyu donou, Etao Ramai Mapao nou Etao pei hi rarou loure, daiolouzü Etao nou souzü na thaifüa soulou more.”

TAPALOUYU 10:7

Veo khenou buyu peikho maitao nou veo hisü paoe, “Mai haina nou Etaoye teile kashoa souvea laige? Israel maitaoye lah puletao Mapao ye sü panou taho tho tawo. Ejipt teidei hai halaire touyu sü ne sümo hivu?”

TAPALOUYU 12:33

Ejipt mainou Israel maiye panou theashoa puletao teidei hinou tare donou ve lere alia puletao nou haibüa paoe, “Neletao tamo louzü Etao mai hrülai nou thaikhai toulaire.”

TAPALOUYU 8:28

Südonou veo nou paoe, “Neletao nou doushoa talai moe toulouzü, Enou neletaoye panou neletao Mapao Ramai ye posheela-a thore donou pa rekou talai, Eye donou veachi paopeio.”

TAPALOUYU 8:8

Süthaisü veo nou Moses ae Aaron ye kuloua paoe, “Mapao hi veachi paopeia vao khesü panou polai peia baio, sükulouzü Enou nevei maitaoye panou taho Mapao ye thotalai.”

TAPALOUYU 9:28

Mapao hi veachi paopeio. Teisüyu ae reithou kouyu hai taisüre! Enou neletaoye panou talaire, neletaoye panou haihi bupulai more.”

JEREMIAH 46:25

Khouko buo Mapao, Israel maivei Ramai nou paoe, “Enou Ejipt maitao, puletao vei rahtao ae vemaitao koa Amon mai, ae Thebes hi rahtao sü tudee peilai. Enou Ejipt hi veo, alia puhye loucheyu mai hrülaiye sü saloulai,

JEREMIAH 48:7

“Moab, neletao sü lah neletao vei khouko ae kini nou louche loure, ana chuo neletao sü pah shiyu ngaolai; neletao vei rah Khemosh sü puhvei napao maitao ae veo nahpoutu maitao noupu koa hukhamai soua vakou nüpoa talaire.

1 SAMUEL 4:8

Etaoye khouko pfüshoyu rah haitao hinou thaonou vupa peilaige? Ramai süna nou Ejipt maiye sü radeiki hinou southakhai toupeie.

1 SAMUEL 5:6

Mapao nou Ashdod hi maiye sü souvea shopeie, ae puhnou Ashdod ae süpehao hinou hrüyu mai hrülaiye sü panou maah pa-a souyu sounou ashi tyanou seive souvea peie.

1 SAMUEL 5:8

Südonou puletao nou kopomaiye seiho Philistin hi veo mai angou taoye kuve jüloua paoe, “Israel maivei Ramai Vo Sübvü nasü Etao poa daipha soulai?” Puletao nou paoe, “Vo Sübvü nasü Gath nuhdu hi poho khaio.” Südonou puletao nou Philistin maivei nuhdu ali Gath tea kuyu hisü pove khaiwure.

1 SAMUEL 6:20

Süthaisü Beth Shemesh hi mainou paoe, “Thaonou Sheeyu Ramai Mapao nghoujü nou lalou süyu buge? Puhvei Vo Sübvü nasü thaohi seive peilaige?”