1 SAMUEL 5:6 - SHEEYU BAIBEL (BSI)

⁶ Mapao nou Ashdod hi maiye sü souvea shopeie, ae puhnou Ashdod ae süpehao hinou hrüyu mai hrülaiye sü panou maah pa-a souyu sounou ashi tyanou seive souvea peie.

1 SAMUEL 5:6 Iomraidhean Croise

SHURAI 41:31

Tokaa velai sünanou shiyu hai teile ali hi vashoa tophayu nasü ngai bailai.

JOB VEI LARÜBVÜ 31:3

Mai ashi mainou ngaore sü hakayu alia mahmo souyu mainou kanghiyu ngaolai mowu?

LOUTAO 145:20

Puhye leshi-a buyu mai hrülaiye sü puhnou kho peie, ana puhnou mai ashi maiye sü souha-a bailai.

LOUTAO 147:6

Puhnou tainou soua laiyu maiye souduso peie, ana mai ashi maiye deiphi hi sounakou khai peie.

LOUTAO 32:4

Mapaowo, nenou Eye hea-khei sümoa tudee peiyu donou avei khouko sü teilüyu phaki teinai nou dzü khesü phutheyu büa phuthewure.

LOUTAO 78:66

Puhnou puhye ngaoba-a buyu maitaoye sü teisa panou hraongu ngao-a bure buh hisü hukou thoupeiwure.

TAPALOUYU 9:3

Enou neletao vei kikhaorü teitei - rhei, rheisüh, racho, seivo houzhao, ae nghitu zhaotu teitei sü sounou ashi nou seive souhawulai.

SEI-ATAMAI VAHTAO 13:11

Alia chuo zhukhaio, Mapao vei bahkha nepei hi khapoa bue, alia ne nghisü chaloua teile phajü teiva ngaolai moe.” Sübü hinou puhnghi sü teihao ea teizhinou kou züloure ea kamaiye panou puhye bahnou süthai peire donou maikhe maiye phou sühao tare.

PAODAKHAIYU CHIKHA 28:27

Ejipt mai hi vepayu büa Mapao nou neletao hi cho alia soushih, chükü pao-a tayu alia tho-a souyu hinou neletao hai veilouho-a panou vealai.

1 SAMUEL 5:11

Südonou puletao nou Philistin maivei veo mai hrülaiye kuve jüloua paoe, “Etaoye ae Etao vei kihikha maiye southa more donou Israel maivei Vo Sübvü nasü raichoki buyu buh hi seidakhai ho khaipeio.” Ramai nou shishoa tudee peiyu donou nuhdu hi hrüyu mai hrülai hai ngaopi shore.

1 SAMUEL 5:7

Ashdod hi mainou vepayu vah haso khesü ngaoloua puletao nou paoe, “Israel maivei Ramai nou Etao pei hi ae Etao Dagon rahye tudeeyu hai Etao nou pfülou hore, südonou puletao vei Vo Sübvü nasü Etao hi khaipu khailai more khe.”

1 SAMUEL 5:9

Ana nuhdu sühi Vo Sübvü nasü pove khaiyu thai, Mapao nou nuhdu sühi hrüyu maiye sü shishoa nou tudee peie, sübüa nuhdu sühi hrüyu mai hrülai hai taidu sümoa maah pa-a souyu sounou nasü soukhai toure.