1 SAMUEL 5:3 - SHEEYU BAIBEL (BSI)

³ Thainesho shona sü Ashdod hi mainou Dagon rah zhurai soukhai touyu nasü Mapao vei Vo Sübvü nghoujü nou deiphi kaokou bua ngaoloure. Südonou puletao nou zhurai soukhai touyu nasü levei buh hi popa khaipeie.

1 SAMUEL 5:3 Iomraidhean Croise

1 VEMAITO 18:26

Puletao nou chode sü poloua souda loure, ae Baal hi hea touchü koute hai veachi paoe. Puletao nou “Oh Baal, Etaoye chila peio,” tea shapaore, ae posheelabu sü chohaore. Ana chila sü peimore.

LOUTAO 115:7

Puletao hai bah bue, ana deiyu sümoe, phi bue, ana talou chamoe, puletao hai kho ali-a soupa louhoe.

LOUTAO 97:7

Bashara thoyu mai hrülaiye sü hraongu soupeilai; Mapao ye sü rah veishi nou nakou khurülai.

TAPALOUYU 12:12

“Enou süzhou khei sü Ejipt teidei teitei tasühao velai, alia Enou Ejipt teidei hi mai ae kikhaorü narai hrülai sü southalai ae Enou Ejipt hi rah khesü tudee peilai. E hai Mapao-we.

ISAIAH 19:1

Chipao haisü Ejipt donou paoe. Taveih shoyu teihao phao nou Mapao sü Ejipt mai hi ve-e. Ejipt maivei bashara khesü puh nghoujünou pia ngure, alia Ejipt maivei khuveih nasü hatare.

ISAIAH 40:20

Sübüa sana moa shahu nou soulou hoyu touha maitao nou taralou hoyu süü nou doloua shamara souyu maiye panou zhurai nasü kaodu more donou soukhai toue.

ISAIAH 41:7

Shara souyu mainou sana souyu maiye paoshowe, ae hubao poa bashara dachiyu nanou hu deikhayu na hisü ‘Hai hai deikha veishore’ tea paoe, ae bashara sü pa lümore donou hushu nou veakha peiwe.

ISAIAH 46:7

Puletao nou sünasü phao hi popaloua pfütawe, puletao nou khaibuh hi khaipeie, ae buh sühi sünou la-a bubaiwe; buh sühi sünou lüa tacha moe. Mai ali nou shusoua rao-a buyuma chila peicha moe, puhnou maikhe maiye sü veahoyu hisünou khailupa peimoe.

JEREMIAH 10:8

Puletao hrülai nou tsü hae ae vomai baie; süü nou daokhai touyu basharatao hinou daio douloulai?

ZEPHANIAH 2:11

Mapao nou puletao hi ngaopi shoyu soupeilai, Puhnou deiphao hi rah kukhe buyu teiteiye souhawulai, alia lahkuku buh hinou tyahrü hrülai nou Puhye nakou tholai.

MARK 3:11

Alia rashinou louyu maitao nou Jisu ye ngaoloukhaie, puletao sü puh nghojünou kou duloua, “Nehai Ramai Nahpoutue,” tea shusoua shaloure.

1 SAMUEL 6:1

Mapao vei Vo Sübvü nahai Philistin maivei teidei hinou khouh anai bure.

1 SAMUEL 6:5

Neletao nou maah pa-a souyu zhairai ae neletao teidei soushi-a buyu zhao zhairai souloua Israel maivei Ramai ye tsükhou peio, sükulouzü puhnou neletao pei hi, neletao vei ratao pei hi ae neletao vei teidei hai soushipu moa khaipei shulai.