1 SAMUEL 4:4 - SHEEYU BAIBEL (BSI)

⁴ Südonou puletao nou Shiloh hi maiye seiho panou shouh pfüyu cherubim khaona ahai kohinou buyu Mapao vei Vo Sübvü nasü pove-e, ae Eli nahpoutu ahai— Hophni ae Phinehas puhai nou Vo Sübvü nasü koa pove-e.

1 SAMUEL 4:4 Iomraidhean Croise

2 SAMUEL 15:24

Levi mainou Zadok napao koa Ramai vei Vo Sübvü nasü kaopoa nou ta-e. Vo Sübvü sünasü maikhe mainou nuhdu tala loumo koute posho khaiwure, alia Napao Abiathar nou puletao tala loumosa sü ratho-a posheela peie.

2 SAMUEL 6:2

ae puletaoye sü sa-a Judah hi buyu Baalah hisü velou sühinou buyu Ramai vei Vo Sübvü, Halih Hala Soulousüo Mapao vei zhih pfü-a shouh pfüyu khaona phao hinou vebuh sou buyu nasü Jerusalem hi podakhai veloure donou tare.

2 VEMAITO 19:15

ae haibüa puhnou veachi paoe, “Oh Israel maivei Ramai Mapaowo, shouh pfüyu khaonatao pei hinou vebuh soua buyupu, ne likhei nou deiphao hi buyu vedei teitei hai khosa-a nou bubaie. Nenou ratei ae deiphao sü soupeie.

LOUTAO 80:1

Oh Israel maivei Zhaokhopu, Etao vei pai kei peio; zhaotu me ali büa Etaoye süthai peipu, Etao chi nou peio. Shouh pfüyu cherabim khaona phaova nou vebuh soua buyupu,

LOUTAO 80:2

Tave Ephraim, Benjamin ae Manasseh maitao hi ne zhu ngaopeio. Nevei khouko nasü tave Etao hi ngaopeio; taveloua nou Etaoye khailupa peio!

LOUTAO 99:1

Mapao nou veo süe, mai hrülaiye panou pingua bulo. Puh hai shouh pfüyu khaona phao vanou puhvei vebuh hisü bue, ae deiphao sü panou ngulü khaio.

ISAIAH 37:16

“Khoukhoulai Israel maivei Ramai Mapaowo, shouh pfüa buyu khaona cherubim peivanou vebuh abuo, ne likhei Ramai sü baie, ne likhei deiphao veo mai hrülai pei hi veo baie. Nenou raki ae deiphao sü soupeie.

MALAKAI 1:9

Alia chuo Mapao vei jüpa nasü phoulo, sükulouzü puhnou Etaoye zhuvea peishulai. Sübüyu natao hai ne bah nou poa sheela peiyu hai, puh vei jüpa neletao nou ngaoshulai touwu? teanou Mapao nou noue.

MAIPEI PHOUYU 4:15

Fühao hai hrapoa buh datayu phaki, Aaron ae puhvei nahpoutu maitao nou sheeyu natao hai zhua sah nou hocheyu thai, Kohath vei khü nou sheeyu natao hai kaopoa nou talai, ana puletao nou sheeyu natao deilai moe, daiolouzü puletao nou süsü deilouzü puletao hai thai bailai. Puletao nou fühao ashu shotayu chüsü Kohath vei khü nou vah haitao hai soulai.

MAIPEI PHOUYU 4:5

Mapao nou Moses hi haibüa soulo tea paodou peie. Puletao nou fühao hai kua nou shota laire toulouzü, Aaron ae puh nahpoutu maitao nou Sahpao hisü talouloua nou Vo Sübvü hinou buyu haosah khesü paloua Vo Sübvü nasü züloulai.

MAIPEI PHOUYU 7:89

Moses nou Mapao ye chalai tea Sahpao hi talouyu phaki Mapao nou puhye Vo Sübvü pei hinou shouh ahai pfüyu khaona kohinou keayu sü puhnou chou-e.

1 SAMUEL 1:24

Honapai nou puhye nao khoyu thai, puhye sa-a po asü payu chode ali, southou sühcho kirou ae darkha zhaoh souhee lekha ali pfüloua Shiloh hi buyu Mapao vei rathoki ki hisü tare. Süphaki Samuel hai nasho hie.

1 SAMUEL 14:3

(Shiloh hinou Mapao vei napao Eli nahpoutu Phinehas nahpoutu Ikhabod thaihou Ahitub nahpoutu Ahijah nou Ramai vei leli poa zhuyu ephod nasü poa bue.) Jonathan nou puletao hinou tare touyu hai mai ali-a sümoe.

1 SAMUEL 2:22

Chuo Eli hai tsüpare. Puh nou puhvei nahpoutu ahai nou Israel mai hrülai hi soupfüyu vahtao ae Rathoki hi talouyu bomü hinou vah soua buyu naotumai koute-a sabu sazü peishe touyu ko khesü puh hi chouve loure.