1 SAMUEL 4:12 - SHEEYU BAIBEL (BSI)

¹² Süzhou teithe hinou Benjamin khü hinou maipou ali hai reihbu hinou Shiloh hisü tupoa vete-e. Puhnou leveayu sü soungao laitea puhvei sabanü khesü paiphawure, ae puh pei sü konai naloure.

1 SAMUEL 4:12 Iomraidhean Croise

2 SAMUEL 1:2

Teithe asü chezhou sü Saul vei reihmai buh hinou mai ali hai puhvei leveayu ngaoyu ali sou-a lah puhvei sah daophasa toure alia puhvei pei hi nainou boshopoa David hi tuvere. Puhnou David hiki takou pei pfünakou David ye khuhao-a khurüe.

2 SAMUEL 13:19

Puhnou vounai nou pei bosholou, puhnou zaoyu zao nasü paiphawu-a bah nou pei vaopoa kra-a tare.

2 SAMUEL 15:32

David nou tapoa deichi peitaoh hi, maikhe mainou Ramai ye thoyu buh ali hi pate louyu phaki, puhnou louche shoyu Arkit puona Hushai nou puhvei sabanü sü paiphawua ae puh pei hi nai bosholoua tave puhye daolai tea bure.

NEHEMIAH 9:1

Khouh haina vei khoukha kaidai zhou hai Israel maisou nou vejüloua puletao nou mahmo soukhai touyu donou levea-a hatou moa lüh-a veachi paoe. Puletao hai vakou maitao hinou kupa loure, ae puletao nou leveayu vei sheesoua soukousah nou banou loure alia puletao vei pei vasü vounai posho khailoure. Süthaisü puletao vei mahmo ae puletao vei puopaoh maitao nou mah soukhai touyu khesü mah lare.

JOB VEI LARÜBVÜ 2:12

Puletao hosho-a nou Job ye zhingaoe, ana puh zhu sü shilou hore. Takou puhye shilou khaie, puletao sü rasou krare alia dopfü-a puletao vei sabanü taosü daophawu-a dei hinou chikou nai bolou-a teihi laipa-a ae puletao pei sü boshore.

JEREMIAH 26:6

Hakinou neletao nou paochi zümoa bukoure toulouzü, Enou Rathoki hai nasü Shiloh hi soupeiyu büa soupeilai, ae deiphao mai hrülaiye panou nuhdu haina zhih sü chaa ali soua polai.”

EZEKIEL 24:26

Enou haibüa soulaiyu teithe zhou sü kamai-a nou turei paloua neletao hisü tave ko hai khesü paolai.

EZEKIEL 27:30

Puletao mai hrülai nou neye donou dopfüa nou bure. Puletao vei pei hisü nai bosho loure ae vonai hinou kou da-a nou bure.

JOSHUA 7:6

Süthaisü Joshua alia Israel mai hi tsümaitao nou levea sholoua puletao vei sabanü sü daopha sawure alia puletao pei hisü vounai bosho khailoua nou Mapao vei Vo Sübvü nghoujü nou teizhimo koute kaokouh bure.