1 SAMUEL 3:9 - SHEEYU BAIBEL (BSI)

⁹ Südonou puhnou Samuel hi paoe, “Dakhaikou zütawo; hakinou neye kupu louzü ‘Mapaowo, ne kilai Enou kei-a bue, paokhaio’ tea paolo.” Süthaisü Samuel nou dakhaikou zütare.

1 SAMUEL 3:9 Iomraidhean Croise

LOUTAO 85:8

Ramai Mapao nou chi paoyu nasü Enou kei nou bue; daiolouzü puhnou puhvei maitao, ledaloua puh hi dakhai velouyu maiye sü puhnou kaonayu nasü peilai touwe.

LOUTAO 85:9

Cheche vujünou puhye tsükhoua buyu maitaoye sü puhnou khailu peilai, ae puhvei khouko ava nasü teisa nou Etao vei teidei hisü bupeilai.

TAPALOUYU 20:19

Puletao nou Moses hi paoe, “Nenou Etao hi chi khesü paopeia baio, Etao nou ne chi sü kei peilai, ana Ramai panou Etao hi chi paopuso baio, daiolouzü Etao thai laire.”

ISAIAH 6:8

Süthaisü Mapao nou haibüa paoyu Enou choue, “E thaoye seitalai, alia thaonou Eye donou tapeilai?” Enou chila peie, “E hai hi bue, Eye seita peio.”

DANIEL 10:19

Puhnou ahi paoe, “Ramai nou neye leshi shoe, südonou ne ngaopiso, kaonayu sünou ne hi bulo, khouchilo ae khuveilo.” Puhnou ahi paoyu thaisü, avei pfüchi pare alia puh hi haibüa Enou paoe, “Apaopuwo, nenou ahi paolaiyu taosü paopei khaio, daiolouzü nenou Eye soukhou peire.”

SEI-ATAMAI VAHTAO 9:6

ana shuloua nuhdu hisü taloukhaio, alia nenou soure sü daie touyu sü nehi paongao peilai.”

JOSHUA 5:14

Puhnou chila peie, “Maimai donoua moe, ana Mapao vei reihmai peikhowo soua E chu haihi vewe.” Süthai Joshua nou dei hi kaokou loua puhye sü khurüe, alia puh hisü paoe, “A Mapaowo, ne kilai ahi dai kharochi peire bue?”

1 SAMUEL 3:10

Mapao nou puh hi talou laloua “Samuel, Samuel!” tea lapure. Ae Samuel nou “Ne kilai Enou kei-a nou bue, paopei khaio” tea chila peie.

1 SAMUEL 3:8

Mapao nou Samuel ye bakha asü chenasoua lapu khaire. Puhnou kushuloua Eli hi takou “Nenou Eye kuwu? E hai bue,” tea paoe. Süthaisü Mapao nou nahtou naye kure touyu hai Eli nou süloure.