1 SAMUEL 22:2 - SHEEYU BAIBEL (BSI)

² Mainou souvea souchoroyu maitao, maivei paozho pfüyu maitao, ae levamoyu alia khamoyu mai kaihdai phali hai puh hi ve bure, ae puhnou puletao vei süthai-apeio sü soure.

1 SAMUEL 22:2 Iomraidhean Croise

2 SAMUEL 17:8

Lah ne nou süwe, süolouzü ne puo alia puhvei maitao hai soureih hi veishoyu, khouko buyu mai khaitie, vuke nou puh toutouye nüpoa tayu phaki khuyubüa khuwe, süthemoa ne puo sü kaishoyu alia dotyalih süyu mai alie. Puhnou hasou kilia khei teile hi reihmai hrohi zükhai toulai moe.

2 SAMUEL 5:2

Raichoki Saul nou veo sou-a buki-a nenou Israel maitaoye sü süthaisa-a reih zü-a baie, Ramai nou neye panou puh vei maitao süthai-apeio alia puletaoye kho-apeio nasü soulai tea paopeiwure.”

2 VEMAITO 20:5

“Mapao vei maikhe maiye khopei-a buyu veo Hezekiah hisü dakhailou haibüa paopeio; ‘Nevei puopaoh David vei Ramai Mapao Enou nevei veachi sü chouloure, ae nevei ngheidzü kouyu sü Enou ngaoloure. Enou neye sü souvei peilai, ae teithe asü lüvai hinou nenou Rathoki hisü veloulai.

2 VEMAITO 4:1

Rachipaolayu maime hi louyu mimeapfü ali nou Elisha hi tave haibüa paoe, “Apaopuwo, nevei kilai achapuo hai thaitare, ae nenou puhye süwe süolouzü puh hai Ramai ye piyu mai ali-e, ana chuo puhnou maivei paohzho pfüa bue tea puletao nou tave paohzho pfüyu nasü poka loulai tea anahpoutu ahai sü puletao vei qila panou soure donou sapoa talai tea bure.”

TSÜCHITAO 31:6

Zhaoh hai thailaiyu maitao hi peio, alia le pepoa buyu mai hi peio;

MATHIU 11:12

Johan Baptist nou ko paodou tayu hinou shua chu koute sü raki Vedeiye chihshoa souvea peiyu sü daore, alia khushoyu maitao nou süsü poloure donou tea bue.

MATHIU 11:28

“Vah vea-a soulaimai ea kou sü-a pfülaimai hrülai Ahi tavelo, Enou neletaoye panou soloulai.

EBRIAMAI 2:10

Daiolouzü ha teiteiye soupeiyu ea sütaoye zhupeia buyu Ramai puhye donou maikhe maitaoliye save puhvei adusho nasü zha ngaozho loure donou panou veahoyu vanou Jisu ye southou liche peiyu sü kaozüshoe. Daiolouzü puletaoye khailu peiyu hi süthai save peiyu sü Jisu puhbaie.

CHIKUAPEI MAITAO 11:3

Süthaisü Jephthah hai puh thaihou-jürai maitao hinou tutare, alia tuve Tob tea kuyu teidei hinou hrüe. Buh sühinou puhnou haodou loumoyu ae hrü veimoyu maitaoli saloua panou puh thaifüe.

CHIKUAPEI MAITAO 18:25

Dan maitao nou puh hi paoe, “Etaoye chasou baio, molouzü Etao hrohinou lekha ashi mainou neye daishulai, sükulouzü ne ae ne kikhamai hrülai nou tyaka shulai.”

1 SAMUEL 22:3

David nou buh sühinou tapoa Moab maivei teidei Mizpah hisü veloua Moab maivei veo hi haibüa paoe, “Ramai nou Eye panou dai soulai touyu süloumo koute, zhuvea apfüpuoye panou ne hinou buwo.”

1 SAMUEL 23:13

Südonou David ae puhvei maitao, mai kaihrou phali hai thashoa nou Keilah nuhdu nasü thaokhaiwua tutare. David nou Keilah nuhdu sü thaokhaiwua tutare touyu ko hai Saul nou choulou khaie, puhnou reih huvelai touyu sü baire.

1 SAMUEL 25:13

David nou puhvei maitao hi “Khoche pfükhai toulo,” tea kharochi peie, ae puletao nou paoyu thaifüa souloure. David-a puhvei khoche sü khipfüloua mai kaihdai hai saloua tare, ae puletao vei na khesü panou khore donou mai kaih ahai hai khaiwure.

1 SAMUEL 30:6

David hai veashoa nou bure, daiolouzü puhvei maitao hai puletao vei nahmai ae chapfü hayu donou levea-a puhye chuh nou deithalai tea buloure. Ana puhvei Ramai Mapao nou puhye tsüle souduso peiwure.

1 SAMUEL 9:16

“Dosho Benjamin khü hinou mai ali hai chu teile phaki ne hi seive peilai; puhye panou avei Israel maitaoye khore donou theadzü napeio, ae puhnou avei maitaoye Philistin mai bah hinou vupa peilai, daiolouzü Enou avei maitao nou veahoyu sü ngaore, ae puletao nou krayu pai sü ahi chou khere.”