1 SAMUEL 2:8 - SHEEYU BAIBEL (BSI)

⁸ Puhnou touhayu maiye sü deiphi hinou polashu peie, ae veahoyu maiye sousava peie; sübüa puletaoye panou veo nahmaitaoye koa bue, ae khuhaoyu buh hisü khaipeie. Deiphao soushuyu beikhei nasü Mapao vei-e, ae sühinou deiphao sü soushu peie.

1 SAMUEL 2:8 Iomraidhean Croise

SHURAI 41:14

Veo nou mai seiho Josef ye sü hukhaki hinou thashoa kupoa vere. Puhnou mümai sai-a sabanü daloua veo hisü talou daore.

SHURAI 41:40

Neye panou ateidei kholai alia avei mai hrülai nou nevei kharochi zülai, avei vebuh hi E likhinou ne jünou dua bailai.

2 SAMUEL 7:8

“Südonou avei kilai David hi paopeio, süolouzü Halih Hala Soulousüo Mapao nou puh hi paowe, ‘Enou neye sü rekou nou zhaotu kho-a buhinou, neye panou Israel mai peikhowo soulai tea saloure.

1 VEMAITO 16:2

“Enou neye hazholia moyu hinou popa avei Israel maiye süthaire donou soupeie. Ae chuo nenou Jeroboam büa mahmo khesü soutare ae avei maitaoye süthaisa-a mah soutare. Puletao vei mahmo sünou avei lekha rarou sü soupa peiwure,

2 VEMAITO 9:6

Süthaisü puhai nou kihikha talou loure ae nahle-a buyu rachipaolawo nou Jehu pei hisü theadzü lanou peie ae puh hi haibüa paoe, “Israel maivei Ramai Mapao nou haibüa paoe, ‘Enou neye panou avei maitao Israel mai pei hi veo soure donou theadzü napeiwure.

JOB VEI LARÜBVÜ 1:21

Puhnou paoe, “E hali-a pomoa nave-a baie, alia E hali-a pomoa thai-a bailai. Mapao nou pei-a baie, ae chu-a puhnou podakhai loua baie. Puh zhih sü paoshoyu soulou theo.”

JOB VEI LARÜBVÜ 2:8

Sütea Job sü leepe nou puh vasou zhimü soukao khao-a vounai hrohinou hrüe.

LOUTAO 102:25

Nenou teideiphao sü daohdao nou soupeiwure, ae ne bah vuzünou raki sü soupeie.

LOUTAO 104:5

Nenou teideiphao hai nasü panou lümore donou soutaosoua beikhei sü soutou toukhai peiwure.

LOUTAO 107:41

Ana puhnou touha laiyu maiye puletao nou veahoa buyu hinou vupa peie, ae puletao vei kihikha maiye sü panou zhaokhome büa tyaka peiyu sü soupeie.

LOUTAO 24:2

Puhnou sünasü zaidu pei hinou soushu peie, ae zaidzü khevei nou beikhei nasü soushu peie.

LOUTAO 75:3

Hrikhaona veishi nou ngaopi-a buyuma, ae teideiphao hai lüa buyuma, Enou süna soushukhai touyu beikhei nasü soutsü shoa khaipei khaitoue.

LOUTAO 75:4

Enou mai ashi maitao hisü rochipu khaiso tea paopeie,

LOUTAO 75:7

ana Ramai nou chilou sü kupeia baie, puhnou kamai-a ponakou peie, ae kamai-a polashu peie.

KOPAODOUWO 4:14

Mai linou hukhaki hinou pa vebu hi bulou süe, puh hai touha sho-a veteidei hinou naveyuma.

ISAIAH 22:23

Enou puhye sü kivo vahi hushu veathou khaitouyu büa veathou khaipeilai ae puh vanou puh puo vei kihikha maiye panou tsükhouyu ali soulai.

DANIEL 2:48

Süthaisü veo nou Daniel ye tsükhou shopeie ae buu peie, alia puhye panou Babilon teidei teitei pei hi khore vahdubu thoupeiwure, ae Babilon hi hasü hangaoyu mai hrülai pei hi panou peikhowo sü soue.

DANIEL 4:17

Haibüa nou chikude peiyu hai leikeia khoyu rakivamai nanoue, süsü daivanoue toulouzü Kukulai hi abuwo Ramai hai deiphao maivei vedei hia puhvei khouko bue, alia puhnou vedei nasü mai tarali hia peinüyu mai hisü peilou süe touyu deiphao mai hrülaiye panou süloulai.’

DANIEL 6:3

Süthaisü vedei hi aduso maitao alia peikho maitao hrülai jünou Daniel nou veipu shohie, daiolouzü puh hisü checheyu rako bue, alia veo nou Danielye panou vedei teitei pei hi khowo soulai tea tsücho loure.

EBRIAMAI 1:3

Puhnou Ramai vei khouko ava nasü phungaopeie ea puhvei chipao khouko nou teideiphaoye moupeia puhnou Ramai vei zhaihrü acheche nasü pfüa bue. Puhnou emai mah khüshee peiyu vei vah soucheyu thaisü; puhsü Raki hi buyu Aku Kulai Ramai bah zhoulo vahinou kou buloure.

JEMS 2:5

Leshiyu Athaihou jürai khemaitao keikhaio! Ramai nou deiphao hai navei toure hamaiye lü hinou panou hani loure donou ea puhye leshiyu maitao hi apaopei khaitouyu vedei vei kaalo nasü peire donou doloure.

PONGAOPEIYU 1:6

alia Puo ea puh Ramaiye kuvah soure donou puhnou Eletaoye sü panou napaomai taovei vedei ali souloure. Jisu Khrista hisü teisanou adusho ea khouko buyu sü souloutheo! Amen.

PONGAOPEIYU 22:5

Sühisü khei touyu bupu laimoe, alia sühisü puletaoye donou meibvü moa teinghi vei avasü matsü hae, daiolouzü Ramai Mapaowo nou puletao vei ava soulai, alia puletao nou teisanou ve soua hrülai.

PONGAOPEIYU 3:21

Enou reih koloua Apuoye koa puh vebuh hinou buzhoyu büa, reih kolouyu puhtao hisü Eye koa Avebuh hinou buloure zü nasü Enou peilai.

PONGAOPEIYU 5:10

Alia nenou panou Eletao Ramaiye kuvah soure donou puletaoye napaomai vedei ali soupeire alia puletao nou deiphaosü tukha-sahrülai.”

1 SAMUEL 15:17

Samuel nou paoe, “Ne lah neye matsü moyu mai ali baie tea paowe, anou ne hai Israel mai hrülaiye süthai-apeio nasüe. Mapao nou neye Israel mai pei hi panou veo soure donou theadzü napei khaitoue,