1 SAMUEL 2:7 - SHEEYU BAIBEL (BSI)

⁷ Puhnou kamai-a panou touha-e ae kamai-a panou toungiwe; puhnou kamai-a panou tainou soua hrüe ae kamai-a panou aduso mai soua hrüe.

1 SAMUEL 2:7 Iomraidhean Croise

2 VEMAITO 9:6

Süthaisü puhai nou kihikha talou loure ae nahle-a buyu rachipaolawo nou Jehu pei hisü theadzü lanou peie ae puh hi haibüa paoe, “Israel maivei Ramai Mapao nou haibüa paoe, ‘Enou neye panou avei maitao Israel mai pei hi veo soure donou theadzü napeiwure.

1 PUOPAOKO 29:12

Kini ae tsükhouyu haisü ne hinou ve-a baie, ae ha teitei pei sü nenou khasa-a bue. Ne bah hisü mai taralia nenou khouko ae souduso peilou süyu sü bue.

2 PUOPAOKO 32:27

Veo Hezekiah hai tounghi shopare, ae mai hrülai nou puhye sü tsükhou-e. Puhnou puhvei sana, shahu, mutei chuhtao, pou kainüveitao, rütao, ae mutei nakhe khaire donou ki ali soushuloue.

2 PUOPAOKO 32:29

Haitao buyu pei hinou Ramai nou puhye zhaotu, kikhaorü ae kini taoli peiyu donou puhnou nuhdu alao soushu puloue.

JOB VEI LARÜBVÜ 1:21

Puhnou paoe, “E hali-a pomoa nave-a baie, alia E hali-a pomoa thai-a bailai. Mapao nou pei-a baie, ae chu-a puhnou podakhai loua baie. Puh zhih sü paoshoyu soulou theo.”

JOB VEI LARÜBVÜ 40:12

Ovai, puletaoye zhuloua painakou khaipei khaio; mai ashi maitaoye puletao nou la-a buyu buh hinou khoukhao peikhaio.

JOB VEI LARÜBVÜ 5:11

Ovai, Ramai nou tai-nou maiye pokupa peie, alia dongai pfülai maiye sousa peie.

LOUTAO 75:7

ana Ramai nou chilou sü kupeia baie, puhnou kamai-a ponakou peie, ae kamai-a polashu peie.

LOUTAO 75:8

Mapao nou puhvei lekha rarou nou phoupoa buyu darkha zhaoh pai ali hai puh bah hinou poa bue. Puhnou sünasü lakou peie, ae mai ashi mai hrülai nou ke loure; puletao nou paitei akhai hi koute hai ke khailoure.

TSÜCHITAO 22:2

Toungi na-a ae touha na-a koa dao bailai; Mapao nou puletao mai hrülaiye sü soupeia baie.

ISAIAH 2:12

Süzhou teithe sü Hali-hala Soulousüo Mapao nou khaophu souyu mai ae aduso mai hrülaiye sü sounakou khaiwulai.

JEREMIAH 49:15

Mapao nou nevei khouko sü souhawulai, ae mai linoua neye tsükhou peilai moe.

EZEKIEL 17:24

Teidei sühi buyu süübe teitei nou E hai Mapao-e touyu sü süloulai. Enou süübe kuyu khesü vilai baiwe, ae süübe taiyu khesü soudu souso peiwe. Enou süübe veisho-a buyu khesü panou kita-a baiwe, ae kirürüa buyu süübe khesü soudaiva peiwe. Mapao Enou hai sü paowe. Enou soulai tea paokhai touyu khesü Enou soupeilai.”

JEMS 4:10

Neletao lahnou Mapaowo nghojü hinou natai-a bulo, alia puhnou neletaoye pokupa peilai.