1 SAMUEL 2:3 - SHEEYU BAIBEL (BSI)

³ Khao soua laikhaiso; khaophu chi paopu soubaio. Daiolouzü Mapao hai sükhai touyu Ramai-e, ae puhnou maikhe mainou souyu vah veishi chikuwe.

1 SAMUEL 2:3 Iomraidhean Croise

1 VEMAITO 8:39

puletao vei veachi sü nenou buyu raki vanou keinou peio, puletao vei mah sü khaipeio, ae soukhapeio. Ne likhei deiphao maivei tsüle hai süa baie. Mai alili hisü puletao nou ngaozü thaifüa peio,

JOB VEI LARÜBVÜ 31:6

Ramai nou Eye sühchokhao ali hi pothou dou-a zhu louzü E hai mahmo ali-a hae touyu süloulai.

LOUTAO 147:5

Dushoyu ae khouko bushoyu hai Etao Mapao-e, puhvei tsüsü hai Etao nou süvete louhoe.

LOUTAO 17:10

puletao hisü zhuveayu aliro ha-e ae khaophu sousho-a chi pao-a bure.

LOUTAO 31:18

Dayu mütai khesü panou ngasoua buwo, daiolouzü puletao nou khaophu soua ae zhotu soua acheche maiye paoshiwe.

LOUTAO 44:21

nenou süsü phoupalou vuzüa bailai, daiolouzü Etao vei tsüle veishi sü nenou süe.

LOUTAO 75:5

ae puletao hisü khaophu soupu khaiso tea paopeiwure.”

LOUTAO 94:4

Mahmo soua laiyu maitaoye sü panou teile kasho khaophu soua bulaige?

TSÜCHITAO 16:2

Mai li vei vah haso veishi hai puh nghithou hio louzü khaotou tea baiwe, ana Mapao louzü puhvei tsüle nou zhua baiwe.

TSÜCHITAO 24:12

Nenou haisü nevei vah moe tea pao-a mala-e, ana Ramai nou nevei tsüle sü süwe ae neye chikulai. Puhnou neye süwe ae neye zhua nou bue. Alia puhnou neye nenou soupfü khaitouyu vah thaifüa buu peilai.

TSÜCHITAO 8:13

Mapao ye piyu touyu hai hashi naye ngaorayu na-e; Khaophu souyu ae zhaipou shiyu ae ashi vei ludu alia kaozümoyu chipao khesü Enou ngaorae.

ISAIAH 26:7

Mapaowo nenou mai aveih maivei ludu sü souveih peie, ae acheche maivei ludu sü souchi peiwe.

ISAIAH 37:23

Nenou ngaophou moa jünüyu sü thaowe? Nenou paoshiyu nasü thaoge? Nenou ngaophou moyu nasü Israel maivei Sheeyu Ramai-e.

JEREMIAH 17:10

Mapao Enou deiphao maivei tsüle sü kabüa busa tea nou phou-a zhuwe. Enou mai ali liye puhnou soupfüyu ae puhvei vah thaifüa ngaozü nasü peie.”

EZEKIEL 35:13

Neletao nou chipao lako ashi khenou khaophu soua Eye paoshiyu sü Enou chouloure.”

DANIEL 4:37

“Chuo, Nebukhadnezzar Veo, Enou Rakiva Veoye sü tsükhoua puhvei veisodu khesü paoshowe, daiolouzü puhnou souyu vah teitei hai kaoe, ae puhvei ludu nasü züe; alia khaophu soumaiye puhnou sounakou peilou süe.”

DANIEL 5:27

TEKEL, neye sühdouyu phaki ne hai chemoa thaakei-a ngaolou baire.

MALAKAI 3:13

Neletao nou achi hai shisho-a paore, tea Mapao nou paoe. Sükuyuma neletao nou haibüa paoe, “Kakua Etao nou neye paoshiwe?”

EBRIAMAI 4:12

Daiolouzü Ramai vei chipaowo hriwe ea khou-chihwe, alia hri ahai pfüyu khoche tali jünou haivei shohie. Sünanou hrirai ea rako kole hi, soukou ea soukei kolehi khüthoulou baiwe, alia emai le hinou züpa-a ea cho-a buyu taosü sülouwe.

JOSHUA 22:22

“Khouko buyu Ramai Mapao, khouko buyu Ramai Mapao, puhnou süwe; alia Israel mai-a panou sülou nüwe, süolouzü Etao nou souyu nahai Puh chi zülai more teanou mokhai-a puhye hraire donou soubai louzü, zhounou Etao mai hrülaiye sü pa thaitheo.

PONGAOPEIYU 2:23

Enou puh nahmai taoye sü southealai, alia sükisü lüloumaime hrülainou Esü maikhemai hrülai tsüle süyu mai nasüe touyu sü sülai, alia Enou neletao mai aliliye lah lahnou soukhai touyu vah thaifüa ngaozü nasü peilai.

CHIKUAPEI MAITAO 9:38

Süthaisü Zebul nou puh hi paoe, “Chidu ladu paoa ‘Daisounou Abimelek kuvah soulai, puhsü thaoe?’ tea paoyu sü chuo daisou tare? Nenou ngaophou moa paoyu sü haimaitao mowu? Chuo talou puletaoye reih soukhaio.”

1 SAMUEL 16:7

Ana Mapao nou puh hi paoe, “Puhvei sha shoyu moa zhurao veiyu nanou phouso, Enou puhye sü malaiwure, daiolouzü E hai deiphao mai ali büa zhu moe. Deiphao mai louzü vakou ngaoyu nanou zhuwe, ana Ewo louzü lekhe vainou zhua baiwe.”