1 SAMUEL 2:10 - SHEEYU BAIBEL (BSI)

¹⁰ Mapao ye ngaobayu mai sü hakata bailai; puletao pei hisü puhnou raki vanou teisüyu nasü seive peilai. Mapao nou deiphao mai hrülai pei hi chikulai, puhnou puhvei veo maitao hi khouko peilai, ae puhnou dolouyu veo maitao hi ngalouyu nasü peilai.”

1 SAMUEL 2:10 Iomraidhean Croise

2 SAMUEL 22:14

Mapao nou raki hinou pa teisü pae, sübüa Akukulai Ramai vei paisü choue.

2 SAMUEL 7:13

Eye donou sedar süünou Rathoki soupeire hai puhnou soulai, puh vei tyaosholea panou akhai soulai moe.

2 SAMUEL 7:8

“Südonou avei kilai David hi paopeio, süolouzü Halih Hala Soulousüo Mapao nou puh hi paowe, ‘Enou neye sü rekou nou zhaotu kho-a buhinou, neye panou Israel mai peikhowo soulai tea saloure.

JOB VEI LARÜBVÜ 40:9

Ne Enou khouyu büa khouwu? Nevei paila hai teisüyu büa chipaoshu avei pai railou süvu?

LOUTAO 132:17

Sühi sünou Enou David vei nahpoutu mai aliye panou dushoyu veo soulai, Enou dolouyu veoye sü Enou koa bupeilai.

LOUTAO 148:14

Puhnou puhvei maitaoye soukhouchi peie, südonou puhvei mai hrülai, puhye paosholo. Israel maitao hai puhnou leshi shoe. Mapao ye paosholo!

LOUTAO 2:2

Deiphao hi veo maitao nou me souloue, ae peikho maitao nou kheichi phazholoua Mapao hi ae puhnou dolouyu veoye hraiwe.

LOUTAO 2:6

“Avei sheeyu Zion deichi hisü Enou avei veoye sü buh thoupeiwure.”

LOUTAO 2:9

Nenou hu süda poloua puletaoye souphe peilai, nenou puletaoye nailee ali büa souphesasa peilai.”

LOUTAO 20:6

Chuo Enou süloure, süolouzü Mapao nou dopa khaitouyu puhvei veoye sü veilouyu sü peiwure, puhnou sheeyu raki vanou puhnou veachi sü keinou peie, ae puhvei khouko sünou puhye veilouyu sü peiwure.

LOUTAO 20:7

Kamai-a nou lah puletao reih vei rheiluki khesü louchewe ae kukhe mainou puletao vei rhei khesü louchewe. Ana Etao louzü Etao Ramai Mapao vei khouko nasü louchea baie.

LOUTAO 21:1

Oh Mapaowo, veo sü lesa shoa nou bue, daiolouzü nenou puhye sü khouko thoupeie, puhnou asawe, daiolouzü nenou puhye veilouyu sü peie.

LOUTAO 28:8

Mapao nou puhvei maitaoye vupa peie, puhnou dopa louyu veoye sü vupeie ae puhye khailupa peie.

LOUTAO 45:7

nenou acheche nasü jüpa-e ae ashi nasü ngaora-e. Südonou Ramai, nevei Ramai nou neye sü dokupa loue, ae mai kukhe jünou neye sü savayu hai peipue.

LOUTAO 89:17

Nenou Etaoye veilou ngalouyu nasü peie, nevei leshiyu sünou nenou Etaoye kolouyu nasü peie.

LOUTAO 89:24

Enou avei louchelou veiyu ae tobai soumoa leshi peiyu nasü teisa nou puh hi bulai, ae Enou puhye sü panou kolou ngalou koutelai.

LOUTAO 89:25

Enou puhvei vedei sü Mediterranean zai hinou poa Eupheritis Rei hi koute souduso papeilai.

LOUTAO 96:13

Mapao nou deiphao hi ve khasa-a hrülaiyu phaki. Puhnou deiphao maiye kaozü hinou ae acheche hinou khasa-a hrüpeilai.

LOUTAO 98:9

daiolouzü puhnou tave teideiphao sü khasa-a bulaire. Puhnou deiphao maiye sü kaozü hinou ae acheche hinou khosa-a hrülai.

TAPALOUYU 15:6

“Oh Mapao, ne bah zhoulo hai daizhou koute khouko busa; ne bah zhoulo sünou ngaoba maiye sü daphe daphosasa peie.

KOPAODOUWO 11:9

Oh nahlepunare, ne nahle-a bukinou lesalo, alia nevei nahleyu teithetao vanou neye sü panou ne le sousavalo; nenou jüpayu ludu alia nghithou nou ngaoveiyu hisü takhaio. Ana haisü sülouo, akhai hisü hai teitei vanou neye Ramai nou chikulai.

KOPAODOUWO 12:14

Daiolouzü Ramai nou haso teitei hai chikuyu hisü pothoulai, khei-a nou soukhai tiyu vah pfüphou nou, veiyuma shiyuma chikuyu hisü popa thouvu zülai.

ISAIAH 29:6

Khoukhoulai Mapao nou nüsüyu ae teisüyu teikhai teirü ashi alia mei nou taopoa ve neletaoye sü khailupa peilai.

ISAIAH 32:1

Zhukhaio, veo mai ali nou acheche hinou ae peikho maitao nou kaozü hinou nuh teidei sü khosa-a hrüpeilai.

ISAIAH 45:24

“Puletao nou haibüa Eye paolai, Mapao hi likhei acheche ae khouko sü bubaie; ana puhye ngaorayu mai hrülai sü veahoyu ae hraongu ngaolai.

EZEKIEL 29:21

“Haibüyu khesü vepare toulouzü Enou Israel maiye soukhoupu peilai, ae Ezekiel neye panou mai hrülai nou keilou süyu hinou raopa loulai, sükulouzü puletao nou E hai Mapao-e touyu hai süloulai.”

MATHIU 25:34

Sükisü Veonou puh bahkha zhoulohi buyu taohi paolai, ‘Tavelo, Apuonou hapeikhai touyu maitao, teideiphao soushu rainou neletao donou soudakhai touyu vedeina sü ve kaa thaolo;

MATHIU 28:18

Alia Jisu nou ngheiki takou loua puletao hi paoe, “Raki ea deiphao hi soulousü zü teitei Ahi thoupeiwure.

LUK NOU RÜYU KO AVEIBVÜ 1:69

Puhnou puh kilai David khü hinou Eletaoye donou khou-chihyu Khailu-apeio ali seive peire.

LUK NOU RÜYU KO AVEIBVÜ 19:27

Ana Eye panou puletao pei hi veo sounü moyu Avei ngaoba maitao donou louzü, puletaoye buh haihi saveloua Anghojü hinou southeawu wo!’ ”

SEI-ATAMAI VAHTAO 10:38

Süolouzü kakua Ramai nou Nazareth hi Jisu ye sü Rako Mashi ea khoukonou laposhu puhpei hisü napeie ea kakua puhnou buh liki taho aveivah soua ea rashinou souvea-a buyu mai hrülaiye kakua souvei peie touyu kosü neletao nou süwe; daiolouzü Ramai nou puhye koa laiwe;

SEI-ATAMAI VAHTAO 4:27

“Daiolouzü chechenou Herod ea Pontia Pilat nou tahrüh kukhemai ea Israel maitaoye koa nenou Razhepu soupeiyu sheeyu nevei kilai Jisu pei hi aetou nümoa nuhdu haina hinou tave dzüloure.

2 KORINTHMAI 5:10

Daiolouzü Eletao hrülaisü Khrista vei Chikubuh nghojühi tave lavuzülai. Sübüa mai hrülai nou vei-a, shi-a lah lahnou puhvei pfüphaona hinou bubuki soukhai touyu süna thaifüa ngaozü nasü ve ngaolai.

CHIKUAPEI MAITAO 5:31

Neye ngaobamai hrülai sü panou haibüa thaikhaiwo, Oh Mapao! Ana nevei samaitao-e panou teinghi payu büa valo! Ae teidei hisü po raidai kaona-a hrükou loue.

1 SAMUEL 12:13

“Chuo neletao nou jüpa-a dolouyu veo nasü haihi bure; neletao nou khoyu nasü chuo Mapao nou neletao hi peikhai toure.

1 SAMUEL 12:17

Zhaodo hai tei thekei-a buyu kaki mowu? Ana Enou veachi paopei louzü, Mapao nou teisüa teikhai teirü seive peilai. Hakinou haibüa teikhai teirü ashi velouzü, neletao nou Mapao hinou veo khoyu hai dushoyu mah souwure touyu sülou.”

1 SAMUEL 12:18

Südonou Samuel nou veachi paoe, ae süzhou teithe hinou Mapao nou teisüyu ae teirü ashi sü seive peire. Süthaisü maikhe mai hai Mapao ae Samuel ye sü ngaopi sholoure,

1 SAMUEL 12:3

E neletao nghoujü nou la-a bue, maitarali hia Enou kaomoyu vah ashi soulouzü, chu Mapao vei nghoujü ae veo vei nghoujü nou avei mah khesü paopa peikhaio. Enou neletao vei cho moyuma rheisüh pokhai touyu buvu? Enou maitarali hia da-zhu khaitouyu moyuma souchoro khaitouyu buhae? Enou maitarali hia seihla toukhai touyu buhae? Hakinou Enou haibüa kaomoyu vah soukhai touyu bulouzü, Enou polouyu nasü paoh khapeilai.”

1 SAMUEL 15:28

Samuel nou puh hi paoe, “Mapao nou zhou teithe ne hinou Israel maivei vedei sü soude laiwure, ae ne jünou veipuyu mai ali hi peiwure.

1 SAMUEL 16:1

Mapao nou Samuel hi paoe, “Ne teile kasho Saul ye donou dopfüa bukou laige? Enou puhye sü Israel maivei veo souyu hinou malaiwure. Ana chuo oliv theadzü poloua Bethlehem hinou buyu Jesse ki hisü tawo, daiolouzü Enou puhvei nahpoutu mai aliye panou veo soure donou doloure.”

1 SAMUEL 7:10

Samuel nou meideia posheela peia buyu teile hisünou Philistin mainou Israel mai hisü reih hukoure, ana süzhou hai Philistin mai pei hisü Mapao nou chishoyu kho sünou teisüyu büa puletao vei tsü sü souha peiwure, ae puletao hai bürarou poa Israel mai nghoujü nou tupo rarou tare.