1 SAMUEL 2:1 - SHEEYU BAIBEL (BSI)

¹ Hannah nou haibüa veachi paoe, “Mapao nou Eye sousava peie; Enou asah soua buyu hai puhnou soupeia baie! Eye ngaobayu maitaoye sü Enou konü peie, E asa shore, daiolouzü Mapao nou Eye veilouyu sü peie.

1 SAMUEL 2:1 Iomraidhean Croise

2 PUOPAOKO 20:27

Süthaisü Jehoshaphat nou puhvei reihmaitao ye süthaipoa sasho-a nou Jerusalem hisü dakhai tare, daiolouzü Mapao nou puletaoye ngaobayu mai jünou vei louyu sü puletao hi peie.

NEHEMIAH 11:17

Asaph vei tyaosholea hinou Zabdi vei tyao, Mika nahpoutu Mattaniah. Puhnou Rathoki hi kalo vei veachi pao-a lousouyu maitaoye süthai peiwe. Bakbukiah nou Mattaniah ye babou peiwe. Jeduthun vei tyaosholea maitao hinou Galal vei tyao ae Shammua nahpoutu Abda.

JOB VEI LARÜBVÜ 16:15

Esü veasho-a soukou sah nou banoure, pah shiyu mai ali sou-a nai hrohinou da-a hrüe.

LOUTAO 118:14

Mapao nou Eye soukhouchi peie; puhnou Eye khailupa peie.

LOUTAO 13:5

Enou nevei zhuvea leshiyu nasü louchewe; Enou asa-a bulai, daiolouzü nenou Eye khailupa peie.

LOUTAO 148:14

Puhnou puhvei maitaoye soukhouchi peie, südonou puhvei mai hrülai, puhye paosholo. Israel maitao hai puhnou leshi shoe. Mapao ye paosholo!

LOUTAO 18:2

Mapao hai avei chuhdu ae reihkhaobu nasüe. Avei Ramai nou Eye kho peiwe, ae puh hinou Esü bailouwe. Puh hai avei rü-e ae Eye vupeia panou kaozhou veia bubaiwe.

LOUTAO 20:5

Süthaisü nenou veilouyu donou Etao hai lesa-a nou shusoua shalai, ae nenou ngalouyu donou Etao hai khonüh nüa Ramai ye paosholai.

LOUTAO 21:2

Puhnou jüpa-a buyu veishi sü nenou puhye peie, puhvei akho khesü nenou noupeie.

LOUTAO 35:9

Süthaisü Mapao zhih hinou E asa sholai, ae puhnou Eye khailupa peiyu donou E asalai.

LOUTAO 51:15

Mapaowo, Eye chi paoloure donou soukha peio, ae Enou neye sü paosholai.

LOUTAO 71:8

Enou teisa nou neye paosholai, ae nevei kathe khesü shapao peilai.

LOUTAO 75:10

Puhnou mai ashi maivei khouko khesü souha laiwulai, ana mai aveih maivei khouko sü pulailai khelai.

LOUTAO 89:17

Nenou Etaoye veilou ngalouyu nasü peie, nevei leshiyu sünou nenou Etaoye kolouyu nasü peie.

LOUTAO 89:18

Oh Mapaowo, nenou Etaoye vupa-apeio nasü dopa peie; Israel maivei sheeyu Ramai, nenou Etaoye sü veo ali peie.

LOUTAO 89:24

Enou avei louchelou veiyu ae tobai soumoa leshi peiyu nasü teisa nou puh hi bulai, ae Enou puhye sü panou kolou ngalou koutelai.

LOUTAO 9:14

Sübüa Eye panou Jerusalem hi buyu maitao nghoujü laloure donou alia neye daidonou paoshowe touyu sü Enou puletao hi paongao peire donoue. Nenou Eye khailu peiyu donou E asalai.

LOUTAO 92:10

Nenou Eye sü rekou chode ali büa soukhouchi peie; nenou Eye savayu shiha sü peie.

TAPALOUYU 15:1

Süthaisü Moses ae Israel maitao nou Mapao hi haibüa lou souwe: “Enou Mapao hi lou soulai, daiolouzü puhnou dushoa koloure; Puhnou rheikhe ae rhei pfüyu maitaoye sü zai hi laithowure.

TAPALOUYU 15:21

Alia Mariam nou homaitao hi haibüa lou soue: “Mapao ye lou sousholo, daiolouzü puhnou reih sü veiloure. Rhei ae rhei pfüyu maitaoye sü puhnou zai hi laithouwure.”

HABAKKUK 3:1

Rachi paolawo Habakkuk nou veachi paoyu sü haitaoe:

HABAKKUK 3:18

E Mapao zhih hinou asa-a bubailai; Eye khailu-apei Ramai zhih hinou asalai.

LUK NOU RÜYU KO AVEIBVÜ 1:69

Puhnou puh kilai David khü hinou Eletaoye donou khou-chihyu Khailu-apeio ali seive peire.

ROMMAI 5:11

Alia süthe baimoe, ana Ehnou Eh Mapao Jisu Khrista vanou Ramai hi lesawe, daiolouzü puh vanou chuo Ehnou Ramaiye koa chaveilouyu nasü ngaoloure.

PAODAKHAIYU CHIKHA 33:17

Josef vei pfüchi hai chode khouko büe, ae puhvei kai hai rekou buyu chode kai büe; sünasü nou puhnou tyahrü kukhe maitaoye sü deiphao kainghou hisü huve khaipeiwe. Süna hai Ephraim mai thekirou raibüe, ae Manasseh mai thethe rai-e.”

PHILIPPIMAI 3:3

Acheche hee vadeyu ngaolouyu taosü Eletao baie, puletao moe; daiolouzü Eletaowo Ramaiye puhvei rako vanou puhye thowe ea Khrista Jisu ye koa ali soulouyu hinou sasa-a bue. Eletaowo vakou naanou taliye lü-a hrümoe.

PHILIPPIMAI 4:4

Teisanou Mapaowo hinou lesalo, haisü Enou paopu khaiwe: lesalo!

PHILIPPIMAI 4:6

Hatali donou dowuso, ana hateitei hinou kalo paoyu noupu veachi pao-a ea kho-a neletao vei akho pfüphousü Ramai hi süngaokhaio.

1 PITAR 1:8

Puhye ngaolou mokhai-a neletao nou puhye leshiwe, alia chu neletao nou puhye ngaomokhai-a neletao nou puhye louchewe ea paoshalou hoa savawe,

PONGAOPEIYU 18:20

Oh raki! Oh sheeyu maitao, sei-atamaitao ea rachi paolamaitao, neletao puh vanou lesalo, daiolouzü puhnou neletao pei hi soupeiyu süna thaifüa Ramai nou puhpei hisü khühphou peire!

1 SAMUEL 1:6

Mapao nou honapaiye panou nahmai hrümoyu donou honapaiye ngaoba-a buyu Peninnah nou puhye jünüa ngaophou moyu vah khesü soupeia baiwe.

1 SAMUEL 1:7

Po taoli hai, puletao nou Mapao vei ki hi veyu tsü sü Peninnah nou Hannah ye lesouvea peia baiwe, südonou Hannah nou ha touba-a kra-a bue.