1 SAMUEL 15:3 - SHEEYU BAIBEL (BSI)

³ Südonou taho Amalek maiye southakhai touo, ae puletao vei buyu na veishi souhakhaio. Halia shokhai peiso: naotu poutu ae nahmaitou hrülai nou southakhai touwo; nghitu zhaotu, racho, rheisüh ae kikhaorü teitei nou southakhaio.”

1 SAMUEL 15:3 Iomraidhean Croise

2 SAMUEL 1:8

Ne thaowe? tea puhnou ahi noue, ‘E Amalek mai alie’ tea Enou chila peie.

TAPALOUYU 17:14

Mapao nou Moses hi paoe, “Licho loure donou reih veilouyu ko haina sü rükhailo, alia Joshua hisü paopei khaio, daiolouzü Enou Amalek maiye deiphao hinou souhakhai toupeiwulai.”

TAPALOUYU 20:5

Neletao nou bashara moyuma zhurai taraliye nakou tholai moe, daiolouzü neletao Ramai Mapao nasüe E baie, ae Esü ashiye zhuthoulou hoyu Ramai-e. Eye ngaorayu mai hisü Enou puletao vei tyaosholea asü ae adai koute veahoyu sü peiwe.

MAIPEI PHOUYU 24:20

Süthaisü Balaam vei zho kounou Amalek maiye haibüa nou ngao-e: “Tyahrütao hrohinou Amalek mai hai khoukayu tyahrü ali-e, ana haithai kou akhai hio puletao hai teisa nou ha-a bailai.”

MAIPEI PHOUYU 31:17

Südonou chuo nahpoutu mai hrülai ae poutu maiye sabu sazüyu naotumai hrülai hai southawo,

JOSHUA 10:39

Puhnou teidei süna hai nuhdu taoli loua nou poloure, alia sühi buyu mai teiteiye nou southa khaitouwure. Puletao nou Hebron alia Libnah vemai ahai hi soupeiyu büa Debir alia sühi veo hia soupeie.

1 SAMUEL 14:48

Puhnou khuveishoa reih soue, ae Amalek mai jünoua reih veiloue, ae Israel maiye souchoro-a reih huveyu teitei hi sünou puhnou vupa peie.

1 SAMUEL 15:18

ae Mapao nou neye maishiyu Amalek mai hrülaiye souhakhai touwo tea kharochi peia seita-e. Puhnou neye mai hrülai sü southakhai mokoute southawo tea paopeie.

1 SAMUEL 15:9

Ana Saul ae puhvei maitao nou Agag veoye sü southa more, alia nghitu zhaotu ae kikhaorü hrübo veitya, moyuma na veiyu teitei sü souha moa poloure. Puletao nou veimoyu ae muh hayu natao likhei souha baire.

1 SAMUEL 22:19

Saul nou Nob nuh hinou hrüyu mai hrülai, napao mai hrülai: naotu poutu, nahmaitou hrülai-a, ae kikhaorü teitei-a southa khaio tea kharochi peiwure, südonou puletao nou sütao hrülai hai southa khaiwure.

1 SAMUEL 27:9

ae puletao mai hrülai hai naotu poutu sümoa southa khaiwua puletao vei zhaotu, nghitu, rheisüh ae kikhaorü alia sabanü koute-a poloua Achish hisü dakhai ve-e,

1 SAMUEL 30:17

Thainesho tei thepayu phaki, David nou reih hulou puletaoye sü tei zhimo koute reih soue. David vei nahlemai kaihdai hai rachotao hinou nakhesü koupo souloua tapaloue, anou kukhe maitao hai mai ali koute-a hria nou turei palou more.