1 SAMUEL 14:3 - SHEEYU BAIBEL (BSI)

³ (Shiloh hinou Mapao vei napao Eli nahpoutu Phinehas nahpoutu Ikhabod thaihou Ahitub nahpoutu Ahijah nou Ramai vei leli poa zhuyu ephod nasü poa bue.) Jonathan nou puletao hinou tare touyu hai mai ali-a sümoe.

1 SAMUEL 14:3 Iomraidhean Croise

1 SAMUEL 1:3

Po patsü Elkanah hai puhnou buyu nuhdu hinou rathore donou ae Khoukhoulai Mapao hi posheelare donou Eli ae puhvei nahpoutu ahai, Hophni ae Phinehas nou Mapao vei napao soua buyu Shiloh nuhdu hisü tawe.

1 SAMUEL 14:36

Süthaisü Saul nou puhvei maitao hi paoe, “She, Etao zhou khei nou taho Philistin maiye reih souta laikhe, sübüa puletaoye sü tei thepayu koute southawua puletao vei nangi khesü polou laikhe.” Maikhe mainou chila peie, “Nenou kaowe tea choyu nasü Etao-a aetou baie.” Ana napao nou puh hi paoe, “Etao rai-a Ramai hinou noulou railai she.”

1 SAMUEL 2:18

Nahtou Samuel nou naanou souyu naazao sü nouloua Mapao vei kuvah soua bue.

1 SAMUEL 2:28

Enou puhvei kikha maiye panou avei napao soure donou Israel mai khü hrülai hrohinou dokupaloue. Sübüa puletaoye panou Eye posheelabu hinou poukai nüvei meidei-a ae avei leli nasü panou süloure donou ephod hrapfüe, alia Israel mainou Eye meidei-a posheela peiyu teitei hinou puletao vei zha sü panou peie.

1 SAMUEL 22:20

Ana Ahimelek nahpoutu Abiathar hai tupaloua David hi tuvere.

1 SAMUEL 4:21

Honapai nou nahpoutu zhih sü Ichabod tea sapeie, sünavei qo nou “Ramai vei khouko ava hai Israel mai hinou tare” touwe. Daiolouzü Ramai vei Vo Sübvü nasü mainou shaopoa tare, ae puh paoh alia puh khapu sü thaitare.

1 SAMUEL 4:4

Südonou puletao nou Shiloh hi maiye seiho panou shouh pfüyu cherubim khaona ahai kohinou buyu Mapao vei Vo Sübvü nasü pove-e, ae Eli nahpoutu ahai— Hophni ae Phinehas puhai nou Vo Sübvü nasü koa pove-e.