1 SAMUEL 13:9 - SHEEYU BAIBEL (BSI)

⁹ südonou Saul nou puletao hisü paoe, “Meidei-a posheelare natao ae kaona-a hrüloure donou poukai nüvei dei-a posheelare natao sü ahi pokou peio.” Puhnou meidei-a posheelayu khesü posheela peiwure.

1 SAMUEL 13:9 Iomraidhean Croise

2 SAMUEL 24:25

Süthaisü David nou buh taihinou Ramai ye posheelabu ali soupa loure ae mei dei-a thore nataozü poshu meidei-a posheela peiwure, alia chavei lathaoyu vei posheela-a sheela peiwure. Sütea veo nou Israel mai hrülai thaosou veachi paoyu hai Ramai nou kei noupei-a nou Israel mai hi souyu rahta nasü Mapao nou nguchao peiwure.

1 VEMAITO 3:4

Vuli Solomon nou Gibeon hi posheela soure donou tare, daiolouzü sühisü zhih takayu posheelabu nasü bue. Raichokia puhnou buh sühinou meidei-a posheela souyu hai alao soumoa soure.

LOUTAO 37:7

Heamealo ae Mapao vei vu khoa bulo; lah vei jüpa hinou soupfüa laiyu maitao nou vasayu nasü ngaoloua thainüso, moyuma do ashi soupfüyu hinou veilouyu maitaoye donou leaveaso.

TSÜCHITAO 15:8

Mai ashimai livei posheelayu hai Mapao nou ngaora-e, ana mai veiyu livei veachi sü puhnou jüpae.

TSÜCHITAO 20:22

“Enou ashina ye paohkha peilai” tea paoso, Mapao vei vu kholo, sütoulouzü Puhnou neye soukha peilai.

TSÜCHITAO 21:27

Mai ashimai nou posheela peiyu hai Mapao nou ngaora-e, puhnou ashi tsücho-a pove peiyu-a ngaorapu hie.

TSÜCHITAO 21:3

Acheche ae kaozü nanou soulo; süna hai Mapao nou posheela peiyu jünoua jüpapu hie.

ISAIAH 66:3

“Maikhe mai hai lahkuku nou jüpayu hisü tare. Puletao nou chode ali dathaloua posheela peiyu moyuma maiye dathaloua posheelayu mai sü raibüa baie; zhaotu ali poa sheelayu moyuma sei ali ngu rashaloua posheelayu na-a kheihao baie; mai ali nou thoudzü vei posheela peiyu na ae vo zhe nou poa sheelayu na-a zhotou baie; kainüvei pou nou licho loure donou poa sheelayu na ae bashara hi veachi paoyu na-a zhobütoua baie. Puletao nou sheemoyu vah khesü soua rathoyu nasü jüpa tare.

PAODAKHAIYU CHIKHA 12:5

Ana Mapao nou neletao khü teitei hrohinou puh zhih khaire donou dopalouyu buh sü neletao nou phoulai. Buh sühisü neletao nou tavuzülai.

PAODAKHAIYU CHIKHA 12:6

Buh sühi neletao vei meinou dei-a tho laiyutao, posheela, neletao vei taith alia neletao nou peilai tea paokhai touyutao alia lah jüpa soua nenou sheela laiyutao, alia ne chokho ae zhaokho hinou tou touraikaiyu haitao hai pove peilai.

1 SAMUEL 14:18

Saul nou napao Ahijah hisü paoe, “Ramai vei Vo Sübvü nasü haihi pokou.” (Süzhou teithe hai Ahijah nou sünasü Israel mai jünou rai-a kaopoa tawe.)