1 SAMUEL 13:3 - SHEEYU BAIBEL (BSI)

³ Jonathan nou Philistin maivei reihmai peikhowo sü Geba hinou southawure, ae ko haina sü Philistin mai hrülai nou chouloure. Süthaisü Saul nou kopomaiye seiho Hebrew mai hrülai hi talou reih soukhaio tea shabe nghoua tyadei teitei hisü paosüta-e.

1 SAMUEL 13:3 Iomraidhean Croise

2 SAMUEL 2:28

Süthaisü Joab nou shabe hou-a puhvei maitaoye panou Israel maiye thai ngoupu khaiso touyu shee soungao peie, alia sübüa reih züpu khaimoa baire.

2 SAMUEL 20:1

Benjamin khü hinou Bikri nahpoutu Sheba hai zhaidou loumoyu mai ali bue. Gilgal hinou puhnou shabe houpalou-a haibüa paoe, “David veo hi Etao zha halia hae, Jesse vei nahpoutu ye Etao zhoyu hae! Oh, Israel maitaore, lahkuku ki hi vetarao!” tea shapa peire.

2 SAMUEL 23:14

Süphaki David sü chuhnou reihbu khosühao khaitouyu deichi ali hi bue ae Philistin mainou reih veilou-a Bethlehem hi lou buloure.

ISAIAH 10:29

Puletao ludu sü tapoa velou süzhou khei hai Geba hi bure. Ramah nuhdu hi hrüa buyu maikhe sü ngaopi shoa bure, alia Saul Veo vei Gibeah nuhdu hi buyu maikhe sü tutare.

ZEKHARIAH 14:10

Geba hinou poa Jerusalem vei khelova buyu Rimmon kouhte hai deikho soupeiwulai. Ana Jerusalem louzü Benjamin romü hinou poa daoh vei romü kainghou hi koute, alia Hananel vei kipei hinou veo vei darkhadzü souyu buh koute hai teidei kukhe jünou kuvuzüa bulai.

JOSHUA 18:24

Chepharammoni, Ophni, alia Geba - sütao hai nuh kiahai-e.

JOSHUA 21:17

Süthaisü Benjamin maivei teidei hinou puletao ye Gibeon, Geba,

CHIKUAPEI MAITAO 3:27

Puhnou sühi velouyu phaki, puhnou Ephraim deichi hinou buyu nuhtao hisü shabe nghoupeie, alia Israel maiye reih soure donou kuloure, süthaisü puhnou reihmai süthai sa-a deichi hinou takoue.

CHIKUAPEI MAITAO 6:34

Ana Mapao vei rako nou Gideon hisü louloua puhnou shabe sü houpoa Abiezer khüye puh thaifü peio tea kuloure.

1 SAMUEL 10:5

Süthaisü ne hai nou Philistin reihmaitao nou fühao soua buyu Gibeah hi Ramai vei Deichi vasü taopalai. Ae ne hai nou nuhdu hi talouyu phaki, ludu hinou rachipaola peiyu maime ali hai khubvü, shapoulei, gaigou ae beibei poa shusou ra-a ae chopoa deichi vanou takou daolai.

1 SAMUEL 13:16

Saul, puh nahpoutu Jonathan ae puhai ye koa salaiyu maitao hai Benjamin maivei teidei Geba hinou fühao soua chaore, ae Philistin mainou Mikmash hinou fühao soua bue.