1 SAMUEL 13:2 - SHEEYU BAIBEL (BSI)

² Saul nou Israel mai hrohinou mai thesü hai dopa loure, puhnou mai thehai hai saloua Mikmash deichi vanou buyu Bethel nuhdu hinou koa buloure, alia mai theli hai puh nahpoutu Jonathan ye koa Benjamin khü vei teidei hi buyu Gibeah nuhdu hisü seitare. Mai kukhetao hai Saul nou lahkuku ki hi seidakhai tawure.

1 SAMUEL 13:2 Iomraidhean Croise

2 SAMUEL 20:1

Benjamin khü hinou Bikri nahpoutu Sheba hai zhaidou loumoyu mai ali bue. Gilgal hinou puhnou shabe houpalou-a haibüa paoe, “David veo hi Etao zha halia hae, Jesse vei nahpoutu ye Etao zhoyu hae! Oh, Israel maitaore, lahkuku ki hi vetarao!” tea shapa peire.

2 SAMUEL 21:6

Südonou Saul vei tyaosholea hinou poutumai anai hai Etao hi peiwo. Puletaoye Ramai Mapao nghoujü nou Gibeah nuhdu, süolouzü Ramai nou dopeiyu veo nuhdu hinou rainou daothalai,” tea puletao nou paoe. “Enou puletaoye neletao bah hi peilai,” tea veo nou chila peie.

NEHEMIAH 11:31

Benjamin maityatao nou Geba, Mikhmash, Ai, Bethel nuhdu alia süpehao hi buyu nuhtao,

JOSHUA 18:28

Zela, Haeleph, Jebus (sühai, Jerusalem ye), Gibeah, alia Kiriath-jearim - nuh sütao hai kiadai. Haitao hai Benjamin khüye kaalo peiyu teidei tao-e.

JOSHUA 22:6

Sübüa nou Joshua nou puletao ye sü hapeia nou seitawure; alia puletao nou lahvei teidei hisü dakhai tare.

CHIKUAPEI MAITAO 19:12

Ana puh paopu nou puh hi paoe, “Israel mai moyu vakou maivei teidei hi Etao chaolai moe. Tawo daoli tapoa kou Gibeah nuh hisü chao-a bailai.”

1 SAMUEL 10:26

Saul-a lah puhvei ki buyu Gibeah nuhdu hisü dakhai tare, ae Ramai nou khouko pfüshoyu kamai tsüle daipeia panou puhye koa satare.

1 SAMUEL 10:5

Süthaisü ne hai nou Philistin reihmaitao nou fühao soua buyu Gibeah hi Ramai vei Deichi vasü taopalai. Ae ne hai nou nuhdu hi talouyu phaki, ludu hinou rachipaola peiyu maime ali hai khubvü, shapoulei, gaigou ae beibei poa shusou ra-a ae chopoa deichi vanou takou daolai.

1 SAMUEL 13:1

Saul nou veo koulouyu phaki puh hai po shirou pare, ae puh nou Israel mai hi po ahai hai veo soue.

1 SAMUEL 13:11

ana Samuel nou paoe, “Ne daivah souwure?” Saul nou chila peie, “Maikhe mai hai ahinou tarei tapoa tare, ae nenou velai tea paokhai touyu sü nenou velou more; süpei hinou Philistin mai hai Mikmash hinou tave jüa buloure.

1 SAMUEL 13:15

Samuel nou kushuloua Gilgal hinou tapoa Benjamin maivei teidei Gibeah hi tare. Ae Saul nou puhye koa salaiyu maitaoye phouyu phaki, puletao hai mai kaihrou phali bue.

1 SAMUEL 13:16

Saul, puh nahpoutu Jonathan ae puhai ye koa salaiyu maitao hai Benjamin maivei teidei Geba hinou fühao soua chaore, ae Philistin mainou Mikmash hinou fühao soua bue.

1 SAMUEL 13:23

Philistin mainou reihmai me ali hai Mikmash ludu panou khure donou seita-e.

1 SAMUEL 13:5

Philistin mainou Israel maiye reih soure donou puletao hi rheiluki theshirou, rhei pfüyu mai therou, ae reihmai hai reipe hi phouhao louhoa buyu venai zhoua tave jüloure. Puletao nou tave Bethaven vei teinghi palova buyu Mikmash hinou fühao soua buloure.

1 SAMUEL 14:31

Süzhou teithe Israel mainou Mikmash hinou Aijalon koute hai Philistin maiye reih hupoa kouloue. Süphaki Israel mai hai houyu nou lülou holoure.

1 SAMUEL 14:5

Chuhlya ali nou ludu reilova nou Mikmash hilova reipoa nou bue, ae ali nanou ludu khelova nou Geba hilova reipoa bue.

1 SAMUEL 14:52

Saul nou hria bubusa hai Philistin maiye soureih sou-e. Südonou puhnou pfüphao veiyu mai ae khouko buyu mai taralia ngaoyu phaki, puhnou puhvei reihmai me hisü salou thouloue.

1 SAMUEL 15:34

Süthaisü Samuel nou Ramah hi tare, ae Veo Saul nou puh ki Gibeah hisü dakhai tare.

1 SAMUEL 24:3

Saul nou ludupe hinou buyu chuhlya ali, nghitu ae zhaotu khaiyu buh nghia buyu hisü solai tea talou tare. Chuhlya süna khevai nou David ae puhvei maitao hai tutsüa nou bue.

1 SAMUEL 26:2

Südonou Saul nou Israel mai hrohinou veikayu reihmai thesü hai doloua saho Ziph maivei vaohro hinou David ye phouta-e,

1 SAMUEL 8:11

Puhnou haibüa paopeie, “Neletao pei hinou khasa-a hrüre veo nou haibüa neletaoye sa-a vah soulai: Puhnou neletao vei nahpoutu maitaoye panou puhvei reihmai soulai; kamai-a panou puhvei rheiluki pfüyu mai soulai, kamai-a panou rheiluki pfüa soureih soulai, ae kamai-a panou rheiluki nghoujü nou tutalai.