1 SAMUEL 12:2 - SHEEYU BAIBEL (BSI)

² Chuo puhnou neletaoye süthaisa-a hrüpeilai. Ewo louzü chuo tsüloure ae pei paopare, anou avei nahmaitao louzü neletaoye koa bulai. E nahle-a bukinou zhou koute hai neletaoye süthaisa-a tapeie.

1 SAMUEL 12:2 Iomraidhean Croise

LOUTAO 71:18

Chuo Esü tsüloure ae apei paopare, Eye thaolai peiso, Oh Ramai! Enou nevei khouko ae aduso nasü vere khaphao veishi hi shapao peia buyu phaki Eye koa salai peio.

MAIPEI PHOUYU 27:17

sübüa nevei maitaoye panou kaozü hinou süthaisa-a talo, sükulouzü nevei maitao hai zhaokhowo hayu zhaotu ali bülai moe.”

2 TIMOTHI 4:6

Daiolouzü, Eye posheelare sü chuo souda chekhou khaitoua bure; Eye donou deiphao hrü hainaye thaowu-a tare teilesü vere.

JOSHUA 23:1

Mapao nou Israel maiye panou ngaobamai hinou veiloua asoyu thai; Joshua hai tsüloure alia puhvei mapo-a taoli pare.

JOSHUA 23:2

Südonou Joshua nou Israel mai hrülaiye sü; tsümai, alia peikho mai, chiku-apeimai alia vah adu-pfüyu maitao hisü paoe, “E hai chuo tsüloure, alia avei mapo haia taoli pare;

2 PITAR 1:14

Enou süwe, süolouzü Eletao Mapao Jisu Khrista nou Ahi sheesha-a paopeiyu donou Esü thala-a Apfüphao haina hai thaowua talaire.

1 SAMUEL 2:22

Chuo Eli hai tsüpare. Puh nou puhvei nahpoutu ahai nou Israel mai hrülai hi soupfüyu vahtao ae Rathoki hi talouyu bomü hinou vah soua buyu naotumai koute-a sabu sazü peishe touyu ko khesü puh hi chouve loure.

1 SAMUEL 2:29

Sübüa buyuma, ne daisou nou avei maitao hinou ngaozüa buyu zha jünou la-a nou dutounü puwe? Ne daisounou Eye tsükhouyu jünou la-a nevei nahmaitao ye tsükhoupu loua avei Israel maitao nou Eye pove sheela peiyu hinou touveiyu soutao sü poloua puletaoye kiko peiwe?

1 SAMUEL 3:10

Mapao nou puh hi talou laloua “Samuel, Samuel!” tea lapure. Ae Samuel nou “Ne kilai Enou kei-a nou bue, paopei khaio” tea chila peie.

1 SAMUEL 3:13

Enou puhvei kihikha maiye teisa nou tudee laire tea puh hi paopei chewure, daiolouzü puhvei nahpoututao nou Eye ngaophou moa paoshi-a bure. Eli nou hai khesü süa buyuma puhnou puhvei nahmaitaoye sü tukha loumoe.

1 SAMUEL 3:16

Ana Eli nou Samuel ye “Anahpoutu Samuel!” tea kuloure, ae puhnou “E hai hi bue” tea chila peie.

1 SAMUEL 8:1

Samuel nou tsüpayu thai, puhnou puh nahpoutu maitaoye panou Israel maivei chiku-apeio mai soue.

1 SAMUEL 8:20

Sübüa Etao-a tyahrü kukhe maitao büa Etao vei veo panou Etao pei hi khasa-a bure donou ae Etao nou soureih souyu phakia Etaoye süthaisa-a panou soulai.”

1 SAMUEL 8:3

Ana puhai china hai puh puo nou tayu büa tamore; lah viloure ludu phoua maikhe mai hinou seihla poloua chilou khesü kaozü hinou chiku peimore.

1 SAMUEL 8:5

ae puletao nou haibüa puh hi paoe, “Zhukhaio, ne sü tsüloure, ae ne nahpoutu ahai sü nenou tayu büa tamore. Südonou tyahrü kukhe maitao büa Etao pei hinou khasa-a hrüre donou veo ali phoupeio.”