1 SAMUEL 11:7 - SHEEYU BAIBEL (BSI)

⁷ Puhnou chode ahai sü dathaloua souvava nou daodesa touloua Israel mainou hrüyu teidei teitei hisü kopomaiye panou poloua haibüa ko paota peie: “Mai taralia Saul ae Samuel ye thaifü moyu maiye sü chode haina büa soupeilai.” Süthaisü Israel mai hrülai hai Mapao nou haibüa sourai hai ngaopi loure, südonou puletao mai hrülai hai me ali souloua tave joloure.

1 SAMUEL 11:7 Iomraidhean Croise

SHURAI 35:5

Puletao nou tapayu kisü, nuh sütao haohi buyu mai hrülai hisü ha ngaopiyu ali Ramai nou thoupeie, südonou mailia puletao thai huta more.

2 PUOPAOKO 14:14

Ae puletao nou Gerar nuhdu pehao hi buyu nuhdu taoli hai soushiwure, daiolouzü nuhdu sütao hinou hrüa buyu maitao hai Mapao ye ngaopire. Puletao nou nuhdu sütao hinou nangi taoli hai poloure.

2 PUOPAOKO 17:10

Judah pehao hi buyu vedei teitei sü Mapao nou Jehoshaphat ye panou ngaopiyu sü soupeia puh hi soureih soumore.

2 PUOPAOKO 19:7

Mapao ye tsükhoulo, ae tsücho sei-a hrülo, daiolouzü neletao vei Ramai Mapao hai kaozü nasü porei laiyu, soude soukuyu ae seihla poyu haisü aetou moe.”

ISAIAH 8:13

Khoukhoulai Mapao E hai sheewe touyu sü sülo, Eye likhei nenou khuhao-a tsükhoulai alia ngaopi bailai.

CHIKUAPEI MAITAO 19:29

Puhnou ki hi ve louyu thai, puhnou koutu ali poloua puh khapfüye sü souva kiahai soua daodeloure alia süsü Israel mai khü teitei hisü seita peire.

CHIKUAPEI MAITAO 20:1

Süthaisü Israel mai hrülai nou reilova buyu Dan teidei hinou poa teibeikou buyu Beersheba koute, ae teinghi palova buyu Gilead teidei teitei noupu loua Mapao nghoujü hinou tave me ali souloua Mizpah hinou jüloure.