1 SAMUEL 11:1 - SHEEYU BAIBEL (BSI)

¹ Khouh ali thaisü, Ammon maivei Veo Nahash nou puhvei reihmai me saloua Gilead maivei teidei hi buyu Jabesh nuhdu nasü reih hulou poloure. Süthaisü Jabesh mainou Veo Nahash hisü paoe, “Etaoye koa vo soupeio, sükulouzü Etao nou nevei khakhe hinou hrüa bailai.”

1 SAMUEL 11:1 Iomraidhean Croise

SHURAI 26:28

Puletao nou chila peie, “Mapao nou neye koa salai peiwe touyu Etao nou sheesha-a süloure, südonou Eletao kohi chaachou ali souloua koa ae-ao ali soulou laishe.

2 SAMUEL 10:1

Haibüyu teile phaki Ammon mai Veo Nahash sü thaire, ae puh nahpoutu Hanun nou vekou loue.

2 SAMUEL 10:2

David nou paoe, “E Hanun hi leshiyu samai khamai aveih alie touyu soungao molouzü shie, daisounou touyuo puh puo Nahash nou raiki ahi tebüa soupei khaitoue.” Südonou David nou kopomaiye seiho panou puh thaosou levea dopfüyu chi paopeie.

2 SAMUEL 17:27

David nou Mahanaim hi veyu phaki, Ammon mai Rabbah hinou veyu Nahash nahpoutu Shobi, Lodebar hinou veyu Ammiel nahpoutu Makhir, ae Rogelim hinou veyu Gilead puona Barzillai puletao nou puhye ve daoe.

2 SAMUEL 2:5

puhnou kopomaiye seiho haibüa nou paoe, “Neletao Saul veo ye tsükhou-a puh vei thaiphao sü soutaosou-a vupeiyu vanou neletaoye Ramai panou hapeiyu soulou theo.

1 VEMAITO 20:34

Benhadad nou puh hi paoe, “Apuo nou ne puo hinou polouyu nuhdu khesü Enou ne hi dakhai peilai, ae apuo nou Samaria hinou hupobuh soukhai touyu büa nenou Damaskas hinou hupobuh sü soukhailo.” Ahab nou chila peie, “Haibüa vo soukhai loulai toulouzü, Enou neye panou lahdo soupeilai.” Ahab nou puhye koa vo souloua panou puhye sü tare.

1 PUOPAOKO 10:11

Philistin mainou Saul veo hi soupeiyu ko sü Gilead hi hrüyu Jabesh mainou süloukhaie,

1 PUOPAOKO 10:12

khuvei shoyu maitaoli nou taho Saul ae puhvei nahpoutu maitao vei thaiphao poloua pove Jabesh hi khaiwure, alia puletao nou thaiphao taosü phesüübe phi hinou daovu peie, alia teithe anai hai lüh-a nou dopfüe.

JOB VEI LARÜBVÜ 41:4

Puhnou neye koa vo soulaiwu? Teisa nou nevei kuvah sou-a bailai tea ne hi puhnou chaachou soua paolaiwu?

TAPALOUYU 23:32

Neletao nou puletaoye koa moyuma puletao vei rah kheye koa vo soulai moe.

ISAIAH 36:16

Hezekiah vei chi sü keiso daiolouzü Assaria hi veo nou haibüa paoe, ‘Neletao nou Eye chavei lathaolo, ae ahi tapalo, sükulouzü neletao mai hrülai panou lahkuku vei darkhabe ae doushibe vanou rashithou sü haitoulai, alia neletaoye panou lahkuku vei dzükhao hisü nou dzü potoulai.

JEREMIAH 40:11

Sübüa Moab hinou buyu Jihudimai, Ammon mai, Edom ae teidei kukhe hinou hrüyu Jihudimai hrülai nou chouloure, sülouzü Babilon hi veo nou Judah hi mai daotuli hai shopei khaitoue ae puletaoye panou khore donou Shaphan nahpoutu Gedaliah ye dothou peiwure touyu sü chouloure.

EZEKIEL 17:13

Puhnou veo vei kikhamai ali saloua panou puhvei khakhe hinou bulai tea chaachou soua vo ali souloure. Puhnou tyahrü hinou matsüyu mai hrülai hai hukhamai soua nüpoa tare,

PAODAKHAIYU CHIKHA 23:3

“Ammon mai moa Moab mai, moa puletao vei tyaosholea kirou koute-a pa Mapao vei maime hi loulai moe.

CHIKUAPEI MAITAO 10:7

Israel mai hisü Mapao vei lekha rarou sü vere, alia puhnou puletaoye Philistin ae Ammon mai bah hi zhothou peiwure.

CHIKUAPEI MAITAO 11:4

Phajütou thaisü Ammon mainou Israel maiye reih soutare.

CHIKUAPEI MAITAO 21:8

Puletao nou “Israel mai hrohinou thaomai nou Mizpah hi Mapao nghoujü velou jüyu hisü velou moe?” tea nouyu phaki, Jabish-gilead hinou hrüyu mai ali koute-a veloumoyu sü phoupa loure.

1 SAMUEL 12:12

Ana Ammon mai veo Nahash nou neletao pei hi soureih soulou laire touyu zhingao loukhaie, neletao nou Mapao hai neletao vei veo moe tea laiwua ahi nou ‘Etaoye khasa-a hrüre donou veo jüpawe’ tea kholoure.

1 SAMUEL 14:47

Saul nou Israel mai hi veo soulouyu thai, puhnou puhye ngaobayu mai hrülai hisü reih souta-e: Moab mai, Ammon mai, Edom mai, Zobah hi buyu veo maitao pei hi, ae Philistin maipei hi soureih souta-e. Puhnou soureih souyu teitei hinou ngalouyu sü ngaoloue.