1 SAMUEL 10:6 - SHEEYU BAIBEL (BSI)

⁶ Teile sübü hinou Mapao vei rako nou ne hi koulou loulai, ae nenou puletaoye koa cho-a nou rachi sü paolai, süthai ne sü mai kukhe ali datawulai.

1 SAMUEL 10:6 Iomraidhean Croise

MAIPEI PHOUYU 11:17

Enou buh sühinou neye takou kealai, ae Enou neye peikhai touyu rako daotu hai ne hinou popaloua puletao hisü peilai. Süthaisü mai sütao nou maikhe maiye zhure vah khesü neye soukha peilai ae ne likhei koupo nasü pfüpulai moe.

MAIPEI PHOUYU 11:25

Süthaisü Mapao nou teihao hinou takouloua Moses ye cha-e. Puhnou Moses hi peikhai touyu rako chitya hai poloua süthai-apei mai rainai hisü peie. Rako sünou puletao hi velouyu phaki, puletao hai rachipaola peiyu mai büa raopare, ana teile sho-a nou puletao hisü bumoe.

MAIPEI PHOUYU 11:26

Süthai-apei mai rainai hinou mai ahai, Eldad ae Medad hai Sahpao hisü velou moa fühao hinou bue. Puhai hisü rako sünou veloure ae puhai hai rachipaola peiyu mai büa raopare.

MAIPEI PHOUYU 11:29

Moses nou chila peie, “Ne Eye donou puhaiye ngaoraivu? Mapao nou puhvei rako hai puhvei mai hrülai hi thoupeiwua puletao hai rachipaola peiyu mai büa buyu sü Enou jüpa-e!”

MATHIU 7:22

Chikuyu Teithe kisü mai alaonou Ahi paolai, ‘Mapao, Mapao! Nezhih hinou Ehnou rachi paolapa mowu, alia nezhih hinou rashitaoye hulai pamowu, alia nezhih hinou khupa vah lao soumowu?’

CHIKUAPEI MAITAO 14:6

Mapao vei rako sü puh hi koulou loua puhnou kipeikhaodu nasü nghitu aliye paikhaoyu büa puh bah nou paikhao peiwure. Ana puhnou daisouwe touyu sü puh pfüpuo hi paomoe.

CHIKUAPEI MAITAO 15:14

Puhye sa-a Lehi nuhdu hi kouyu phaki Philistin mainou shusoua puh hi tukoue. Süpha teilebü hinou Mapao vei rako nou puh hi louloua puhye phukhai touyu rai sü meidei khaitouyu rai büa puhnou tyade paloure.

CHIKUAPEI MAITAO 3:10

Mapao vei rako sünou puh hisü velou loure, alia puhnou Israel maiye süthai sa-a hrüpeie. Puhnou Israel maiye sa-a soureih soutae, ae Mapao nou Mesopotamia veo Kushan-rishathaim ye puh bah hi thoupeie, ae puhnou Kushan-rishathaim jünou reih veiloue.

1 SAMUEL 10:10

Saul ae puhvei kilai nanou Gibeah hi veyu phaki, puhai nou rachipaoyu maime ali takou dao-e. Süteilebü hinou Ramai vei rako nou puh hisü kou louloure, ae puh hai puletao hrohinou shusoua cho-a nou lou soure alia rachi paolare.

1 SAMUEL 10:9

Saul nou Samuel hinou tarata laire tea buyu phaki, Ramai nou puhvei hrümai sü souda peiwure. Ae Samuel nou puh hi paoyu chipao teitei sü süzhou teithe hai cheche-a vepare.

1 SAMUEL 11:6

Saul nou ko sü choulou khaie, Ramai vei rako nou puh hisü koulou loure, ae puh hai rarou sholoure.

1 SAMUEL 16:13

Samuel nou oliv theadzü poloua David ye sü puh jürai maitao nghoujü nou theadzü napeiwure. Süzhou teithe hinou Mapao vei Rako nou David hisü koulou loure. Süthaisü Samuel hai Ramah nuhdu hi dakhai tare.

1 SAMUEL 19:20

Südonou puhnou David ye panou nüloure donou puhvei maiye seitare. Puletao nou rachipaolayu maime ali hai Samuel nou süthaisa-a shusoua nou lou soua ae chopoa nou buyu ngaoe. Süthaisü Ramai vei rako nou Saul vei maitao hi louloua puletao hai-a shusoua lou soua chotare.