1 SAMUEL 10:5 - SHEEYU BAIBEL (BSI)

⁵ Süthaisü ne hai nou Philistin reihmaitao nou fühao soua buyu Gibeah hi Ramai vei Deichi vasü taopalai. Ae ne hai nou nuhdu hi talouyu phaki, ludu hinou rachipaola peiyu maime ali hai khubvü, shapoulei, gaigou ae beibei poa shusou ra-a ae chopoa deichi vanou takou daolai.

1 SAMUEL 10:5 Iomraidhean Croise

1 VEMAITO 18:29

Puletao nou heamajü, ae koukhe koute sü shusoua ra-a nou veachi paoe, ana chila aliro peimore, paikho lia choua choumore.

2 VEMAITO 2:15

Jeriko hinou buyu rachipaola peiyu mai raingou taonou puhye ngaoloua nou paoe, “Chuo Elijah vei khouko hai Elisha hi bure!” Puletao nou puh hi takouloua puhye nakou khurüe,

2 VEMAITO 2:3

Sühinou buyu rachipaolayu maime ali nou Elisha hi haibüa nou noue, “Zhou teithe Mapao nou nevei paopuye rakiva sa-a khetalai touyu ne süho moe?” Elisha nou chila peie, “Ouvai, E-a süwe, ana süna vanou chi phalai moshe.”

2 VEMAITO 2:5

Sühinou buyu rachipaola peiyu maime ali nou Elisha hi veloua nou paoe, “Zhou teithe Mapao nou nevei paopu hai ne hinou sa-a talai touyu sü ne sühomoe?” Elisha nou chila peie, “Oungai, Enou süwe, ana süna vanou Etao hai chi phalai mokhe.”

2 VEMAITO 2:7

ae rachipaolayu mai raingou nou puhaiye koa Jordan rei hisü tare. Elijah ae Elisha nou reipe hi kou chaore, ae rachipaolayu mai raingou taonou puhai hinou ka douphou-a nou bue.

2 VEMAITO 3:15

Chuo Eye donou lou souyu mai aliye taho kupoa nou vewo.” Lou souyu mai nanou lou souyu basei poa nou lou soupeiyu phaki, Mapao vei khouko hai Elisha hi velou loure,

2 VEMAITO 4:38

Vuli teidei sühi tokaa shoyu teile hinou, Elisha nou Gilgal nuhdu hisü ve-e. Puhnou rachipaola peiyu maime aliye paodoupeia buyu teile hinou, puhnou puh kilai hisü tona phatoure donou lee adu ali hai mei pei shaokalou khaio tea paoe.

2 VEMAITO 6:1

Teitheli rachipaola peiyu maime ali nou Elisha hi vamoa nou haibüa paoe, “Etao nou buyu buh hai Etaoye donou tailere!

1 PUOPAOKO 11:16

Süteile hi David nou chuhlya buyu deichi hinou bue alia Philistin maivei reihmai me ali hai Bethlehem hinou bue.

1 PUOPAOKO 13:8

David alia Israel mai hrülai nou Ramai nghoujünou puletao vei pfüchi teitei nou peia asasoua lou soupoa, gaigou ka-a, khubvü da-a ae shabe nghou-a chopoa ta-e.

1 PUOPAOKO 16:42

Paoshoyu lou soure donou Heman ae Jeduthun alia mai kukhe maitao hai shabe nghoure donou, beibei dare donou alia poa lou souyu bahsei kukhe zhure vahbu hisü dothoupeie. Jeduthun pounah maitaoye panou rokhubomü khore donou vahbu thoupeie.

1 PUOPAOKO 16:5

Asaph-ye panou peichore donou doloue, ae puh thaisü panou Zekharia, Jeiel, Shemiramoth, Jehiel, Mattithiah, Eliab, Benaiah, Obededom, ae Jeiel-ye panou gaigou kare donou doloue; Asaph-ye panou khubvü dare donou doloue,

LOUTAO 49:4

Enou tsüchi khesü keinoulai; Enou lanabvü sü ka-a nada ko khesü paopeilai.

LOUTAO 92:3

poa lou souyu basei nou koa kho veishoa neye lou soushoyu hai daizhou koute vei sarou!

1 KORINTHMAI 14:1

Koulihsoua leshi phoulo, alia lenoua rako vei sapeinatao, matsüsoua neletao nou rachi paopa loure donou züpalo.

1 SAMUEL 10:10

Saul ae puhvei kilai nanou Gibeah hi veyu phaki, puhai nou rachipaoyu maime ali takou dao-e. Süteilebü hinou Ramai vei rako nou puh hisü kou louloure, ae puh hai puletao hrohinou shusoua cho-a nou lou soure alia rachi paolare.

1 SAMUEL 10:4

Puletao nou nehaiye sashoa chalai, ae ne haiye raokhao phe ahai peilai, süsü puh bah hinou ne polo.

1 SAMUEL 13:2

Saul nou Israel mai hrohinou mai thesü hai dopa loure, puhnou mai thehai hai saloua Mikmash deichi vanou buyu Bethel nuhdu hinou koa buloure, alia mai theli hai puh nahpoutu Jonathan ye koa Benjamin khü vei teidei hi buyu Gibeah nuhdu hisü seitare. Mai kukhetao hai Saul nou lahkuku ki hi seidakhai tawure.

1 SAMUEL 13:3

Jonathan nou Philistin maivei reihmai peikhowo sü Geba hinou southawure, ae ko haina sü Philistin mai hrülai nou chouloure. Süthaisü Saul nou kopomaiye seiho Hebrew mai hrülai hi talou reih soukhaio tea shabe nghoua tyadei teitei hisü paosüta-e.

1 SAMUEL 19:20

Südonou puhnou David ye panou nüloure donou puhvei maiye seitare. Puletao nou rachipaolayu maime ali hai Samuel nou süthaisa-a shusoua nou lou soua ae chopoa nou buyu ngaoe. Süthaisü Ramai vei rako nou Saul vei maitao hi louloua puletao hai-a shusoua lou soua chotare.

1 SAMUEL 9:12

Loumainahtao nou haibüa chila peie, “Oungai, puhsü nuhdu hi bue. Puh sü nuhdu hi velai tea ne hai jünou raiphoua ta-a baihie. Ne hai nou thalasoua talouzü puhye thaingou lousü hie. Ne hainou nuhdu hi talou louzü puhye dao-a bailai. Puh hai zhou nou nuhdu hi ve hie, daiolouzü deichi hi buyu posheelabu hinou maikhe mainou posheelare donou souda-a bue. Tovai zholai tea kuve khaitouyu maitao hai puh vemo koute vailai moe, daiolouzü puh nou posheelare nasü ha peilai hie. Ne hainou thalasoua talouzü, puh hai deichi hi patamo jünou puhye daolou süe.”