1 SAMUEL 10:2 - SHEEYU BAIBEL (BSI)

² Zhou teithe nenou Eye thaowua tara tayu thai, Benjamin maivei teidei Zelzah tea kua buyu nuh hi Rachel vei khü hinou mai ahai takou daolai, ae puhai nou ne hi haibüa paolai, ‘Ne hainou phoua buyu rheisühtao sü ngaoloure, ana chuo ne puo hai rheisühtao donou levea more, ana neye donou levea-a Anahpoutu donou E daipha soulai’ tea pao-a bure.

1 SAMUEL 10:2 Iomraidhean Croise

SHURAI 35:16

Jakob alia puh kikhamai nou Bethel thaowua tare. Puletao nou Ephrath hi koute loumo jünou Rachel hai nah nare teile sü veloua khea sousho loure.

SHURAI 48:7

Daiolouzü Enou Mesopotamia hinou dakhai veyu kisü Ephrath (süolouzü chuo Bethlehem) hinou doushomoa buyu Kanaan teidei hinou nepfü Rachel sü thaipeia ale veashore. Ephrath talouyu ludupe hinou Enou puhye sü poa vuhpeie.”

JEREMIAH 31:15

Mapao nou paoe, “Ramah hinou dopfüa krayu pai ali choue. Rachel nou puhvei nahmai donou kra-a bure; puletao sü tare, ae honapai hai panou le sousa bare.

JOSHUA 18:28

Zela, Haeleph, Jebus (sühai, Jerusalem ye), Gibeah, alia Kiriath-jearim - nuh sütao hai kiadai. Haitao hai Benjamin khüye kaalo peiyu teidei tao-e.

1 SAMUEL 10:16

“Puhnou rheisühtao sü ngaoloure tea paopeie,” tea Saul nou chila peie, ana Samuel nou puhye panou veo koulaire tea paoyu chi khesü puh puo thaihou hisü paongao moe.