1 SAMUEL 10:1 - SHEEYU BAIBEL (BSI)

¹ Süthaisü Samuel nou oliv theadzü bvü ali poloua Saul pei hi lazü peie, puhye mü nou teipeie alia haibüa paoe, “Mapao nou neye panou Israel maiye khosa-a hrüre donou theadzü napeiwure. Nenou puhvei maitaoye khasa-a hrülai, ae puletaoye ngaobayu maitao bah hinou vupa peilai. Mapao nou neye panou puhvei maitao pei hi veo soure donou theadzü napeiwure touyu shee sü haibüe:

1 SAMUEL 10:1 Iomraidhean Croise

2 SAMUEL 1:14

David nou puh hi paoe, “Ne daizhou khu vei-a nou Ramai nou dopeiyu Veoye southawe?”

2 SAMUEL 19:39

Süthaisü David alia puhvei mai hrülai sü Jordan rei kachopa loure. Veo nou Barzillai ye münou mupei-a puh pei hi hrapeie, sütea Barzillai hai ki hi khaitare.

2 SAMUEL 20:19

Eh nuh hai Israel mai nuh hrohinou nuhdu alie, kaonayu nuh, ae paochi züveiyu nuh alie. Ne daisounou nuh hainaye souhawulai tea tewe? Ramai vei nuh ali sou-a buyu nahai nenou souhare jüpawu?”

2 SAMUEL 5:2

Raichoki Saul nou veo sou-a buki-a nenou Israel maitaoye sü süthaisa-a reih zü-a baie, Ramai nou neye panou puh vei maitao süthai-apeio alia puletaoye kho-apeio nasü soulai tea paopeiwure.”

1 VEMAITO 1:34

ae buh sühinou napao Zadok ae Nathan nou Solomon ye panou Israel mai hi veo soure donou theadzü napeio. Süthaisü shabe houlo ae haibüa shalo, ‘Veo Solomon ye sü panou hrüsho hrülou theo.’

1 VEMAITO 19:18

Ana Israel hi Baal ye nakou khurüa tho moyu, ae puh ye mümu mütei moyu mai thenai sü Enou shokhai touhie.”

2 VEMAITO 20:5

“Mapao vei maikhe maiye khopei-a buyu veo Hezekiah hisü dakhailou haibüa paopeio; ‘Nevei puopaoh David vei Ramai Mapao Enou nevei veachi sü chouloure, ae nevei ngheidzü kouyu sü Enou ngaoloure. Enou neye sü souvei peilai, ae teithe asü lüvai hinou nenou Rathoki hisü veloulai.

2 VEMAITO 9:1

Süthaisü Elisha nou rachipaolayu nahlemai aliye kuloua paoe, “Soudaloua nou Ramoth Gilead hisü tawo. Oliv theadzü thouyu bvü ali polo,

2 VEMAITO 9:12

“Etao sümoe! Puhnou paoyu sü Etao hi-a paongao peio,” tea puletao nou pao-e. “Mapao nou Eye panou Israel mai hi veo soure donou theadzü napeiwure tea puhnou paowe.”

LOUTAO 135:4

Puhnou Jakob ye sü puhvei soure donou doloue, Israel maiye puhvei mai soure donou doloue.

LOUTAO 2:12

Alia pi sholo ae nakou Mapao ye tholo, sütoumo louzü thalasou puh lekha sü pa-a bailai, ae neletao hai thaiha tea bailai. Puh hinou ve bailouyu mai hai rako veiyu maie.

LOUTAO 78:71

zhaotu kho-a buyu hinou puhnou puhye saloua panou Ramai vei maitaoye khore donou Israel maivei veo sü soupeie.

TAPALOUYU 30:23

“Vusa veikayu tya — kaingi veiyu myrrh poudzü kilo arou, kainüvei agor süü kilo asü, alia kainüvei shibadzü kilo asü,

JEREMIAH 10:16

Jakob vei Ramaiwo sübü moe; puhnou ha teitei sü soupeie, ae puhvei mai soure donou Israel maiye puhnou dopaloue. Khoukhoulai Mapao touyu sü puh vei zhih-e.

EZEKIEL 16:13

Sübüa neye panou shahu ae sana nou soukhai touyu zhusana khesü panou toupfüe, ae sabanü sü veikhayu züzüsah ae soumaisah nou teisa nou banouwe. Neye panou sou veikayu tyanou soukhai touyu raokhao, laivoudzü ae oliv theadzü sü panou toue. Nehai hüvei shopare ae ne vemaipfü ali souloure.

HOSEA 13:2

Chukoutea puletao nou mah sü soupu khaikhaia bure, puletao nou lahye donou soukhai touyu razhu sü puletao vei tsüdo na thaifüa shahu nou bashara souloua baie, sütao teitei hai shara souyu mainou souloua sünaye thowe. Puletao nou “Haina hi poa sheela peio” tea paoe. Maikhe maitao nou chotoutu zhu hinou soukhai touyu basharaye sü mü nou mua thowe.

SEI-ATAMAI VAHTAO 13:21

Süthaisü puletao nou veomaili peire donou khoyu kisü, Ramai nou puletao hi Benjamin khü himai, Kish nahpoutu Saulye panou po raidai veo soure donou peie.

PAODAKHAIYU CHIKHA 32:9

Ana Jakob vei tyaomai nahmaitao hai puhvei mai panou soure donou doloue.

1 THESSALONIMAI 5:26

Sheeyuvei mü mupeiyu sünanou thaihou jürai khemai hrülaiye sasa-a khurü peikhaio.

EBRIAMAI 2:10

Daiolouzü ha teiteiye soupeiyu ea sütaoye zhupeia buyu Ramai puhye donou maikhe maitaoliye save puhvei adusho nasü zha ngaozho loure donou panou veahoyu vanou Jisu ye southou liche peiyu sü kaozüshoe. Daiolouzü puletaoye khailu peiyu hi süthai save peiyu sü Jisu puhbaie.

PONGAOPEIYU 5:8

Alia puhnou süsü polouyu kisü, hrikhaona adai sütao ea tsümai kaidai taosü kou Zhaotu nghojünou kaotare. Puletao mailili bah hisü lanabvü aduna chekhei bue, alia mei deiloure kaivei shoyu nanou phoua buyu sana paitao-a bue, sütaosü sheeyu maitao vei veachi nasüe.

1 SAMUEL 12:3

E neletao nghoujü nou la-a bue, maitarali hia Enou kaomoyu vah ashi soulouzü, chu Mapao vei nghoujü ae veo vei nghoujü nou avei mah khesü paopa peikhaio. Enou neletao vei cho moyuma rheisüh pokhai touyu buvu? Enou maitarali hia da-zhu khaitouyu moyuma souchoro khaitouyu buhae? Enou maitarali hia seihla toukhai touyu buhae? Hakinou Enou haibüa kaomoyu vah soukhai touyu bulouzü, Enou polouyu nasü paoh khapeilai.”

1 SAMUEL 13:14

Ana chuo nenou veo soupulai more, daiolouzü nenou Mapao vei chi zülou more. Südonou chuo Mapao nou jüpayu mai aliye panou puhvei maitaoye khasa-a hrüre donou dolou laire.”

1 SAMUEL 15:1

Samuel nou Saul hi paoe, “Neye panou Israel mai pei hi veo soure donou Mapao nou Eye seive neye theadzü napeie. Südonou chuo Mapao vei chi sü zülo.

1 SAMUEL 15:17

Samuel nou paoe, “Ne lah neye matsü moyu mai ali baie tea paowe, anou ne hai Israel mai hrülaiye süthai-apeio nasüe. Mapao nou neye Israel mai pei hi panou veo soure donou theadzü napei khaitoue,

1 SAMUEL 16:1

Mapao nou Samuel hi paoe, “Ne teile kasho Saul ye donou dopfüa bukou laige? Enou puhye sü Israel maivei veo souyu hinou malaiwure. Ana chuo oliv theadzü poloua Bethlehem hinou buyu Jesse ki hisü tawo, daiolouzü Enou puhvei nahpoutu mai aliye panou veo soure donou doloure.”

1 SAMUEL 16:13

Samuel nou oliv theadzü poloua David ye sü puh jürai maitao nghoujü nou theadzü napeiwure. Süzhou teithe hinou Mapao vei Rako nou David hisü koulou loure. Süthaisü Samuel hai Ramah nuhdu hi dakhai tare.

1 SAMUEL 2:10

Mapao ye ngaobayu mai sü hakata bailai; puletao pei hisü puhnou raki vanou teisüyu nasü seive peilai. Mapao nou deiphao mai hrülai pei hi chikulai, puhnou puhvei veo maitao hi khouko peilai, ae puhnou dolouyu veo maitao hi ngalouyu nasü peilai.”

1 SAMUEL 24:6

ae puhnou puhvei maitao hi paoe, “Mapao nou theadzü napei khaitoua panou Israel maivei veo souyu avei paopu pei hisü Eye panou abah khakhaiso! Puh hai Mapao nou dopa peiyu veo mai alie, südonou puh pei hi hashi ali-a Enou soulai moe!”

1 SAMUEL 26:11

Mapao nou veo soure donou dopapei khaitouyu mai aliye Enou southare donou te-a buyu thaio, Ramai nghoujü nou nou-a noue. Ahai puhvei heung ae dzübvü nasü poloua ta-a bailai she.”

1 SAMUEL 26:9

Ana David nou puh hi paoe, “Ne puhye southa laimoe; daiolouzü Mapao nou theadzü napeikhai toua veo panou soure donou dopa louyu puhye maitaralia southayu maina sü puhnou tudee-a bailai.”

1 SAMUEL 8:19

Ana maikhe mai hai Samuel vei chi sü pobare, ae puletao nou haibüa paoe, “Moe, Etao pei hi khasa-a hrüre veo mai ali jüpawe.

1 SAMUEL 8:9

Südonou puletao nou khoyu nasü kei peio, ana puletao pei hi veo mainou haibüa khasa-a hrülai touyu veishi hai soutaosoua paongaotou toupeio.”

1 SAMUEL 9:16

“Dosho Benjamin khü hinou mai ali hai chu teile phaki ne hi seive peilai; puhye panou avei Israel maitaoye khore donou theadzü napeio, ae puhnou avei maitaoye Philistin mai bah hinou vupa peilai, daiolouzü Enou avei maitao nou veahoyu sü ngaore, ae puletao nou krayu pai sü ahi chou khere.”

1 SAMUEL 9:27

Puletao nou nuhdu kai hi kouyu phaki Samuel nou Saul hi paoe, “Kilai naye nou ahai jünou rai-a tawo tea paopeio.” Kilai nanou puhai jünou raia tare, ae Samuel nou puh hi paopue, “Hai hinou chaokho laio, Enou ne hi Ramai nou daitea paowe touyu sü paongao peilai.”