1 SAMUEL 1:8 - SHEEYU BAIBEL (BSI)

⁸ Puh khapu Elkannah nou honapai hi noue, “Hannah, ne daisounou kra bue? Ne daisounou ha toubawe? Ne daisounou leveawe? E nahpoutu mai kirou buyu jünoua neye kopu hi mowu?”

1 SAMUEL 1:8 Iomraidhean Croise

2 VEMAITO 8:12

“Apaopuwo ne daisounou krawe?” tea Hazael nou nouwe. Elisha nou chila peie, “Daiolouzü nenou ngaopi shoyu vah haso khesü Israel mai pei hi soupei laiyu sü Enou süwe. Nenou puletao vei reihkhaobu khesü meidei peilai, nahlemai hrülai sü southa peilai, nahtou maiye sü soude sousasa peilai alia nahpfüyu maiye sü pou hinou nahtou hai popa peilai.”

JOB VEI LARÜBVÜ 6:14

Enou Ramai ye ngaiho ngaimosa, tali souyuma haibüa veayu phaki acheche samai khamai hai koshowe.

LOUTAO 43:4

Süthaisü Enou nevei posheelabu hi velai, Oh Ramai; Enou savayu ngaore sü ne hinou baie. Enou gaigou ae lanabvü sü kalai ae neye lou sousholai, Oh Ramai, Avei Ramai.

ISAIAH 54:1

Oh nahapfüpai, nahmai hrümoyu naotupai, khya soukhai toumoyu naotupai, sasho-a nou lou sü shusoua soukhaio. Daiolouzü mainou thaokhaiyu naotupai sünou maipu mainou koa teisa nou sabuyu na jünou nahmai ngaopou laire, tea Mapao nou paoe.

ISAIAH 54:6

Oh Israel, ne hai nahle shoa bukinou maipou mainou hulaiwua veasho-a lah likhei buyu naotupai büre. Ana Mapao nou neye sü puh hi kudakhai veloua haibüa paoe,

JOHAN 20:13

Puhainou puh hi noue, “Naotupai, daidonou ne krawe?” Puhnou puhai hi chila peie, “Puletao nou A Mapaoye potare, alia puletao nou puhye kahi pokhairesa touyu sü Enou sümoe.”

JOHAN 20:15

Jisu nou puh hi paoe, “Naotupai, ne daidonou krawe? Ne thaohye phouwe?” Puhye nou kipei akhowo nasüe tea choloua, puhnou puh hi paoe, “Dou-apeio, nenou puhye potare toulouzü, puhye pokhaiyu buh sü Ahi paongao peikhaio, alia Enou taho puhye poloulai.”

1 THESSALONIMAI 5:14

Thaihou jürai khemai, vah souhi-a bumaiye paodou peire, le vea-a bumaiye souva peiloure, lelouho maiye soukha peiloure ea maikhemai hrülaiye koa shamea peiloure Ehnou neleye süpeiwe.

RUTH 4:15

Ne mou nou neye leshiyu hai nahpoutu mai anai jünoua koupu hie. Alia honapai nou zhou neye donou nahpoutu ali naloure, alia ne tsüpayu phaki puhnou neye kiko peilai.”

1 SAMUEL 1:7

Po taoli hai, puletao nou Mapao vei ki hi veyu tsü sü Peninnah nou Hannah ye lesouvea peia baiwe, südonou Hannah nou ha touba-a kra-a bue.