1 SAMUEL 1:3 - SHEEYU BAIBEL (BSI)

³ Po patsü Elkanah hai puhnou buyu nuhdu hinou rathore donou ae Khoukhoulai Mapao hi posheelare donou Eli ae puhvei nahpoutu ahai, Hophni ae Phinehas nou Mapao vei napao soua buyu Shiloh nuhdu hisü tawe.

1 SAMUEL 1:3 Iomraidhean Croise

LOUTAO 78:60

Puhnou Etaoye koa sabuyu sahpao, puh buh Shiloh nasü thaowua tare.

TAPALOUYU 23:14

“Eye tsükhouyu zhai hinou potei ali hi vu asü nüh nülai.

TAPALOUYU 23:17

Po patsü nühdu asü haitao hi neletao mai hrülai nou tave Ramai Mapao Eye tholai.

TAPALOUYU 34:23

“Potei ali hinou bakha asü hai poutumai touyu hrülai nou tave neletao Ramai Mapao Eye tholai.

LUK NOU RÜYU KO AVEIBVÜ 2:41

Alia puh pfüpuosü po pasah sü Tachonüh kisü Jerusalem hi tawe.

PAODAKHAIYU CHIKHA 16:16

“Neletao Ramai Mapao nou dopa louyu buh hinou poutumai touyu hrülai, po ali hinou bakha asü hai Mapao nghoujü hi velai; khei thoumoyu raokhao nüh, Chachi louyu nüh, ae Sahpao nüh. Mai li-a Mapao nghoujü hi bah sa-a velaimoe,

JOSHUA 18:1

Israel mainou teidei polouyu thai, puletao hrülai nou Shiloh hinou ve jüloue, alia sühinou sahpao haolouwe.

CHIKUAPEI MAITAO 18:31

Mikah vei bashara nasü Shiloh hi rathoki buyu koute sühinou bue.

CHIKUAPEI MAITAO 21:19

Süthaisü puletao nou paoe, “Potei ali hi Mapao vei nüh Shiloh hinou nüyu teile nasü nghikoure.” (Shiloh hai Bethel reilova nou bue, Lebonah khekou nou bue, ae Bethel alia Shekem ko hi ludu buyu teinghi palova nou bue.)

1 SAMUEL 1:21

Elkanah ae puhvei kihikhamai nou Shiloh hi taho po patsü Mapao ye tho-a posheela peire teile sü vere.

1 SAMUEL 1:9

Vuli puletao nou Shiloh hi buyu Mapao vei ki hinou hatou louyu thai, Hannah nou kushuloua levea shopoa Mapao hinou kra-a veachi paoe. Süphaki napao Eli hai lah puhnou teisa nou buyu kikhu phi hinou bue.

1 SAMUEL 14:3

(Shiloh hinou Mapao vei napao Eli nahpoutu Phinehas nahpoutu Ikhabod thaihou Ahitub nahpoutu Ahijah nou Ramai vei leli poa zhuyu ephod nasü poa bue.) Jonathan nou puletao hinou tare touyu hai mai ali-a sümoe.

1 SAMUEL 2:19

Puh pfü nou popatsü hai puh cha ye koa potei potei hi ratho-a posheela peiyu hisü sa-a taho puhye naazao pove peiwe.

1 SAMUEL 2:34

Nevei nahpoutu ahai— Hophni ae Phinehas hai teithe ali hinou thaikhiyu phaki, Enou ne hi paopeiyu chipao teitei hai cheche-a vepalai touyu nenou süloulai.

1 SAMUEL 3:13

Enou puhvei kihikha maiye teisa nou tudee laire tea puh hi paopei chewure, daiolouzü puhvei nahpoututao nou Eye ngaophou moa paoshi-a bure. Eli nou hai khesü süa buyuma puhnou puhvei nahmaitaoye sü tukha loumoe.

1 SAMUEL 4:11

Ramai vei Vo Sübvü nasü puletao nou shaoloure, ae Eli nahpoutu ahai, Hophni ae Phinehas puhai-a southawure.

1 SAMUEL 4:4

Südonou puletao nou Shiloh hi maiye seiho panou shouh pfüyu cherubim khaona ahai kohinou buyu Mapao vei Vo Sübvü nasü pove-e, ae Eli nahpoutu ahai— Hophni ae Phinehas puhai nou Vo Sübvü nasü koa pove-e.