1 SAMUEL 1:11 - SHEEYU BAIBEL (BSI)

¹¹ Hannah nou chaachou soua haibüa veachi paoe, “Oh Khoukhoulai Mapaowo, ne kilaipai Eye zhupeio! Enou veahoyu hai sü zhuloua Eye ngaipeiso! Nenou Eye nahpoutu ali peilouzü, Enou puhye sü poa neye puhvei hrümai teitei nou peilai, ae puh peishu sü panou bi khailai moe.”

1 SAMUEL 1:11 Iomraidhean Croise

SHURAI 28:20

Süthaisü Jakob nou chaachou ali Mapao hi soua paoe, “Nenou avei tatou teitei hi koa zhopei louzü, ae Eye vupei louzü alia Eye sabanü ae touso peilouzü,

SHURAI 29:32

Leah nou nahmai hrüloua nahpoutu ali naloue, alia puh zhih sü Reuben tea saloue, daiolouzü honapai nou paoe, “Mapao nou avei veayu sü zhupeie, chuo akhapu nou Eye leshi peishulai.”

SHURAI 30:22

Süthaisü Ramai nou Rachelye lichopeie, alia puhvei veachi sü noupeia panou nahmai ngaoloue.

SHURAI 8:1

Ramai nou Noha ae puhye koa sakhao hi buyu rekhaona ae kikhaorü taoye ngaipei moe, puhnou dei pei hi teikhai panou hüloua alia dzü sü panou khaiho tare.

2 SAMUEL 16:12

Puhnou Eye haibüa chaa peiyu vanou Ramai nou avei veahoyu hai süpeia shiha-a peilou veie.”

LOUTAO 25:18

Enou veaho-a buyu ae sounou-a buyu nasü licho peio, ae amah veishi sü khaipeio.

TAPALOUYU 4:31

Mai khemai nou süsü louche loure, alia Mapao nou Israel maiye zhuvea peia puletao hi ve loure ae puletao nou veahoyu khesü ngaoloure touyu sülou khaie, puletao nou pei pfüa nakou Puhye tho-e.

TSÜCHITAO 31:2

“Ne hai Enou leshi shoyu anahpoutue, Enou veachi paoyu chila nasüe. Enou ne hisü dai-e paopeilai?

KOPAODOUWO 5:4

Südonou nenou Ramai hi chaachou soulouzü, sünasü soupeimoa nou ponawuso; daiolouzü puhsü avo maiye jüpa moe. Soulai tea chaachou soukhai tiyu nasü soupeio.

MAIPEI PHOUYU 21:2

Süthaisü Israel mainou Mapao hi haibüa chaachou soue, “Nenou Etaoye panou mai haitao jünou reih veiloure touyu thaio, Etao nou sousheeloua puletao mai hrülai ae puletao vei nuhdu khesü ne hi posheela peilai, ae puletaoye souha khaitou peilai.”

MAIPEI PHOUYU 6:11

Napao nou raohou ali hai mah vei posheela ae kukhe ali nahai puhvei mah khailoure donou meidei-a posheela peilai, daiolouzü puhnou thaiphao vanou mahwure. Süzhou teithe hinou puhnou puhvei peishu hai sousheeloua nou poa peithoupu peilai,

MAIPEI PHOUYU 6:5

Puhnou Nazir mai soulai tea chaachou soukhai toua bubusasü, puhnou puh peishu hai bikhai toulai moe, ae puhvei mai hai saikhai toulai moe. Puhnou puhvei hümamai hai Mapao hi peithouwulai tea chaachou soukhai toua bukisasü puh sü shee-a bulai ae puhvei peishu alia mümai hai panou vipalai.

MAIPEI PHOUYU 6:8

Puhnou Nazir mai soua bukisasü puh hai Mapao hi sousheeloua peithouwure.

CHIKUAPEI MAITAO 11:30

Jephthah nou Mapao hi haibüa chachao soue - “Mapaowo Eye panou Ammon mai jünou reih veilouyu peilouzü,

CHIKUAPEI MAITAO 13:5

Nenou nahtou nasü nalouyu thai, puh pei bikhai toulai moe, daiolouzü nahpoutu naye nalouyu teithe hinou Ramai bah hi thaothoua panou Nazir mai ali soutalai; alia puhnou Israel maiye Philistin mai bah hinou khailupa peilai.”

1 SAMUEL 1:12

Hannah nou Mapao hi teile sholi veachi pao-a buyu sü Eli nou zhua nou bue.

1 SAMUEL 1:19

Thainesho shona sü Elkanah ae puhvei kihikha maitao nou kushuloua Mapao ye tholoua lah puletao vei Ramah nuhdu hisü dakhai tare. Süzhou khei Elkanah nou puh chapfü Hannah ye koa züe, ae Mapao nou honapai vei veachi sü noupeiwure.

1 SAMUEL 1:22

Ana zhouvu hai Hannah nou tamore, daiolouzü honapai nou puh chapu hisü haibüa paoe, “Nahtou nanou nao phalouzü Enou puhye saloua Mapao vei ki hi save peilai, ae puhye panou teisa sühinou puhvei kuvah soua bulai.”

1 SAMUEL 1:27

Enou nah hainaye donou puh hi veachi paoe, ae puhnou avei veachi sü noupeia Eye nahpoutu haina hai peie.

1 SAMUEL 1:28

Südonou chuo Enou nahpoutu hainaye sü Mapao hi popeiwe. Puhye panou hria bukisa sü Mapao vei kuvah panou soulai.” Süthaisü puletao nou Mapao ye buh sühinou tho-e.

1 SAMUEL 2:20

Süthaisü Eli nou Elkanah ae puh khapfü hi haibüa shiha peie, “Ne hainou Mapao hi popeikhai touyu nahpoutu haina thaosü Mapao ye panou naotupai haina vanou nahmai kukhe-a hrüpu louyu sü soulou theo.” Süthaisü puletao nou lah puletao ki hisü dakhai ve tare.