1 SAMUEL 1:1 - SHEEYU BAIBEL (BSI)

¹ Ephraim maivei deichi hinou nuhdu ali Ramah tea bue. Sühisü Elkanah tea kuyu maipou ali hrüe. Puh hai Ephraim mai khü hinou hrüveyu Zuph vei pfümounah-e. Puh sü Jeroham nahpoutue alia Elihu tyao-e.

1 SAMUEL 1:1 Iomraidhean Croise

1 VEMAITO 11:26

Veo Solomon ye aetou moa hraitayu hai mai ali bupu hie, puh hai puhvei khehinou peikhowo Nebat nahpoutu Jeroboam-e, puh hai Ephraim hinou Zeredah khü-e. Puh pfü hai mimeapfü ali baie, puh zhih sü Zeruah tea kuwe.

1 PUOPAOKO 6:12

Zadok, Shallum,

1 PUOPAOKO 6:22

Kohath vei tyaosholea maitao sü haitao-e: Amminadab, Korah, Assir.

1 PUOPAOKO 6:33

Rathoki hi lou souyu maitao ae puletao vei nahmai alia tyaomai taosü haitao-e: Kohath khü hinou, Joel nahpoutu Heman nou lou souyu me arai navei süthai-apei nasü sou-e. Puhvei puopaoh maitao hai Jakob hi khete haibüe: Heman, Joel, Samuel,

1 PUOPAOKO 6:34

Elkanah, Jeroham, Eliel, Toah,

MATHIU 27:57

Koukhe louyu kisü Arimathea hinou veyu Josef tea kuyu hanimai ali buh sühi tave-e, puh-a Jisu rozümai alie.

JOSHUA 24:33

Alia Aaron nahpoutu Eleazar-a thaitare, puhvei thaiphao hai Ephraim mai deichi hi buyu puhvei nahpoutu Phinehas ye depeiyu Gibeah nuhdu hinou vupeie.

CHIKUAPEI MAITAO 12:5

Ephraim mainou kacholou süyu Jordan rei buh teitei hisü Gilead mainou daloude. Tutayu Ephraim mainou “Eye panou rei kacholo” tea khoyu phaki, Gilead mainou puh hisü haibüa nouwe, “Ne Ephraim maiwu?” Puhnou “E Ephraim mai moe” tea paoyu phaki,

CHIKUAPEI MAITAO 17:1

Ephraim maivei teidei deichi nuh ali hinou hrüyu mai ali bue, puh zhih sü Mikah toue.

CHIKUAPEI MAITAO 19:1

Daoh teile hi Israel mai hai veo ha-a nou hrüe. Süphaki Ephraim maivei deichi thailo vanou hrüa buyu Levi mai ali nou Judah teidei hinou buyu Bethlehem nuh hinou khapfü ali saloue.

CHIKUAPEI MAITAO 4:5

Honapai nou Ephraim mai vei deichi hinou buyu Ramah ae Bethel kohi habe ali phinou chobua Israel mainou tave honapai hinou kabüyu kao-e touyu sü chikuwe.

RUTH 1:2

Puh zhih hai Elimelech toue, alia puh khapfü zhih hai Naomi toue, ae puh nahpoutu ahai zhihsü Mahlon ae Chilion touwe; puh kihikhamai hai Judah teidei Bethlehem nuh hinou Ephrath mai khüe, puletao nou Moab mai teidei hi ve hrüe.

RUTH 4:22

Obed nou Jesse puoe, alia Jesse nou David puoe.

1 SAMUEL 1:19

Thainesho shona sü Elkanah ae puhvei kihikha maitao nou kushuloua Mapao ye tholoua lah puletao vei Ramah nuhdu hisü dakhai tare. Süzhou khei Elkanah nou puh chapfü Hannah ye koa züe, ae Mapao nou honapai vei veachi sü noupeiwure.

1 SAMUEL 17:12

David hai Jesse nahpoutue, puh hai Judah teidei hi buyu Bethlehem nuhdu hinou Ephrath mai-e. Jesse hai nahpoutu acha bue, ae Saul nou veo soulouyu phaki, puh hai tsüpare.

1 SAMUEL 2:11

Süthaisü Elkanah nou lah puhvei Ramah nuhdu hisü dakhai tare, ana nahtou Samuel ye sü panou napao Eli khehinou Mapao vei kuvah soua bure.

1 SAMUEL 7:17

Süthaisü puhnou buyu Ramah nuhdu hi dakhai ve bue, ae puhnou buyu buh hia maikhe maivei chilou khesü kupeiwe. Ramah nuhdu hinou puhnou Mapao ye posheelabu ali soushu peie.

1 SAMUEL 9:4

Puhai nou deichiva buyu Ephraim maivei teidei sü tachopoa Shalishah teidei hi phouve-e, ana puhai nou rheisüh khesü ngaolou more. Südonou puhai nou Shaalim maivei teidei hia phouve-e, ana sühia ngaolou more. Süthaisü puhai nou Benjamin maivei teidei hia phouve-e, ana buh sühia phou hare.

1 SAMUEL 9:5

Puhai nou Zuph tea kuyu teidei hi veyu phaki, Saul nou koa salaiyu puhvei kilai na hisü paoe, “Khe, ahai ki hi dakhai ve-a bailaide she, sükumo louzü apuo hai rheisühtao donou tsü chomoa ahai donou do-a levea bulaire.”