1 JOHAN 5:6 - SHEEYU BAIBEL (BSI)

⁶ Jisu Khrista hai puhvei dzükhao dayu dzü ea puh athai vei zhe sünaye koa ve. Puhsü dzü likheiye koa vebai moe, ana dzü ea zhe ahaiye koa ve. Alia lah Rakonou-a haisü chekhaoe tea zhopaoh souwe, daiolouzü Rako hai cheche baie.

1 JOHAN 5:6 Iomraidhean Croise

EZEKIEL 36:25

Enou neletaoye sü sheeyu dzü nou poa kasho peilai ae neletaoye basharatao nou alia na kukhe nou souzhai khaitouyu khesü soushee peilai.

LEVIMAI LARÜBVÜ 17:11

Hrikhaona ali nou hria buyu hai zhe vanou baie, südonou Mapao nou souzhe hai maikhe maivei mahmo sü pota peiloure donou posheelabu hi lazü peio tea chikha peikhai toue. Zhe hai hrirai-e, mahmo khesü pota peilai.

ZEKHARIAH 9:11

Mapao nou paoe, “Neletao hai Eye koa zhe nou poa Vo soukhai touyu thaifüa, Enou neletaoye sü panou lahdo souloulai, dzü hayu raobvü hinou popa peiwulai.

MATHIU 26:28

daiolouzü haihai mah khaipeire mai alao donou küpa peiyu vo soukhaiyu Azhe nasüe.

MATHIU 3:16

Alia Jisu nou dzükhao dalou büyu thaisü dzü hinou tapa loure. Alia zhukhaio, raki sü puh hi houpa peire ea Ramai Rakonou khao büa kou puh pei hi taoyu sü puh nou ngaoe.

MARK 14:24

Alia puhnou puletao hi paoe, “Haihai mai alao donou küpa peiyu Vo soukhaiyu Azhe nasüe.

LUK NOU RÜYU KO AVEIBVÜ 22:20

Alia sübütoua vai süna toucheyu thaisü puhnou puletao hi pai nasü polapei-a paoe, “Neletaoye donou lapayu pai hainasü Azhe hinou paoshee souyu Ramai vei ashu vo nasüe.

JOHAN 14:17

Puh hai Ramai vanou achechena süngao peiyu Rako nasüe. Deiphao mainou puhye popei louhoe, daiolouzü sünanou puhye ngaomoe moa sümoe. Ana neletao louzü puhye süwe, daiolouzü puhnou neletaoye koa bue ea neletao lehi bue.

JOHAN 14:6

Jisu nou puh hi paoe, “Ludu nasüa, acheche nasüa, alia ahri nasüa E-e; Ahinou moa maita linoua Puohi vemoe.

JOHAN 15:26

“Ana Enou Puo hinou neletao hi seivepei laiyu, süolouzü Puo hinou velaiyu acheche Rako, soukha-apeionou veyu kisü puhnou Avanou zhopaoh soulai;

JOHAN 16:13

Ana cheche Rako sünanou veyu kisü, puhnou neletaoye acheche teiteihi süthaive peilai; daiolouzü puhnou lah puh mado hinou chi paolai moe, ana puhnou chouyu talisü puhnou paolai, alia puhnou neletao hi thaikhai veretao vanou paopa peilai.

JOHAN 3:5

Jisu nou chila peie, “Chichenou Enou nehi paowe, maita linou dzü hinou ea Rako hinou nalou molouzü, puhnou Ramai Vedei hi loulou hoe.

JOHAN 4:10

Jisu nou puh hi chila peie, “Nenou Ramai vei sa-apeina ea nehinou dzü khoyu puh hai thaohsa touyu süa buyu thaio nenou, puh hinou kholai, alia puhnou nehi hriyu dzü nasü peiloulai.”

JOHAN 4:14

ana Enou peilaiyu dzü süna külouyu mai taliwo reipukhai khailaimoe; Enou peilaiyu dzü sünasü puhvei lekhe hinou teisa hrire donou küpayu dzüla datalai.”

JOHAN 6:55

Daiolouzü Avasou hai touso chekhaoe, alia Azhe hai chekhaoa küloure nasüe.

SEI-ATAMAI VAHTAO 8:36

Alia puhai nou sükua ludu hinou takoua buyu hinou puhaisü dzü buyu buh alihi tave louloure, alia vasou datamai sünanou paoe, “Zhukhaio, haihi dzü bure! Eye dzükhao dapeire hinou khuyu dai bue?”

ROMMAI 3:25

Puhvei athai vanou puhye panou maikhe mainou puhye lüyu vanou puletao mah khailu peire bo nasü souloure donou Ramai nou puhye sü thoupeire. Ramai nou puh hai chechebaie touyu ngaopeire donou haisü soubaie. Raikiwo puh hai shamea-a ea maikhemai mahsü ngaomo kheikheisoua bubaie;

EPHESAMAI 1:7

Daiolouzü Khrista nou thaipeiyu vanou, Eletaoye do soupeire, süolouzü Eletao vei mahsü khaipeire. Ramai vei zhuvea hai daizhozhou dusa,

KOLOSSEMAI 1:4

Daiolouzü Ehnou Khrista Jisu hi neletao vei lü buyu ea Ramai vei mai hrülaiye neletao nou leshiyu sü chouloure.

1 TIMOTHI 3:16

Alia Eletao rahrü zhaivei kheitsüna hai daizhozhou dusa touyu sü maitalinoua balouhoe; süolouzü: Puhsü emai zhu hinou ve ngaopeie, Rako hinou puhye sü souzüpeie, alia rakivamaitao nou puhye sü ngaoe. Puh vanou tahrüh khemai hrohi paodoue, deiphao buh liki hinou puhye sü loucheloue, alia puhye sü rakihi pokhere.

TITA 3:5

puhnou Eletaoye khailu peire. Süsü lah Eletao nou acheche vah tali souwuyu vanou moe, ana lah puhvei zhuvea vanou baie. Puhnou Eletaoye Rako Mashi vanou khüshee peiwu-a puh vanou Eletao hi nashu louyu ea hrü ashu peiwuyu vanou khailupeie.

EBRIAMAI 10:29

Sükuyu thaisü, kazhou koute shiyu tudeisü Ramainah Poutuye ngaorayu, alia puhye mah hinou soushee peiyu vo navei zhe sünaye souzhaiwuyu, alia zhuvea vei Rakoye sou ahrao peiyu mai sünanou ngaozüe tea nenou chowe?

EBRIAMAI 12:24

Neletao sü vo ashuna vei kolelou-apeio Jisu hi ea Abel zhe jünou zhuvea koushoa chipaoa buyu vurao khaitouyu zhe hi tave louloure.

EBRIAMAI 13:20

Puhvei posheelayu athai süna vanou teisa vei vo sünaye paoshee souyu, zhaotao vei Zhaokho-apeio Aduna, Eletao Mapao Jisu ye sü Ramai nou athai hinou souhrishu peire.

EBRIAMAI 9:14

daizhozhou koua teisa halouho Rako vanou puh lah chaalia ha-a Ramai hi popeiyu Khrista zhenou Eletao vei lekhetsü nasü athai vahtao hinou hriyu Ramai kuvah souloure donou soushee peilaisa.

EBRIAMAI 9:7

ana Napao Peichana likhei kikha levai sahpaona hisü loubaiwe, alia puhnou sühi louyusü potei hinou lüh likhei loubaiwe. Alia lah puhye donou ea maikhe mainou sükhaimoa souyu mahtao donou puhnou Ramai hi sheelayu zhe süna pomoa hakia sühi talouwumoe.

1 PITAR 1:2

Neletaoye Puo, Ramai puhvei aroh thaifüa doloure, alia Jisu Khrista chi panou züloure donou ea puh zhenou soushee peiloure donou neletaoye puhvei Rakonou sheeyu maitao soupeire. Zhuvea ea kaonayu alaosou neletao pei hi buyu sü souloukhaio.

1 PITAR 3:21

süsü chu neletaoye khailu peiyu dzükhao dayu sünavei nada alie. Sünasü vasou hi hai khükouyu süna moe, ana süsüwo peikhao leikei-a Ramai hi apaokhai touyu alie. Sünanou neletaoye Jisu Khrista hrishu louyu vanou khailupeie.

1 JOHAN 1:7

Ana puhnou avahi buyu büa, Eletao nou ava hinou hrüa bulouzü, süthaisü Eletao sü alinou liye koa meime zholoure, alia puhnah Poutu, Jisu vei zhenou Eletaoye mah teitei hinou soushee peiwure.

1 JOHAN 4:10

Leshisü haire: haihai Ehnou Ramaiye leshiyu vanou moe, ana puhnou Eletaoye leshi peiyu vanoue ea Eletao mah khailu peiloure bo nasü souloure donou puh Nahpoutuye seive peire.

PONGAOPEIYU 1:5

alia cheche zhopaoh, athaimai hrohinou rairaikaia hrishu louyu ea deiphao vemaitao pei hi akhona Jisu Khrista hi nou zhuvea ea kaonayu sü neletao hi buyu souloutheo. Puhnou Eletaoye leshie, alia puhvei posheelayu athai nanou puhnou Eletaoye Eletao vei mah hinou do soupeire,

PONGAOPEIYU 5:9

Alia puletao nou haibüa ashu lousü souwe: “Newo larübvü süna poyu ea sünavei paosheetao hapayu züdoue. Daiolouzü neye sü southeare, alia khü, la, mai ea tahrüh liki hinou maikhe maiye ne zhenou Ramaiye donou hrüloue.

PONGAOPEIYU 7:14

Enou puh hi chila peie, “Dou-apeio, nenou süwe.” Alia puhnou Ahi paoe, “Mai haitaosü ngaopishoyu veahoyu hinou palouyu maitaoe. Puletao nou puletao vei zao aduna taosü shaowu-a sütaosü zhaotu zhenou soukaare.