1 JOHAN 5:20 - SHEEYU BAIBEL (BSI)

²⁰ Eletao nou süwe süolouzü Ramai Nah Poutusü velou loure ea Eletao nou checheyu Ramaiye sü süloure donou Eletao hi süloure tsü nasü peiwure. Alia Eletao sü checheyu Ramai puhye koa buloure, süolouzü Puhnah Poutu Jisu Khristaye koa alisoua buloure. Puhsü checheyu Ramai ea teisa ahri nasüe.

1 JOHAN 5:20 Iomraidhean Croise

ISAIAH 44:6

Mapao, Israel maivei Veo ae Khailupa-apeio, Khoukhoulai Mapao Ramai nou haibüa paoe, “Enou arai nasüe ae akhai na-a E baie, E baimoa ramai kukhe ali-a ha-e.

ISAIAH 54:5

Daiolouzü neye Sou-apeio sünou nevei maipou ali büa sabu peilai, Khoukhoulai Mapao touyu sü puhvei zhih-e. Sheeyu Israel maivei Ramai nou neye sü khailupa peilai, puh hai deiphao teitei vei Ramai nasüe.

ISAIAH 9:6

Daiolouzü Etao hi nahtou ali napeie; Nahpoutu ali Etaoye peie! Ae puhnou Etao pei khopu soulai. Puh zhih sü “Khupa shoyu Soukha-apeio,” “Khoukhoulai Ramai,” “Teisa ahri Puo,” “Kaonayu Veo nahpoutu” tea kulai.

JEREMIAH 10:10

Ana Mapao louzü checheyu Ramaie; Puh sü hriyu Ramaie ae teisa vei veo nasüe. Nenou lekha payu phaki deiphao hai nüsü vewe; ae nenou rarouyu kisü deiphao mainou lalou hoe.

JEREMIAH 23:6

Puhnou veo souyu kisü, Judah hi maitao sü kaozhou vei-a buloulai, ae Israel mai-a kaona-a bulai. Puh zhih sü ‘Mapao hai Etaoye Khailupa-apeio’ tea kulai.”

MATHIU 13:11

Alia puhnou puletao hi chila peie, “Raki Vedei vei kheitsü hai neletao hiwo peiwure, ana puletao hiwo peimoe.

LUK NOU RÜYU KO AVEIBVÜ 21:15

daiolouzü neletao vei ngaobamai taonou motoulou hoyu moa veivalou hoyu chipaotao ea ratsü sü Enou neletao hi peilai.

LUK NOU RÜYU KO AVEIBVÜ 24:45

Sükisü puletaoye panou sheeyu larübvü taosü süloure donou puhnou puletao vei tsü kikhusü houpeire,

JOHAN 1:18

Maitalia Ramaiye ngaokhai mohie; Puo ngheikinou buyu likhuyu Nahpoutu puhnou Ramaiye süngao peire.

JOHAN 10:30

E alia Puosü alibaie.”

JOHAN 14:20

Teithe sükisü, Esü Apuohi bue, neletaosü Ahi bue ea Esü neletao hi bue touyusü neletao nou sülai.

JOHAN 14:23

Jisu nou puh hi chila peie, “Maita linou Eye leshi louzü, puhnou Achipaosü zülai, alia Apuonou puhye leshilai, alia Apuo ea Enou puh hi taveloua puhye koa kilinou hrüzholai.

JOHAN 14:6

Jisu nou puh hi paoe, “Ludu nasüa, acheche nasüa, alia ahri nasüa E-e; Ahinou moa maita linoua Puohi vemoe.

JOHAN 14:9

Jisu nou puh hi paoe, “Pha haisoso Enou neletaoye koa bukhaia, ne Eye sümo hiwu Philip? Eye ngaolouyu puhnou Puoye ngaoloure; sütou louzü, nenou kakua, ‘Puoye sü Eh hi ngaokhaio’ tea paowe?

JOHAN 15:4

Ahinou tobai soumoa bulo, alia Enou neletao hi tobai soumoa bulai. Bo talinou bejü hi tobaisoumoa taomo louzü rashi shilou hoyu kua, neletao-a Ahinou tobai soumoa bumo louzü rashi shilou hoe.

JOHAN 17:14

Enou puletao hi ne chipao nasü peire; alia deiphao mainou puletaoye ngaorae daiolouzü E hai deiphao hinou moyu kua puletao-a deiphao hinou moe.

JOHAN 17:25

O! Checheyu Apuo! deiphao mainou neye süloumoe, ana Ewo neye süe, alia nenou Eye seivepeie touyu sü mai haitaonou süwe.

JOHAN 17:3

Alia puletao nou alikhei baiyu acheche Ramai neye süyu, alia nenou seiveyu Jisu Khrista puhye süyu sünanou teisa ahri nasüe.

JOHAN 20:28

Thomasnou puh hi chila peie, “A Mapao ea A Ramai!”

JOHAN 8:42

Jisu nou puletao hi paoe, “Ramai hai neletao Puo toulouzü, neletao nou Eye leshiwulai, daiolouzü Ehai Ramai hinou ve ea chuo Esü buh haihinou bure. Enou Amadonou velou moe, ana puhnou Eye seivepeie.

SEI-ATAMAI VAHTAO 20:28

Südonou lah neletao-a leikeilo ea Rako Mashinou neletaoye panou pei-akhomai soupeire donou neletao bah hi thoupeikhai touyu zhaokho me teiteiye zhutoulo. Ramai nou lah puh Nahpoutu zhe vanou hrülouyu puhvei lüloumaime pei-akhomai souloukhaio.

ROMMAI 9:5

puletao hai zhih tashoyu Ebria puo-paomaitao hilonou ve; alia Khrista hai emai ali soua puletao vei tahrüh hinou ve. Ha teitei pei hi khoa buyu Ramai puhye teisanou paosholou khaio! Amen.

1 KORINTHMAI 1:30

Ana Ramai nou neletaoye panou Khrista Jisu ye koa ali souloure, alia Ramai nou Khristaye Eletao vei ratsüna soupeire. Puh vanou Eletaoye sü Ramaiye koa souzü peire; Eletao sü Ramai vei sheeyu maitao souloure ea Eletaoye sü do soupeire.

2 KORINTHMAI 4:6

Khrista vei zhu hinou va-a buyu Ramai vei khouko ava navei tsü nasü Eletao hi pove peire donou, “Teizhi hisü ava nanou valoutheo,” tea paoyu Ramai puhsü Eletao lekhehi puhvei avanou vapeiyu Ramai puh baie.

2 KORINTHMAI 5:17

Südonou maitalinou Khrista hi buloure toulouzü, puhsü basha ashu datare; aku nasü tare, zhukhaio, ashu nasü vere.

EPHESAMAI 3:18

sübüa neletao nou Ramai vei mai hrülaiye koa Khrista vei leshihai daizhozhou du-shosa ea daizhou kusa ea thousa touyu süloure khouko buloure donoue.

PHILIPPIMAI 3:9

alia sübüa souyu sü puhye koa alikhei souloure donoue. Razhai zülouyu vanou ngaolouyu lah Ahrümai chechena hare; ana chuo Ramai hinou veyu ea lü hinou soushu louyu Khristaye loucheyu vanou peikhai touyu Ahrümai chechena bue.

1 TIMOTHI 3:16

Alia Eletao rahrü zhaivei kheitsüna hai daizhozhou dusa touyu sü maitalinoua balouhoe; süolouzü: Puhsü emai zhu hinou ve ngaopeie, Rako hinou puhye sü souzüpeie, alia rakivamaitao nou puhye sü ngaoe. Puh vanou tahrüh khemai hrohi paodoue, deiphao buh liki hinou puhye sü loucheloue, alia puhye sü rakihi pokhere.

TITA 2:13

sübüa Eletao nou dushoyu Eletao Ramai ea khailu-apeio Jisu Khrista nou khouko-ava hinou velaiyu süolouzü Eletao nou rei-a buyu rako avei Teithe süna sü kho-a bulai.

EBRIAMAI 1:8

Ana Nah Poutu vanou Ramai nou haibüa paoe: “Nevei vedeiwo, Oh Ramai, khainou khaikoute bulai! Nenou nemaitaoye sü acheche sünou tukha-a hrüwe.

1 JOHAN 2:23

Daiolouzü Nah Poutuye bayu maitalinou Puoye-a babaiwe; Nahpoutuye popeiyu puhnou Puoye-a popeiwe.

1 JOHAN 2:24

Südonou shuraikinou neletao nou choulouyu chipao nasü neletao lekhehi pokhai vuzüloukhaio. Neletao nou chipao süsü pokhaire toulouzü, süthaisü neletao nou Nah Poutu ea Puoye koa alikheisoua teisanou hriloulai.

1 JOHAN 2:6

Ramai hinou tobai soumoa bue tea paoyu puhnou Jisu Khrista nou hrüyu bütoua hrüvu zülai.

1 JOHAN 4:14

Alia Eletao nou ngaoloua zhopaoh souwe süolouzü Puo nou puhnah Poutuye deiphao vei khailu-apeio soupeire donou seive.

1 JOHAN 4:16

Südonou Eletao nou Ramai nou Eletaoye donou leshi buyu nasü süwe ea louchewe. Ramai hai leshina baie, alia leshi hinou tobai soumoa buyu puhsü Ramai hinou tobai soumoa bue, alia Ramai sü puh hi tobai soumoa bue.

1 JOHAN 4:2

Haibüyu vanou neletao nou Ramai vei Rakoho Rakomoe touyu sü süloulai süolouzü: Jisu Khrista hai vasou hilonou ve-e tea dua paopayu rako hrülaisü Ramai hinou ve-e.

1 JOHAN 5:1

Jisu hai Khristae tea loucheyu mai hrülaisü Ramai nah-e, alia puoye leshiyu maitalinou puh nahye-a leshiwe.

1 JOHAN 5:15

Eletao nou puh hi khoyutsü hisü puhnou Eletaoye keipeie; alia haisü cheche-e touyu sü Eletao nou sü-a buyu donou, Eletao nou puh hinou khoyu sü puhnou Eletao hi peie touyu süsü-a Eletao nou süwe.

1 JOHAN 5:18

Eletao nou süwe süolouzü Ramai hinou nalouyu maitalinou mah soua bumoe; daiolouzü Ramai Nah Poutuwo nou puhye sü khotoupeia bue, alia ashi nanou puhye sü soushi louhoe.

1 JOHAN 5:5

Deiphaoye thaohnou kolousüe? Jisu hai Ramai Nahpoutue tea loucheyu mai süna likheinou kolousüe.

PONGAOPEIYU 15:3

alia puletao sü Ramai kilai Moses vei lou ea Zhaotu süna vei lousü soua bue: “Khoukhoulai Ramai Mapao, nevei vahtaosü daizhozhou dusa ea khupasa! Oh tahrüh khemaitaopei Veo, nevei ludutaosü daizhohou kaozüsa ea chechesa!

PONGAOPEIYU 19:11

Süthaisü Enou rakisü houpa khaitoua ngaoe, alia zhukhaio, sühisü rhei kaali bue. Rhei sünaye pfüa laiyu puh zhihsü Louchelou-aveio ea Checheo tea kuwe. Acheche hinou puhnou chikuwe ea reih züwe.

PONGAOPEIYU 3:14

“Laodikia hi buyu lüloumaime vei rakivamai na hi rükhaio: “Chi haisü acheche ea chekhaoyu zhopaohsouwo, Ramai nou soukhai touyu teiteivei beihna, Amen puhvei chipaoe.

PONGAOPEIYU 3:7

“Philadelphia hi buyu lüloumaime vei rakivamai nahi rükhaio: “Chi haisü mashee ea checheyu puhvei chipaoe. David vei khareih sü puh hi bue, alia puhnou kikhu houpawu louzü, süsü maitalinoua khulouhoe, alia puhnou süsü khuwu louzü, süsü maitalinoua houpa louhoe.

PONGAOPEIYU 6:10

Puletao nou shusou shaloua, “Mashee ea acheche, Khoukhoulai Mapao! Deiphao hinou hrüa buyu maikhe maitao pei hi nenou chikumojü ea Akhemai zhevei khü phoumojü teile kasho doua bulaihie?”