1 JOHAN 5:19 - SHEEYU BAIBEL (BSI)

¹⁹ Eletao hai Ramai veie touyu sü Ehnou süwe, alia deiphao teiteiwo Ashinavei khakhe hinou bue.

1 JOHAN 5:19 Iomraidhean Croise

LUK NOU RÜYU KO AVEIBVÜ 4:6

alia haibüa puh hi paoe, “Haitao teiteivei ea kini veishisü Enou nehi peilai, daiolouzü haitao teiteisü Ahi thoupeiwure, alia sünasü Enou peinüyu mai talihi peilou süe.

JOHAN 12:31

Chu deiphao hainaye chikure pha nasüe, chuo deiphao hainavei paopuye hutawulai.

JOHAN 14:30

Enou neletaoye koa phaso chipha khailai moe, daiolouzü deiphao hainavei paopusü laire. Puhnou Apei hi soure khouko hae;

JOHAN 16:11

chikuyu vanou louzü, deiphao hainavei paopuye chi kuwure.

JOHAN 17:15

Enou puletaoye deiphao hinou potapeiwo tea nehi veachi paomoe, ana puletaoye ashina hinou khotou peiwo tea nehinou khowe.

ROMMAI 8:16

Ramai Rako puh lahnou Eletao rakoye koa lou Eletao hai Ramai nahtaoe touyu sü zhopaoh souwe.

2 KORINTHMAI 1:12

Ehnou khaophu souyu qowo louzü, Ehnou deiphao hinou hrüa buyu haina hai, koulih soua Ehnou neleye koa sa-pa soua hrüyu hai Ramai hinou leishoa ea sheetoua, deiphao vei tsü hinou moa Ramai vei zhuvea khouko vei khakhe hinou hrübaie touyu sü Ehvei lekhetsü nanou zhopaoh souwe.

2 KORINTHMAI 4:4

Puletao nou louche moe, daiolouzü deiphao haina vei rashi nanou puletao tsüsü teizhi hinou bengi khaire. Puhnou puletaoye sü Ramai zhu raitouyu Khrista vei khouko ava vei Ko Aveina hinou veyu ava sünaye ngaolou more donou pokhaire.

2 KORINTHMAI 5:1

Daiolouzü Eletao nou hrüa buyu sahpao haina hai—deiphao hi Eletao pfüphao haina sü souhawu louzü, bahnou soumoyu, teisanou rakinou bubaiyu Eletao vei ki ali Ramai hinou bue touyu sü Ehnou süwe.

GALATIAMAI 1:4

Eletaoye zhodo maikha ashi haina hinou khaipa peire donou, Eletao Ramai ea Puo puhvei li-choyu thaisü füa Khrista puh lahnou puhye sü Eletao vei mah donou thoupeiwure.

EPHESAMAI 2:2

Süpha kisü neletaosü deiphao hi ashi luduna thaifüa tae; Ramai chi zübayu maitaoye chu tukha-a buyu rako, rateihi buyu rako hilo khoukotaovei peichana chi sü neletao nou züwe.

2 TIMOTHI 1:12

alia sübüyu donou Enou veayu haitaosü dao-a bue. Ana Ewo ahraomoe, daiolouzü Enou loucheyu puhye sü Enou süwe, alia puhnou Ahi lüthou peikhai touyu nasü teithe süki koute puhnou khopei lousüe tea Enou louchewe.

TITA 3:3

Daiolouzü lah Eletao-a teileli hisü voe, paoyu zübae ea madae. Eletao sü vasou züpa ea deiphao hi va-sayu tyatyali vei qilatao soue. Eletao sü maiye ngaoba-ngaorai-a hrüe; mai kukhenou Ehye ngaobae ea Ehnou-a puletaoye ngaobae.

JEMS 4:4

Cheche moyu maikhe maitao! Deiphaoye samai souyu hai Ramaiye ngaobayuna baie touyu sü neletao nou sümowu? Deiphaoye samai sounüyu maitalisü puh lahnou Ramai vei ngaobamai soulouwe.

1 JOHAN 3:14

Eletao nou süwe süolouzü Eletao hai athaina hinou tacho paloua ahri nahi velou loure, daiolouzü Eletao nou Eh thaihou jüraimaiye leshiwe. Leshi moyu maitalisü athaina hinou tobai soumoa bue.

1 JOHAN 3:24

Ramai chikha züyu mai hrülai nou Ramaiye koa ali soua hrüwe ea Ramai nou puhye koa ali soua hrüwe. Alia Ramai nou Eletao hi peikhai touyu Rako süna vanou Eletao nou süwe süolouzü Ramai nou Eletaoye koa ali soua hrüwe.

1 JOHAN 5:10

Südonou Ramai Nah Poutuye loucheyu mai talisü lah puh lekhehi zhopaoh hainasü bue; ana Ramaiye louche moyu mai talinou puhye sü dayumai soupeire, daiolouzü Ramai nou puhnah Poutuwo vanou paoyu sü puhnou louche peimoe.

1 JOHAN 5:13

Neletao nou neletao hai teisa ahri bue touyu süloure donou Enou haisü Ramainah Poutu zhih hi louche-a buyu neletao hi rüwe.

1 JOHAN 5:15

Eletao nou puh hi khoyutsü hisü puhnou Eletaoye keipeie; alia haisü cheche-e touyu sü Eletao nou sü-a buyu donou, Eletao nou puh hinou khoyu sü puhnou Eletao hi peie touyu süsü-a Eletao nou süwe.

1 JOHAN 5:18

Eletao nou süwe süolouzü Ramai hinou nalouyu maitalinou mah soua bumoe; daiolouzü Ramai Nah Poutuwo nou puhye sü khotoupeia bue, alia ashi nanou puhye sü soushi louhoe.

1 JOHAN 5:20

Eletao nou süwe süolouzü Ramai Nah Poutusü velou loure ea Eletao nou checheyu Ramaiye sü süloure donou Eletao hi süloure tsü nasü peiwure. Alia Eletao sü checheyu Ramai puhye koa buloure, süolouzü Puhnah Poutu Jisu Khristaye koa alisoua buloure. Puhsü checheyu Ramai ea teisa ahri nasüe.

PONGAOPEIYU 12:9

Alia deiphao teiteiye layu Rashina moa Saitan tea kuyu, nghou tsüna, dushoyu zai nghoudu sünaye sü polai koure. Puhye sü puh vahmaitao hrülaiye koa deiphao hi polai koure.

PONGAOPEIYU 20:3

Rakivamai sünanou puhye sü akhai hayu raobvü hi polaithoure, alia haibüa puhye panou po theli chemosa koutesü tahrüh khemaitaoye lalou more donou buh sühinou khareih thoungiwu-a süna phaovanou paoshee nore. Süthaisü phajü donou puhye sü phapei-vuzü khailai.