1 JOHAN 5:18 - SHEEYU BAIBEL (BSI)

¹⁸ Eletao nou süwe süolouzü Ramai hinou nalouyu maitalinou mah soua bumoe; daiolouzü Ramai Nah Poutuwo nou puhye sü khotoupeia bue, alia ashi nanou puhye sü soushi louhoe.

1 JOHAN 5:18 Iomraidhean Croise

LOUTAO 119:101

Veimoyu zhaidou veishi sü Enou thaokhaiwure, daiolouzü Enou nevei chipao khesü züyu hai jüpa-e.

LOUTAO 119:3

Puletao hai kaomoyu vah haso ali-a soumoe; puletao nou Mapao vei ludu hinou ta-a baiwe.

LOUTAO 17:4

Mai kukhemai büa Enou chila shi sü raomoe; Enou nevei chikha sü züloure, ae ashi mainou tayu ludu nasü thaowure.

LOUTAO 18:23

E mah ali-a hai-e touyu puhnou süwe, ae kaomoyu vah haso aliro Enou soumoe.

LOUTAO 39:1

Enou paoe, “Avei müli ye panou chi pao mah more donou E soutaosoua nou hrülai; mai ashi mainou anghiki buyu phaki E chi ali koute-a raolai moe.”

TSÜCHITAO 4:23

Nevei tsüle hai tsüreia khailo, daiolouzü sühinou ahri dzünghou küpawe.

LEVIMAI LARÜBVÜ 11:37

Hakinou thaiphao na hai poa vuthoure thoutai hi delouyuma thoutai louzü shee-a bailai.

MATHIU 5:37

Ana nenou paoyu taosü laboua ‘Ae’ moa ‘Moe’ tea paobaiwo; süpeinou paopuyu taosü Ashina hinou vebaie.

MATHIU 6:13

Alia Ehye athaohi süthailou peiwuso, ana Ehye ashina hinou vupapeio.’ (Daiolouzü Vedei, khouko ea khouko avasü teisanou neveie. Amen)

JOHAN 1:13

Puletao nalouyu haiolouzü zhe hinoua, vasounou li-choyu hinoua, moa mainou li-choyu hinoua moe, ana Ramai hilonoue.

JOHAN 14:30

Enou neletaoye koa phaso chipha khailai moe, daiolouzü deiphao hainavei paopusü laire. Puhnou Apei hi soure khouko hae;

JOHAN 15:4

Ahinou tobai soumoa bulo, alia Enou neletao hi tobai soumoa bulai. Bo talinou bejü hi tobaisoumoa taomo louzü rashi shilou hoyu kua, neletao-a Ahinou tobai soumoa bumo louzü rashi shilou hoe.

JOHAN 15:7

Neletao nou Ahi tobai soumoa bulouzü ea Achipao taosü neletao hi tobai soumoa bulouzü, neletao nou züpayu tali khokhaio, alia sünasü neletao donou soupeilai.

JOHAN 15:9

Apuonou Eye leshi peiyu kua, Enou neletaoye leshi peire; Avei leshi hinou tobai soumoa bulo.

SEI-ATAMAI VAHTAO 11:23

Puhnou tavekhaie Ramai vei zhuvea nasü ngaoloua puhsü lesasho loure; alia puletao le teiteinou cheche-a Mapao hinou tobai soumoa buloure donou puhnou puletao hrülaiye soutaosoua süpeie.

JEMS 1:18

Puhvei leli hinou Eletaoye panou puhvei hrikhaona teitei hronou raikaiyu shithoutao soure donou acheche vei chipaona vanou puhnou Eletaoye panou veloure.

JEMS 1:27

Puo Ramai nghojünou sheetouyu ea zhaikhai moyu rahrüzhai sünawo louzü, vearounaye ea meamaipfütaoye puletao vei veahoyu hi tave zhupeiyu, alia mailinou lah puhye deiphao nou soushi peiwure hinou chaalia taomoa bulouyu sünasüe.

1 PITAR 1:23

Daiolouzü hriyu ea teisa halou hoyu Ramai chipao vanou neletaosü hakalou veiyu thoutai hilonou moa hakoulou hoyu thoutai hilonou nashu loure;

1 JOHAN 2:29

Puh hai chechewe touyu hai neletao nou sülouzü, cheche vah soua buyu maitalisü Ramai nahbaie touyu sü neletao nou süvuzülai.

1 JOHAN 3:12

Eletaowo Kain büwu laimoe; puhsü Ashina hinou ve ea lah puh thaihou Abelye southeare. Daidonou Kain nou puhye southea-e? Daiolouzü lah puhvei vahtaosü ashina baie, ana puh thaihou nou souyu taosü chechewe.

1 JOHAN 3:3

Khrista nou sheeyu donou puh hi areih haina buyu mai hrülai nou lah puhye shee-a khailouwe.

1 JOHAN 3:9

Ramai hilonou nalouyu maitalinou mah soua bumoe, daiolouzü Ramai vei zhai vuzü nasü puh hi bue; alia Ramai hai puh Puo baiyu donou, puhsü mah soua bulouhoe.

1 JOHAN 4:6

Ana Eletaowo Ramai hinou ve. Ramaiye süyu maitalinou Eh chi keipeiwe, alia Ramai hinou vemoyu maitalinou Eh chi keipei moe. Südonou hai vanou Eletao nou acheche vei Rako ea kao-zümoyu vei rakoye sü sükulouwe.

1 JOHAN 5:1

Jisu hai Khristae tea loucheyu mai hrülaisü Ramai nah-e, alia puoye leshiyu maitalinou puh nahye-a leshiwe.

1 JOHAN 5:15

Eletao nou puh hi khoyutsü hisü puhnou Eletaoye keipeie; alia haisü cheche-e touyu sü Eletao nou sü-a buyu donou, Eletao nou puh hinou khoyu sü puhnou Eletao hi peie touyu süsü-a Eletao nou süwe.

1 JOHAN 5:19

Eletao hai Ramai veie touyu sü Ehnou süwe, alia deiphao teiteiwo Ashinavei khakhe hinou bue.

1 JOHAN 5:20

Eletao nou süwe süolouzü Ramai Nah Poutusü velou loure ea Eletao nou checheyu Ramaiye sü süloure donou Eletao hi süloure tsü nasü peiwure. Alia Eletao sü checheyu Ramai puhye koa buloure, süolouzü Puhnah Poutu Jisu Khristaye koa alisoua buloure. Puhsü checheyu Ramai ea teisa ahri nasüe.

1 JOHAN 5:21

Leshiyu Anah khe maitao, neletao lahnou bashara hinou tarei talo!

1 JOHAN 5:4

daiolouzü Ramai hinou nalouyu mai hrülainou deiphaoye koloue. Alia Eletao lü vanou Eletao nou deiphaoye kolouwe.

JUD VEI SEIKO 1:21

alia neletao nou neletaoye teisa ahrihi pove peire Eletao Mapao Jisu Khrista vei zhuvea zhia buyu hinou, neletao lah Ramai leshi hinou bulo.

JUD VEI SEIKO 1:24

Neletaoye kao-dulaiyu hinou khopeilou süyu ea neletaoye chaa ha-a ea sasa-a dushoyu Puh nghojühi pove peilou süyu Puh hisü —

PONGAOPEIYU 2:13

Nenou hrüa buyu buh sü Enou süwe, sühisü Saitan vei vebuh bue. Newo Azhih hinou cheche-a bue, alia Avei cheche zhopaoh sou-apeio Antipas ye Saitan nou buyu buh sühinou southeayu ki koutea newo Ahi lüa buyu hai hakia thaokhai moe.