1 JOHAN 5:16 - SHEEYU BAIBEL (BSI)

¹⁶ Ne thaihou jüraimai alinou thailou veiyu mah moyu mahli soua buyu sü nenou ngaolouzü, nenou Ramai hi veachi paopeilai, alia puhnou puh hi ahrisü peilai. Haisü thailou veiyu mah soumoyu puletaoye donou paobaie. Ana thailou veiyu mah bue, alia süvanou nenou Ramai hi veachi paolai tea Enou paomoe.

1 JOHAN 5:16 Iomraidhean Croise

SHURAI 20:17

Süthaisü Abraham nou Ramai hi veachi paopeia Ramai nou Abimelek ye souvei peie, alia puh chapfü, puh qila maipfü hrülai-a souvei peia panou tounah hrüloure.

SHURAI 20:7

Ana chuo mai chapfü sü maipuo hi dakhai peio, daiolouzü puh hai rachipaolayu mailie alia neye panou thaimore donou puhnou neye veachi paopeilai. Ana nenou naotupaiye lukhai peimo louzü, ne alia nevei mai hrülaiye sü southa khai bailai touyu sülo.”

LOUTAO 106:23

Ramai nou puhvei maitaoye souha laire tea buyu phaki, puhnou dopa louyu puhvei kilai, Moses nou Ramai nghoujü hinou laloure, ae puhvei lekha rarou nou puletaoye souhalai tea buyu nasü ngichao loure.

TAPALOUYU 34:9

Alia puhnou paoe, “Oh Mapao, nevei nghingao hinou E hai nevei zhuvea bulouzü, Eye koa tapeio. Mai haitao hai maichi mairo choubayu mai baie, ana Etao vei ashi ae mah khesü khaipeio, alia Etaoye nevei mai soua popeio.”

JEREMIAH 11:14

Jeremiah, mai haitao donou ahi veachi paoso, moa puletao thaosou-a ahi halia khoso. Puletao nou veahoyu vedao-a ahinou soukha khoyu teile hisü, Enou kei peilai moe.”

JEREMIAH 14:11

Mapao nou ahi paoe, “Mai haitaoye soukha peio tea ahi khosouo.

JEREMIAH 7:16

Mapao nou paoe, “Jeremiah, mai haitao donou veachi paoso. Puletaoye donou kraso moa veachi paokhasou; puletaoye donou halia ahinou khoso, daiolouzü nenou kho-a buyuma Enou kei peilai moe.

EZEKIEL 22:30

Kivo nasü souloure donou mailia buhasa tea Enou zhu-e, kivo pepo tayu hinou laloua teidei hai nasü avei lekha rarou hinou vupa loure maiye Enou phou-e ana Enou mai ali-a ngaolou more.

MAIPEI PHOUYU 12:13

Südonou Moses nou kra-a Mapao hi paoe, “Oh Ramai, honapaiye sü souvei peio!”

MAIPEI PHOUYU 15:30

Ana mai talinou süa nou mah soulouzü, puh sü Israel maiyuma moa shetu maiyuma Mapao ye ngaophou moa souyu donou puhye sü southawulai.

LUK NOU RÜYU KO AVEIBVÜ 12:10

“Alia Mainah Poutuye paoshiyu mai taliye sü khaipeilai; ana Rako Mashiye paoshiyu puhye sü khaipei laimoe.

JOHAN 17:9

“Enou puletao donou veachi paowe. Enou deiphaomai donou veachi paomoe ana nenou Ahi peikhai touyutao donou paobaie, daiolouzü puletaosü nevei baie.

2 TIMOTHI 4:14

Alekjandar hukuyu nanou Ahi alaosou souha-ka peiwure: Mapao nou puh hisü puhnou souyu thaifüa pao rüpeilai.

1 JOHAN 5:17

Soumahyu teitei hai mah-e, ana thailou veiyu mah moyu-a bue.

1 SAMUEL 12:19

ae puletao nou Samuel hi paoe, “Zhuvea nou Etaoye donou nevei Ramai Mapao hi veachi paopeia panou Etaoye thaiso, daiolouzü Etao nou mah alao souyu pei hisü nou Etao hi veo peio tea kho-a mah southou puwure touyu sü Etao nou süloure.”

1 SAMUEL 2:25

Mai ali nou mai ali pei hi mah souyu hai-o Ramai nou vupa peilou süe, ana mai ali nou Mapao pei hi mah soulouzü, puhye sü thaonou vupapei lousüe?” Ana puhai puo nou paoyu chi sü zübare, daiolouzü puhaiye souhare donou Mapao nou lela loure.