1 JOHAN 5:14 - SHEEYU BAIBEL (BSI)

¹⁴ Eletao sü Ramai nghojünou khuvei-a bue, daiolouzü Eletao nou süvuzüe süolouzü puh leli thaifüa hatali Eletao nou puh hinou kholouzü puhnou Eletaoye keipeie.

1 JOHAN 5:14 Iomraidhean Croise

1 VEMAITO 3:12

nenou khoyu nasü Enou ne hi peilai. Raichoki hrüa buyu maitao alia haithai naki hrüve laiyu maitao jünou la-a Enou neye sü ratsü ae tsüdo aveih hai peilai.

JOB VEI LARÜBVÜ 34:28

Puletao nou toure hamaiye soukrayu pai sü Ramai hi chou khere, alia puletao nou soukha peio tea khoyu pai sü puhnou kei peie.

LOUTAO 145:19

Puhye tsükhoua buyu maitaoye sü puhnou puletao vei jüpa na khesü peie; puletao nou krayu paisü puhnou chouloua puletaoye khailupa peie.

LOUTAO 31:22

Puhvei nghoujü hinou Eye huta phare tea E sü ngaopi sho-a nou tsücho-e. Ana Enou kra-a soukha peio tea khoyu phaki puhnou avei pai sü keinou peie.

LOUTAO 34:17

Acheche mainou Mapao ye kuyu phaki, puhnou keinou peiwe; puletao nou veaho-a buyu teitei hisünou puhnou puletaoye vupa peiwe.

LOUTAO 69:33

Touha sohayu maitao vei veachi sü Ramai nou keipeiwe, ae hukhaki hinou buyu puhvei maitaoye sü puhnou ngaipei moe.

TSÜCHITAO 10:24

Maishi mai nou piyu nasü puh pei hi ve-a bailai, ana acheche mainou jüpa-a buyu khesü ngaoloulai.

TSÜCHITAO 15:29

Mai aveih maivei veachi sü Mapaonou kei peiwe, ana maishi maivei louzü pomoe.

JEREMIAH 33:3

“Eye lakhaio, ae Enou neye chila peilai; nenou sükhai toumoyu khupayu ae veishoyu khesü Enou ne hi paongao peilai.

MATHIU 21:22

Alia neletao nou louche-a bulouzü, neletao nou veachi pao-a khoyu talihai ngaoloulai.”

JOHAN 11:42

Nenou teisa Akho hai noupeiwe touyu Enou süe, ana nenou Eye seivepeie touyu hai lasühao-a buyu maikhemai taonou louche loure donou Enou chi hainasü paowe.”

JOHAN 14:13

Nahpoutu vanou Puoye soudusho peiloure donou, neletao nou Azhih hinou khoyu talisü Enou soupeilai.

JOHAN 15:7

Neletao nou Ahi tobai soumoa bulouzü ea Achipao taosü neletao hi tobai soumoa bulouzü, neletao nou züpayu tali khokhaio, alia sünasü neletao donou soupeilai.

JOHAN 16:24

Chu koute neletao nou Azhih hinou hatalia khokhai mohie. Khokhaio ea neletao vei asah nasü chekhoure donou neletao nou ngaoloulai.

JOHAN 9:31

Ramai nou mahmai pai keipei moe, ana maita linou Ramaiye thoa puh leli soulouzü, Ramai nou puh paisü keipeiwe touyu Ehnou süwe.

EPHESAMAI 3:12

Khristaye koa ali soulouyu hinou puh hi Eletao vei lü buyuna vanou loucheshoa Eletao nou Ramai nghojühi takou loure khuveiyu nasü bue.

EBRIAMAI 10:35

Südonou neletao nou louche-a buyu nasü polaiwuso, daiolouzü sünanou dushoyu buusü pove peiwe.

EBRIAMAI 3:14

Daiolouzü Eletao nou shurai hinou louche-a buyu sü akhai koute potouloua buloure toulouzü Eletao hrülai sü Khristaye koa vah souyu maitaoe.

EBRIAMAI 3:6

Ana Khristawo Nah Poutu alikua cheche-a Ramai vei kisü khoe. Eletao nou rei-a buyu hisü khuveia ea louche touloua bulouzü Eletao sü puh kie.

JEMS 4:3

Alia neletao nou khoyu kisü, süsü neletao nou ngaolou moe, daiolouzü neletao vei leli taosü veimoe; neletao nou lah neletao valoure hi seiloure na sütao donou khobaiwe.

JEMS 5:16

Südonou neletao sounou sü veiloure donou neletao vei mahsü alinou lihi paopa ngao-a alinou li donou veachi paopeikhaio. Chechemai ali vei veachi hai vah soulouvei khouko alaosou bue.

1 JOHAN 2:28

Ovai, Anah khemaitao, puhnou veyuki Eletao sü khu veishoa buloure donou ea puhnou veyu Teitheki puh hinou ahrao-a tutsü talou more donou puhye koa ali soua bulo.