1 JOHAN 5:13 - SHEEYU BAIBEL (BSI)

¹³ Neletao nou neletao hai teisa ahri bue touyu süloure donou Enou haisü Ramainah Poutu zhih hi louche-a buyu neletao hi rüwe.

1 JOHAN 5:13 Iomraidhean Croise

JOHAN 1:12

ana puhye polouyu mai hrülai hisü, süolouzü puh zhih hinou louche louyu maitaoye, puhnou Ramainah panou souloure khouko sü peire.

JOHAN 2:23

Chuo Jerusalem hinou Tachonüh hi bubuki puhnou souyu sheetao sü ngaoloua mai taolinou puhye louche loure.

JOHAN 20:31

Ana Jisu hai Ramai Nahpoutu Khristae touyu sü neletao nou louche loure donou, alia loucheloua neletao nou puhzhih hinou ahri ngaoloure donou shee haitao sü rüthou khaitoue.

JOHAN 21:24

Chi haitao vanou zhopaoh peiyu ea chi haitao rükhaiyu rozümai nasü hainae; alia puhvei zhopaoh hai chechewe touyu hai Eletao nou süe.

JOHAN 3:18

“Puhye loucheyu mai taliye sü chiku moe; ana louche moyu mai taliye sü chiku chere, daiolouzü puhnou Ramai vei likhuyu Nahpoutu zhih hisü louche loumoe.

JOHAN 5:24

“Cheche vuzünou Enou neletao hi paowe, Achipaotao choulouyu ea Eye seiveyu puhye louche louyu mai talisü teisa ahri ngaoloure; alia puh sü chikuyu hi loukhai laimoe, ana athai hinou ahri hi kacho paloure.

SEI-ATAMAI VAHTAO 3:16

Alia Jisu zhih hinou lülouyu vanou, neletao nou ngao-a ea sü-a buyu mai hainaye sü puhzhih hinou soutsü peire; alia haisü Jisu zhih hinou veyu lü süna vanou mai hainaye sü neletao hrülai nghojünou souvei chekhou peire.

SEI-ATAMAI VAHTAO 4:12

Alia khailu loure sü kukhe maitali hi-a hae, daiolouzü Ehye khailu peilousü vuzüyu raki khehi maikhemai hrohi peikhai touyu zhih kukhe alia hae.”

2 KORINTHMAI 5:1

Daiolouzü Eletao nou hrüa buyu sahpao haina hai—deiphao hi Eletao pfüphao haina sü souhawu louzü, bahnou soumoyu, teisanou rakinou bubaiyu Eletao vei ki ali Ramai hinou bue touyu sü Ehnou süwe.

GALATIAMAI 4:6

Alia neletao hai puh nahmaitao touyu sü pongaore donou Ramai nou puhnah Poutu vei Rakosü Eletao lehi seive thoupeie, alia rako sünanou, “Abba! Apuo!” tea raopawe.

1 PITAR 5:12

Enou acheche thaihou jüraimai alie tea poa buyu Sailas vei soukha hinou jüshoyu Seiko haina hai Enou neletao hi rüwe. Enou haihai Ramai vei chekhaoyu zhuvea nasüe tea zhopaoh peia neletaoye le souho peiwe. Sühinou soutaosoua la-a bulo.

1 JOHAN 1:4

Ehvei sayu hai chekhou loure donou haisü Ehnou rüwe.

1 JOHAN 2:1

Anah khe maitao, neletao nou mah soulou more donou Enou haisü neletao hi rüwe; ana maitalinou mah souwu louzü, Eletao sühsoua Puo nghojü hinou chi veikhayu maili bue—puhsü Jisu Khrista Achecheo nasüe.

1 JOHAN 2:21

Südonou Enou neletao hi rüwe, süsü neletao nou achechena sümoyu donou moe, ana neletao nou sünaye süyu donoue, alia achechena hinou madayu ali-a vemoe touyu süna-a neletao nou süwe.

1 JOHAN 2:25

Alia Khrista puhnou Eletao hi peilai tea apaopei khaitouyu sünasü teisavei ahri hainae.

1 JOHAN 2:26

Chi haisü Enou neletao hi neletaoye laloure te-a buyu puletao vanou rüwe.

1 JOHAN 3:23

Alia haisü puhvei chikhae, süolouzü puhnou Eletao hi chikha peiwuyu sübütoua, Eletao nou puhnah Poutu Jisu Khrista zhihsü louche vuzülai ea alinou liye leshilai.

1 JOHAN 4:9

Alia puh vanou Eletao hai hriloure donou Ramai nou puhvei likhuyu Nahpoutuye deiphao hi seikou peiwua, puh leshisü Eletao hi ngaopeiwure.

1 JOHAN 5:10

Südonou Ramai Nah Poutuye loucheyu mai talisü lah puh lekhehi zhopaoh hainasü bue; ana Ramaiye louche moyu mai talinou puhye sü dayumai soupeire, daiolouzü Ramai nou puhnah Poutuwo vanou paoyu sü puhnou louche peimoe.

1 JOHAN 5:11

Alia zhopaoh nasü haire: Ramai nou Eletao hi teisa ahri peire, alia ahri hainasü puhnah Poutuwo hinou ve-e.

1 JOHAN 5:20

Eletao nou süwe süolouzü Ramai Nah Poutusü velou loure ea Eletao nou checheyu Ramaiye sü süloure donou Eletao hi süloure tsü nasü peiwure. Alia Eletao sü checheyu Ramai puhye koa buloure, süolouzü Puhnah Poutu Jisu Khristaye koa alisoua buloure. Puhsü checheyu Ramai ea teisa ahri nasüe.