1 JOHAN 5:1 - SHEEYU BAIBEL (BSI)

¹ Jisu hai Khristae tea loucheyu mai hrülaisü Ramai nah-e, alia puoye leshiyu maitalinou puh nahye-a leshiwe.

1 JOHAN 5:1 Iomraidhean Croise

MATHIU 16:16

Simon Pitar nou chila peie, “Newo hriyu Ramai Nahpoutu Khristae.”

LUK NOU RÜYU KO AVEIBVÜ 7:5

daiolouzü puh hai Eletao teideihi maikhe maiye leshie ea puhnou Eletaoye donou Eletao vei rathobuh nasü soupeie.”

JOHAN 1:3

Na teitei hai puh vanou souloue, alia soukhai touyu taosü puh loumoa hatalia soulou moe.

JOHAN 15:23

Eye ngaorayu puhnou Apuoye-a ngaorawe.

JOHAN 3:3

Jisu nou puh hi chila peie, “Chichenou Enou nehi paowe, maita linoua nashulou molouzü, puhnou Ramai Vedei sü ngaolouhoe.”

JOHAN 6:69

Alia nehai Ramai hinou veyu Masheeo nasüe touyu hai Ehnou louche loure ea süloure.”

JOHAN 8:42

Jisu nou puletao hi paoe, “Ramai hai neletao Puo toulouzü, neletao nou Eye leshiwulai, daiolouzü Ehai Ramai hinou ve ea chuo Esü buh haihinou bure. Enou Amadonou velou moe, ana puhnou Eye seivepeie.

SEI-ATAMAI VAHTAO 8:36

Alia puhai nou sükua ludu hinou takoua buyu hinou puhaisü dzü buyu buh alihi tave louloure, alia vasou datamai sünanou paoe, “Zhukhaio, haihi dzü bure! Eye dzükhao dapeire hinou khuyu dai bue?”

SEI-ATAMAI VAHTAO 8:37

Philip nou paoe, “Nenou nele teiteinou louche louzü, nenou dzükhao dalou-a bailai.” Alia puhnou chila peie, “Jisu Khrista hai Ramai Nahpoutue touyu sü Enou louche.”

JEMS 1:18

Puhvei leli hinou Eletaoye panou puhvei hrikhaona teitei hronou raikaiyu shithoutao soure donou acheche vei chipaona vanou puhnou Eletaoye panou veloure.

1 PITAR 1:3

Eletao Mapao Jisu Khrista Puo ea Ramai puhye paosho laikhe! Daiolouzü puhvei dushoyu zhuvea vanou Jisu Khristaye panou athai hinou hrishuloua puhnou Eletao hi hrü ashusü peiwure. Hainanou Eletao lekhe hisü hriyu areih nanou pothou phoupeire,

1 JOHAN 2:10

Thaihou jüraiye leshiyu maitalisü ava hinou hrüa bue, alia südonou puh hisü mai kukhe taliye mah hi southou peire halia hae.

1 JOHAN 2:29

Puh hai chechewe touyu hai neletao nou sülouzü, cheche vah soua buyu maitalisü Ramai nahbaie touyu sü neletao nou süvuzülai.

1 JOHAN 3:14

Eletao nou süwe süolouzü Eletao hai athaina hinou tacho paloua ahri nahi velou loure, daiolouzü Eletao nou Eh thaihou jüraimaiye leshiwe. Leshi moyu maitalisü athaina hinou tobai soumoa bue.

1 JOHAN 3:17

Hani mai alinou puh thaihou jüraihi moshilaiyu bue touyu sü ngaoloukhaia, puh lesü puh thaihou jürai hilo khuwu louzü, puhnou kabüa puh hai Ramaiye leshiwe tea paoloulai?

1 JOHAN 3:9

Ramai hilonou nalouyu maitalinou mah soua bumoe, daiolouzü Ramai vei zhai vuzü nasü puh hi bue; alia Ramai hai puh Puo baiyu donou, puhsü mah soua bulouhoe.

1 JOHAN 4:2

Haibüyu vanou neletao nou Ramai vei Rakoho Rakomoe touyu sü süloulai süolouzü: Jisu Khrista hai vasou hilonou ve-e tea dua paopayu rako hrülaisü Ramai hinou ve-e.

1 JOHAN 4:20

Maitalinou, “E Ramaiye leshie,” tea paokhai-a, puh thaihou jüraiye ngaora louzü, puhsü madayu maibaie. Daiolouzü puhnou ngaoa buyu puh thaihou jüraiye leshi molouzü, puhnou ngaomoyu Ramaiye leshi louhoe.

1 JOHAN 4:7

Leshiyu sakhe maitao, Eletao alinou liye leshilou laikhe, daiolouzü leshi hai Ramai hinou ve. Maiye leshiyu puhsü Ramai hinou naloure ea Ramaiye süwe.

1 JOHAN 5:18

Eletao nou süwe süolouzü Ramai hinou nalouyu maitalinou mah soua bumoe; daiolouzü Ramai Nah Poutuwo nou puhye sü khotoupeia bue, alia ashi nanou puhye sü soushi louhoe.

1 JOHAN 5:4

daiolouzü Ramai hinou nalouyu mai hrülainou deiphaoye koloue. Alia Eletao lü vanou Eletao nou deiphaoye kolouwe.

1 JOHAN 5:5

Deiphaoye thaohnou kolousüe? Jisu hai Ramai Nahpoutue tea loucheyu mai süna likheinou kolousüe.