1 JOHAN 4:7 - SHEEYU BAIBEL (BSI)

⁷ Leshiyu sakhe maitao, Eletao alinou liye leshilou laikhe, daiolouzü leshi hai Ramai hinou ve. Maiye leshiyu puhsü Ramai hinou naloure ea Ramaiye süwe.

1 JOHAN 4:7 Iomraidhean Croise

JOHAN 13:34

Enou neletao hi chikha ashuli peiwe; neletao alinou liye leshilo. Enou neletaoye leshi peiyu büa, neletao-a alinou liye leshi vuzülai.

JOHAN 17:3

Alia puletao nou alikhei baiyu acheche Ramai neye süyu, alia nenou seiveyu Jisu Khrista puhye süyu sünanou teisa ahri nasüe.

1 KORINTHMAI 8:3

Ana Ramaiye leshiyu puhye sü Ramai nou süwe.

2 KORINTHMAI 4:6

Khrista vei zhu hinou va-a buyu Ramai vei khouko ava navei tsü nasü Eletao hi pove peire donou, “Teizhi hisü ava nanou valoutheo,” tea paoyu Ramai puhsü Eletao lekhehi puhvei avanou vapeiyu Ramai puh baie.

GALATIAMAI 4:9

Ana chuo neletao nou Ramaiye sülouyu donou moa Ramai nou neletaoye sülouyu donou, kakua neletao nou lelou hoyu moa tainou shoyu rakotaovei khakhehi khailou hrüloulai? Daidonou neletao puletao vei kilai khailou soupu khaiyu züpawe?

GALATIAMAI 5:22

Ana Rakovei shithouwo louzü, leshiyu, sayu, kaonayu, shameayu, zhuveapeiyu, aveina, louchelou veiyu,

PAODAKHAIYU CHIKHA 30:6

Nevei tsüle veishi alia ne rako teitei nou neletao Ramai Mapao ye leshi loure donou alia neletao teidei sühinou hria buloure donou, puhnou nevei lüthou ae neletao nahmai lüthou sü heerodepu peia soushee peilai

2 TIMOTHI 1:7

Daiolouzü Ramai nou Eletao hi piyu rako peimoe ana khouko, leshi ea lahye tukhalou süyu vei rakona peikhaitoue.

1 PITAR 1:22

Chuwo neletao nou neletao thaihou jürai maitaoye soutaosoua leshi loure acheche hinou paoyu züa neletao rakosü soushee louyu donou, neletao le teiteinou rako loushoa alinou liye leshia bulo.

1 JOHAN 2:10

Thaihou jüraiye leshiyu maitalisü ava hinou hrüa bue, alia südonou puh hisü mai kukhe taliye mah hi southou peire halia hae.

1 JOHAN 2:29

Puh hai chechewe touyu hai neletao nou sülouzü, cheche vah soua buyu maitalisü Ramai nahbaie touyu sü neletao nou süvuzülai.

1 JOHAN 2:3

Eletao nou Ramai vei chikhatao züa bulouzü, süvanou Eletao nou Eletao hai puhye süvuzüe touyu sü süwe.

1 JOHAN 2:4

Maitalinou puh hai Ramaiye süwe tea paokhai-a, puhnou puh chikhataosü zümo louzü, sübüyu maisü dayumai baie ea acheche nasü puh hi hae.

1 JOHAN 2:7

Leshiyu Asakhemai, Enou neletao hi rüpei-a buyu chikha haina hai ashu moe; haisü neletao hi shurai hinou buyu chikha akuna baie. Chikha aku nasü neletao nou choulouyu chipao sünasüe.

1 JOHAN 3:9

Ramai hilonou nalouyu maitalinou mah soua bumoe, daiolouzü Ramai vei zhai vuzü nasü puh hi bue; alia Ramai hai puh Puo baiyu donou, puhsü mah soua bulouhoe.

1 JOHAN 4:11

Leshiyu sakhemaitao, Ramai nou haibüa Eletaoye leshi louzü, süthaisü Eletao-a alinou liye leshi züe.

1 JOHAN 4:12

Maitalinoua Ramaiye ngaokhai mohie, ana Eletao nou alinou liye leshi louzü, Ramai sü Eletao hi tobai soumoa bue ea puh leshisü Eletao hinou southou lichewure.

1 JOHAN 4:16

Südonou Eletao nou Ramai nou Eletaoye donou leshi buyu nasü süwe ea louchewe. Ramai hai leshina baie, alia leshi hinou tobai soumoa buyu puhsü Ramai hinou tobai soumoa bue, alia Ramai sü puh hi tobai soumoa bue.

1 JOHAN 4:20

Maitalinou, “E Ramaiye leshie,” tea paokhai-a, puh thaihou jüraiye ngaora louzü, puhsü madayu maibaie. Daiolouzü puhnou ngaoa buyu puh thaihou jüraiye leshi molouzü, puhnou ngaomoyu Ramaiye leshi louhoe.

1 JOHAN 4:8

Maiye leshi moyu puhsü Ramaiye sümoe, daiolouzü Ramaiwo leshina baie.

1 JOHAN 5:1

Jisu hai Khristae tea loucheyu mai hrülaisü Ramai nah-e, alia puoye leshiyu maitalinou puh nahye-a leshiwe.

2 JOHAN 1:5

Alia südonou, leshiyu naotupai, Enou nehinou khowe, süolouzü Eletao hrülai alinou liye leshi laikhe. Haisü Enou ne hi ashu chikhali peia rümoe; chikha haina hai daorai kinou Eletao hi bure.