1 JOHAN 4:6 - SHEEYU BAIBEL (BSI)

⁶ Ana Eletaowo Ramai hinou ve. Ramaiye süyu maitalinou Eh chi keipeiwe, alia Ramai hinou vemoyu maitalinou Eh chi keipei moe. Südonou hai vanou Eletao nou acheche vei Rako ea kao-zümoyu vei rakoye sü sükulouwe.

1 JOHAN 4:6 Iomraidhean Croise

2 PUOPAOKO 18:21

Rakivamai nanou chila peie, ‘Enou taho Ahab vei rachipaolayu mai hrülaiye sü panou mada-a rachi paopeilai.’ Mapao nou paoe, ‘Taho soukhaio, nenou ngaloulai.’ ”

ISAIAH 29:10

Daiolouzü Mapao nou neletaoye panou zhitei tare donou rako sü seive peiwure. Rachipaola apei maitao hai maisou vei nghithou souyu pha-e, ana Ramai nou puletao nghithou sü vaoho loure alia vepare zhingaoyu maitao pei sü hongiwure.

ISAIAH 8:20

Neletao nou puletao hisü haibüa chila peilai, “Mapao nou Eletao hi doupeiyu khesü keilo! Keingumai ae thaimai ko pola-apei maitao nou paoyu sü keiso, puletao nou paopeiyu hinou haveih ali koute-a palai moe.”

HOSEA 4:12

Puletao nou süü-chuh ali hinou daie vepalai tea nouwe, alia süü-chuh nasü nou puletao hi vepare sü paongao peiwe. Daiolouzü khakhayu rako nanou puletaoye sü sa-a mota peiwure, ae Mapao ye sü thaowua puletao nou khakhayu vah sü soutare.

MIKAH 2:11

“Mai haitao nou cheche moyu ae dahrührüa haibüa paopeiyu rachipaola maitaoye jüpawe, ‘Enou neletaoye donou rashidzü ae ke veiyu zhaoh sü panou küvere ko sü paopeilai.’

MIKAH 3:8

Ana Eye donou louzü, Mapao nou puhvei rako ae khouko sü peie, ae kaozü tsü nasü ahi peie alia Israel maitao hi puletao vei mah khesü paolouyu khuvei nahai ahi peie.

LUK NOU RÜYU KO AVEIBVÜ 10:22

“Apuonou Ahi na teitei thoupeiwure; alia Apuo baideinou maita mailinoua Nahpoutu hai thaohsa touyu sümoe, moa Nahpoutu ea Nahpoutu nou Puoye pongao nüa dolouyu mai sütao baimoa maitalinoua Puohai thaohsa touyu sümoe.”

JOHAN 10:16

Alia zhaokhome haihi loumoyu Azhaotu kukhe-a bue. Enou puletaoye-a savelai, alia puletao nou Apaisü keilai, sükua puletao sü zhaokhowo alikhei hinou khome ali soubailai.

JOHAN 10:27

Azhao taonou Apai keiwe, alia Enou puletaoye süwe ea puletao nou Athai fütawe.

JOHAN 10:3

Puh hisü bomü khowonou kikhu houpeie; zhaotu taonou puh paisü chouwe, alia puhnou lah puhvei zhaotu taoye sü puletao zhih ali linou kua süthaisa papeie.

JOHAN 13:20

Cheche vuzünou Enou neletao hi paoe, Enou seitayu mai sünaye popeiyu puhnou Eye popeiwe; alia Eye popeiyu puhnou Eye seive peiyu puhye popeiwe.”

JOHAN 14:17

Puh hai Ramai vanou achechena süngao peiyu Rako nasüe. Deiphao mainou puhye popei louhoe, daiolouzü sünanou puhye ngaomoe moa sümoe. Ana neletao louzü puhye süwe, daiolouzü puhnou neletaoye koa bue ea neletao lehi bue.

JOHAN 15:26

“Ana Enou Puo hinou neletao hi seivepei laiyu, süolouzü Puo hinou velaiyu acheche Rako, soukha-apeionou veyu kisü puhnou Avanou zhopaoh soulai;

JOHAN 16:13

Ana cheche Rako sünanou veyu kisü, puhnou neletaoye acheche teiteihi süthaive peilai; daiolouzü puhnou lah puh mado hinou chi paolai moe, ana puhnou chouyu talisü puhnou paolai, alia puhnou neletao hi thaikhai veretao vanou paopa peilai.

JOHAN 18:37

Südonou Pilatnou puh hi noue, “Sütoulouzü newo vemai aliwu?” Jisu nou chila peie, “Ehai vemai alie tea nenou paoe. Achechena vanou zhopaoh soure donou Eye nawure ea süna donou Esü deiphao hi veloubaie. Acheche hinou veyu mai talinou Apaisü chouwe.”

JOHAN 20:21

Jisu nou puletao hi paopue, “Neletao hi kaonayu buloutheo. Apuonou Eye seipeiyu kua Enou neletaoye-a seiwe.”

JOHAN 8:19

Südonou puletao nou puh hi paoe, “Nepuo daiki bue?” Jisu nou chila peie, “Neletao nou Eye-a Apuoye-a sümoe; neletao nou Eye sülouzü Apuoye-a süvuzülai.”

JOHAN 8:23

Jisu nou puletao hi chila peie, “Neletao louzü khekounou ve, Ewo louzü reikounou ve; neletao louzü deiphao hinoue, Ewo louzü deiphao hinou moe.

ROMMAI 1:1

Jisu Khrista kilai ea Ramai puhnou puh Ko Aveina paodou loure donou dolouyu ea kulouyu sei-atamai Paul hinoue.

ROMMAI 11:8

Haisü haibüa rüyu kue, “Ramai nou puletao tsü-lesü southou peteire; zhou teithe haina koutehia, puletaosü ngaolouhoa moa choulouhoa bue.”

1 KORINTHMAI 14:37

Maitalinou puh hai rachi paolamai alie tea cholouzü, moa rako vei sapeina buyu mai alie tea cholouzü, Enou neletao hi rüyu haisü Mapao vei chikhae tea puhnou sülou vuzülai.

2 KORINTHMAI 10:7

Neletaowo vakounou buyu nataoyenou zhuwe. Mai kamainou puh hai Khrista hi bue tea louche-a bulouzü, puhye panou puhnou Khrista hi buyu büa Eh-a bue tea liloukhaio.

2 THESSALONIMAI 1:8

Sükisü Ramaiye bayu ea Eletao Mapao Jisu vei Ko Aveina zübayu puletao pei hisü tudee peilai.

1 TIMOTHI 4:1

Rakonou dukhea-a paowe süolouzü naki teile hisü mai kamaisü puletao vei lü nasü thaowulai, alia madayu rako khemai chi züa puletao nou rashitao nou doupeiyu thaisü fütalai.

2 PITAR 3:2

Sheeyu rachi paolamai taonou dao rainou paopa khaitouyu chipaotao ea neletao vei Sei-atamaitao nou neletao hi peikhai touyu Mapao ea khailu-apeio vei chikhatao hai Enou neletaoye panou licholou nüwe.

1 JOHAN 4:1

Leshiyu Asakhemai, rako hrülaiye loucheso, ana rako sütaosü Ramai hinou vevemosa touyu sü zhuloure donou rakotaoye sü zhai zhukhaio. Daiolouzü madayu rachi paolamai alaosou deiphao hi veloure.

1 JOHAN 4:4

Ana Anah khe maitao, neletaowo Ramai hinou ve-e, alia puletaoye koloure, daiolouzü neletao lekhehi buyu Rako sünanou deiphao hi buyu rako süna jünou dukouhie.

1 JOHAN 4:8

Maiye leshi moyu puhsü Ramaiye sümoe, daiolouzü Ramaiwo leshina baie.

1 JOHAN 5:19

Eletao hai Ramai veie touyu sü Ehnou süwe, alia deiphao teiteiwo Ashinavei khakhe hinou bue.

JUD VEI SEIKO 1:17

Ana, leshiyu Asakhemai, Eletao Mapao Jisu Khrista vei sei-atamai taonou raia neletao hi paopeiyu taosü lipukhaio.