1 JOHAN 4:17 - SHEEYU BAIBEL (BSI)

¹⁷ Eletao nou chikuyu Teitheki khuvei loure donou, leshi nasü Eletao hi southou liche peiwure; alia Eletao nou süsü ngaoloulai daiolouzü deiphao hainahi Eletao hrümai hai Khrista vei hrümai bübaie.

1 JOHAN 4:17 Iomraidhean Croise

MATHIU 10:15

Enou neletao hi chechenou paowe süolouzü Chikuyu Teithe zhousü nuhdu sünavei maitao jünou Sodom ea Gomorrah maitaoye nou Ramai nou koua zhuvea peilai!

MATHIU 10:25

Südonou doumai alihai puhvei dou-apeio bülouzü khabaie, alia kilai alihai puhvei paopu bülouzü khabaie. Ki paopuye puletao nou Beelzebul tea kulouzü, daizhozhou koua puletao nou puh kikha maitaoye shishoyu zhihnou kulaisa!

MATHIU 11:22

Enou neletao hi cheche nou paowe, süolouzü Chikuyu Teithekisü neletaoye jünou louzü Tair ea Sidon hi maitaoye nou Ramai nou zhuvea koupeilai!

MATHIU 11:24

Ana Enou nehi paoe süolouzü Chikuyu Teithekisü neye jünou Sodom teideiye nou Ramai nou zhuvea koupeilai!”

MATHIU 12:36

“Enou neletao hi paowe, Chikuyu Teithe kisü mai hrülainou lah lahnou paopawuyu züdoumoyu chipao pfüphou vanou paloucho sü peilai.

JOHAN 15:20

Enou neletao hi paopeiyu chipao nasü lilo; ‘Kilai talia puh paopu jünou dumoe.’ Puletao nou Eye souvea-souho louzü, puletao nou neletaoye-a souvea souholai; puletao nou Achi zülouzü, puletao nou neletao chi-a zülai.

JOHAN 17:22

Ne ea Enou ali baiyu kua puletaoye-a panou ali souloure donou nenou Ahi peikhai touyu khouko ava nasü Enou puletao hi peire.

ROMMAI 8:29

Ramai nou raia sülouyu puletaoye sü puhnah poutuye raibüyu zhu nasü-a koa panou zha ngaozhore donou puhnou raia do-a dochere. Sübüa Nahpoutu naye panou thaihou jüraimai alao hrohinou raikaina soulai.

EBRIAMAI 9:27

Emai hrülaisü vuhli thaivu zülai, alia süthaisü chikuyu süvelai.

JEMS 2:13

Daiolouzü maiye zhuvea peimoyu puhye Ramai nou chikuyu kisü zhuvea peilai moe; ana zhuvea sünanou chikuyu sünaye kolouwe.

JEMS 2:22

Ne ngaomowu? Puh lü ea puh vahsü koa vah souwe; puh lü naye sü puh vahnou southou liche peiwure.

2 PITAR 2:9

Südonou ramaiye süyu maiye kakua puletao vei veahoyu hinou khailu palou laisa touyu ea mai ashimaiye kakua Chikure Teithe donou hukhahi khailaisa touyu sü Mapaowo nou süwe.

2 PITAR 3:7

Ana chu buyu rakitao ea deiphao hainawo louzü panou meinou souhawure donou Ramai vei chikha sünanou pokhaiwure. Sütaosü ramai loumoyu maikhe maitaoye chikuyu ea souhawumo teithe koute donou pokhaire.

1 JOHAN 2:28

Ovai, Anah khemaitao, puhnou veyuki Eletao sü khu veishoa buloure donou ea puhnou veyu Teitheki puh hinou ahrao-a tutsü talou more donou puhye koa ali soua bulo.

1 JOHAN 2:5

Ana maitalinou puh chi züa bulouzü, puh hisü chekhao-a Ramaiye leshiyu nasü southou liche peiwure. Haivanou Eletao nou Eletao hai puh hinou bue touyu sü süloure:

1 JOHAN 2:6

Ramai hinou tobai soumoa bue tea paoyu puhnou Jisu Khrista nou hrüyu bütoua hrüvu zülai.

1 JOHAN 3:1

Zhukhaio, Puonou Eletaoye daizhozhou leshi peiresa! Puh leshihai dushoe süolouzü Eletaoye sü Ramai vei nahmaitao tea kupeire; alia südonou cheche-a Eletao sü sübaie. Qo haina vanou deiphao mainou Eletaoye sümoe; daiolouzü sünanou puhye sümoe.

1 JOHAN 3:3

Khrista nou sheeyu donou puh hi areih haina buyu mai hrülai nou lah puhye shee-a khailouwe.

1 JOHAN 3:7

Anah khe maitao, maitaliye panou neletaoye lawuso! Khrista nou checheyu büa, cheche vah souyu puhsü cheche maie.

1 JOHAN 4:12

Maitalinoua Ramaiye ngaokhai mohie, ana Eletao nou alinou liye leshi louzü, Ramai sü Eletao hi tobai soumoa bue ea puh leshisü Eletao hinou southou lichewure.