1 JOHAN 4:12 - SHEEYU BAIBEL (BSI)

¹² Maitalinoua Ramaiye ngaokhai mohie, ana Eletao nou alinou liye leshi louzü, Ramai sü Eletao hi tobai soumoa bue ea puh leshisü Eletao hinou southou lichewure.

1 JOHAN 4:12 Iomraidhean Croise

SHURAI 32:30

Jakob nou paoe, “Enou Ramai ye ngaore ana E chua hria buhie.” Südonou buh sünasü “Peniel” tea puhnou sapeie.

TAPALOUYU 33:20

Enou neye avei zhu ngaolou shie, daiolouzü deiphao mainou avei zhu ngaoloua hrimoe.

MAIPEI PHOUYU 12:8

Südonou Enou puhye sü zhuhaohao nou ve cha peie, nada nou chamoa puhye Enou dukhya nou keawe; puhnou avei khao-zhai hai ngaore! Nehai nou avei kilai Moses ye paoshiyu sü ngaopi mowu?”

JOHAN 1:18

Maitalia Ramaiye ngaokhai mohie; Puo ngheikinou buyu likhuyu Nahpoutu puhnou Ramaiye süngao peire.

1 KORINTHMAI 13:13

Südonou chuo lü, areih ea leshi haitao asü hai bue; ana haitao hronou dukayu nawo louzü leshina baie.

1 TIMOTHI 1:17

Teisa Veo, athai hayu ea nghithounou ngaomoyu, likhei baiyu Ramai puh hisü khuhaoyu ea teisanou adu-sho souyu nasü souloutheo, teisanou! Amen.

1 TIMOTHI 6:16

Puh likhei teisanou hribaie; puh hai maitalinoua tavelou hoyu avana hinou hrüwe. Maita linoua puhye ngaokhai mohie moa maita linoua puhye ngaolou hoe. Puh hisü tsükhouyu ea adu-sho sü teisanou buyu souloutheo! Amen.

EBRIAMAI 11:27

Lü vanou Moses nou veovei rarousü ngaopi khaimoa Ejipt thaowua tae, daiolouzü puhnou ngaomoyu Ramaiye ngaoyu büa thailo reive bae.

1 JOHAN 2:5

Ana maitalinou puh chi züa bulouzü, puh hisü chekhao-a Ramaiye leshiyu nasü southou liche peiwure. Haivanou Eletao nou Eletao hai puh hinou bue touyu sü süloure:

1 JOHAN 3:24

Ramai chikha züyu mai hrülai nou Ramaiye koa ali soua hrüwe ea Ramai nou puhye koa ali soua hrüwe. Alia Ramai nou Eletao hi peikhai touyu Rako süna vanou Eletao nou süwe süolouzü Ramai nou Eletaoye koa ali soua hrüwe.

1 JOHAN 4:16

Südonou Eletao nou Ramai nou Eletaoye donou leshi buyu nasü süwe ea louchewe. Ramai hai leshina baie, alia leshi hinou tobai soumoa buyu puhsü Ramai hinou tobai soumoa bue, alia Ramai sü puh hi tobai soumoa bue.

1 JOHAN 4:20

Maitalinou, “E Ramaiye leshie,” tea paokhai-a, puh thaihou jüraiye ngaora louzü, puhsü madayu maibaie. Daiolouzü puhnou ngaoa buyu puh thaihou jüraiye leshi molouzü, puhnou ngaomoyu Ramaiye leshi louhoe.

1 JOHAN 4:6

Ana Eletaowo Ramai hinou ve. Ramaiye süyu maitalinou Eh chi keipeiwe, alia Ramai hinou vemoyu maitalinou Eh chi keipei moe. Südonou hai vanou Eletao nou acheche vei Rako ea kao-zümoyu vei rakoye sü sükulouwe.