1 JOHAN 4:1 - SHEEYU BAIBEL (BSI)

¹ Leshiyu Asakhemai, rako hrülaiye loucheso, ana rako sütaosü Ramai hinou vevemosa touyu sü zhuloure donou rakotaoye sü zhai zhukhaio. Daiolouzü madayu rachi paolamai alaosou deiphao hi veloure.

1 JOHAN 4:1 Iomraidhean Croise

1 VEMAITO 13:18

Süthaisü Bethel hi rachipaolayu tsümai nanou paoe, “E-a ne büa rachipaolayu mai alie, ae rakivamai ali hi Mapao nou ahi neye aki hi savelo alia neye touso soupeio tea kharochi peiwe.” Ana rachipaoyu tsümai nasü da-a baie.

TSÜCHITAO 14:15

Chaome souyu mainawo haveishi nou louche baiwe, ana souzü süyu nawo louzü puhnou daiki tawe tiyu zhuwe.

JEREMIAH 14:14

Ana Mapao nou chila peie, “Rachipaolayu maitao nou azhih hinou mada-a paoa baie. Enou puletaoye seita moe, moyuma Enou puletaoye taho rachi paopeio tea kharochi peimoe. Puletao nou zho ngaoyu hai ahinou ve moe; puletao nou vepare chi paoyu hai dahrührüa puletao vei tsü hinou paopayu chipao baie.

JEREMIAH 23:16

Akukulai Mapao nou Jerusalem maitao hisü paoe, “Rachipaola maitao nou paoyu chi sü keiso; puletao nou cheche moyu chi paopeia panou hamako hinou neletaoye areih buwe. Enou paoyu chi moa nou puletao hai lah tsücho loua pao-a baie.

JEREMIAH 5:31

rachipaola maitao nou acheche chi paomore; napao maitao hai rachipaolayu maitao vei kharochi hinou teidei kho-a baire, ae avei maitao nou haisü jüpa loure. Ana akhai teile veyu kisü puletao nou dai soulai?”

MARK 13:21

“Süthaisü maitalinou neletao hi, ‘Zhukhaio, haihi Khrista bue!’ moa ‘Zhukhaio, puhsü sühi bue!’ tea paolouzü puhye loucheso.

LUK NOU RÜYU KO AVEIBVÜ 12:57

“Alia neletao dai donou neletao lah kananou züe touyusü kusheelou moe?

LUK NOU RÜYU KO AVEIBVÜ 21:8

Jisu nou paoe, “Maitaliye panou neletaoye sümahta more donou leikeilo; daiolouzü mai alaosou Azhih hinou taveloua, ‘Esü puh-e!’ alia ‘Teilesü veloure!’ tea paolai. Ana puletao thaifüso.

SEI-ATAMAI VAHTAO 17:11

Chuo Berea hi Jihudimai taosü Thessalonika hi Jihudimaitao jünou le dukouhie, daiolouzü puletao nou Ramai chipao nasü sasa-a poloua teithe tsünou sheeyu larübvü sü phou-a Paul nou paoyu sü cheche ho cheche mosa tea zhue.

SEI-ATAMAI VAHTAO 20:29

Enou tayu thaisü khushoyu nüsei nou neletao hrohi velouloua zhaokhome hi zhao khemaiye sü leshia phapeiyu bulaimoe touyu Enou süwe.

1 KORINTHMAI 12:10

Rako sünanou mai kukheli hisü khupa vah souloure khouko peikhaitoue; kukheli hisü rachi paopayu, kukheli hisü rakoye sükuyu, kukheli hisü la sütho tyali paoyu ea kukheli hisü puhnou la dapayu khouko peikhaitoue.

1 KORINTHMAI 14:29

Rachi paolamai ahai molouzü asüye panou chi paokhaio, alia paoyu süsü panou kukhe maiye chikukhaio.

1 THESSALONIMAI 5:20

rachi paolayu sü ngaophou moyu souwuso.

1 THESSALONIMAI 5:21

Ana ha teiteiye sü zhai zhukhaio; avei nasü potouloukhaio,

2 THESSALONIMAI 2:2

süolouzü neletao tsühai lapasoua Mapao teithe nasü veloure tea paoyu süna vanou tsübo phouhayu moa khupayu souwuso. Neletao nou süna vanou maikhe mainou zho ngaoshe ea rachi paolashe moa Eh hinou seiko seiveshe tea paoyu choukhaia puletaoye louchewuso.

1 TIMOTHI 4:1

Rakonou dukhea-a paowe süolouzü naki teile hisü mai kamaisü puletao vei lü nasü thaowulai, alia madayu rako khemai chi züa puletao nou rashitao nou doupeiyu thaisü fütalai.

2 TIMOTHI 3:13

alia mai ashimai ea aveikho soumai taosü mai kukhe maiye la-a ea lah puletaoye-a la-a shikhai shikhai tabailai.

2 PITAR 2:1

Dao raichoki maikhemai hrohi amada rachi paolamai ve-e, alia sübüa amada dou-apeimai hai neletao hrohi velai. Puletao nou kheikhei soua hakalou vei cheche moyu doupeiyu sü poveloua puletaoye khailupa peiyu Mapaoye sü motoulai, alia südonou puletao nou lah puletao pei hi sü thashoa hakayu povelai.

1 JOHAN 2:18

Anah khe maitao, haisü akhai teilecho nare! Alia Khristaye ngaobanasü velai touyu sü neletao nou choulouyu sübüa, chuo Khristaye ngaobamai alaosoua veloure; südonou haisü akhai teilecho nare touyu sü Eletao nou süre.

1 JOHAN 2:7

Leshiyu Asakhemai, Enou neletao hi rüpei-a buyu chikha haina hai ashu moe; haisü neletao hi shurai hinou buyu chikha akuna baie. Chikha aku nasü neletao nou choulouyu chipao sünasüe.

2 JOHAN 1:7

Jisu Khrista hai kezhe daloua ve-e touyu popei bayu amada mai alaosou deiphao teiteihi tare. Sübüyu mai talisü amada maie ea amada Khrista nasüe.

3 JOHAN 1:11

Leshiyu Asa, ashi zhaisü douso, ana avei zhainasü doulo. Avei souyu puhsü Ramai hinou ve; ashi souyu puhsü Ramaiye ngaolou mohie.

PONGAOPEIYU 2:2

Enou nevah ea nenou kazhou koute te-a ea shamea-a vah sousa touyu sü süwe; alia nenou maishimai taoye koa shamea zholouhoe touyu süolouzü puletaohai sei-atamai mokhaia sei-atamai baie tea paoyu sümaitao zhaisü nenou zhuloua puletao vei amadasü phoupaloue touyu sü Enou süwe.