1 JOHAN 3:9 - SHEEYU BAIBEL (BSI)

⁹ Ramai hilonou nalouyu maitalinou mah soua bumoe, daiolouzü Ramai vei zhai vuzü nasü puh hi bue; alia Ramai hai puh Puo baiyu donou, puhsü mah soua bulouhoe.

1 JOHAN 3:9 Iomraidhean Croise

JOB VEI LARÜBVÜ 19:28

“Etao nou puhye kabüa souvea peilou laige?” Neletao nou Eye hali moa hali vanou tea huwe.

LOUTAO 119:3

Puletao hai kaomoyu vah haso ali-a soumoe; puletao nou Mapao vei ludu hinou ta-a baiwe.

LEVIMAI LARÜBVÜ 11:37

Hakinou thaiphao na hai poa vuthoure thoutai hi delouyuma thoutai louzü shee-a bailai.

MATHIU 7:18

Süübe avei nanou rashi ashi shilou hoe, ea süübe ashina nou rashi avei shilou hoe.

JOHAN 1:13

Puletao nalouyu haiolouzü zhe hinoua, vasounou li-choyu hinoua, moa mainou li-choyu hinoua moe, ana Ramai hilonoue.

JOHAN 3:3

Jisu nou puh hi chila peie, “Chichenou Enou nehi paowe, maita linoua nashulou molouzü, puhnou Ramai Vedei sü ngaolouhoe.”

SEI-ATAMAI VAHTAO 4:20

daiolouzü Ehwo Ehnou ngaoyu ea chouyu nasü paomo shalouhoe.”

ROMMAI 6:2

Süsü movuzüe! Eletao sü mah hinou thaire, südonou kakua Eletao nou mah hinou hrüa bukhailai?

GALATIAMAI 5:17

Daiolouzü vasou züpa sünanou Rakoye motouwe, alia Rako züpa sünanou vasouye motouwe: daiolouzü neletaoye panou neletao züpasü soulou more donou sühaisü alinou liye motouwe.

TITA 1:2

rahrüzhai süsü teisa ahrinaye rei-a buyu süna vanou soushupa khaitoue. Mada moyu Ramai nou shurai jühinou haina hai Eletao hi peilai tea apaopei khaitoue,

1 PITAR 1:23

Daiolouzü hriyu ea teisa halou hoyu Ramai chipao vanou neletaosü hakalou veiyu thoutai hilonou moa hakoulou hoyu thoutai hilonou nashu loure;

1 JOHAN 2:29

Puh hai chechewe touyu hai neletao nou sülouzü, cheche vah soua buyu maitalisü Ramai nahbaie touyu sü neletao nou süvuzülai.

1 JOHAN 3:6

Südonou Khristaye koa ali soulouyu mai hrülainou mah soua bumoe; ana mahsoua buyu maitalisü puhye ngaokhai mohie moa puhye sükhai mohie.

1 JOHAN 4:7

Leshiyu sakhe maitao, Eletao alinou liye leshilou laikhe, daiolouzü leshi hai Ramai hinou ve. Maiye leshiyu puhsü Ramai hinou naloure ea Ramaiye süwe.

1 JOHAN 5:1

Jisu hai Khristae tea loucheyu mai hrülaisü Ramai nah-e, alia puoye leshiyu maitalinou puh nahye-a leshiwe.

1 JOHAN 5:18

Eletao nou süwe süolouzü Ramai hinou nalouyu maitalinou mah soua bumoe; daiolouzü Ramai Nah Poutuwo nou puhye sü khotoupeia bue, alia ashi nanou puhye sü soushi louhoe.

1 JOHAN 5:4

daiolouzü Ramai hinou nalouyu mai hrülainou deiphaoye koloue. Alia Eletao lü vanou Eletao nou deiphaoye kolouwe.

3 JOHAN 1:11

Leshiyu Asa, ashi zhaisü douso, ana avei zhainasü doulo. Avei souyu puhsü Ramai hinou ve; ashi souyu puhsü Ramaiye ngaolou mohie.