1 JOHAN 3:5 - SHEEYU BAIBEL (BSI)

⁵ Neletao nou süwe süolouzü Khrista nou Eletao mah pota peiloure donou ve, alia puh hisü mahlia hae.

1 JOHAN 3:5 Iomraidhean Croise

HOSEA 14:2

Mapao hi dakhai velou baio, alia haibüa puh hinou veachi paolo, “Etao vei mah teitei nou khaipeio alia zhuvea nou Ehye podakhai peio, sükulouzü teisa nou Neye paosholai.

MATHIU 1:21

Puhnou nahpoutu ali nalai ea nenou puh zhih sü Jisu tea salai— daiolouzü puhnou puh maitaoye mah hinou khailupa peilai.”

LUK NOU RÜYU KO AVEIBVÜ 23:41

Alia Ahaiwo louzü chechenou ngaozüe; daiolouzü Ahaiwo Ahainou sou-pfüyu vah sütaovei ngaozüyu buusü ngaobaie; ana mai hainawo ha mahlia soumoe.”

LUK NOU RÜYU KO AVEIBVÜ 23:47

Chuo sübüa payusü reihmai kaihpei chananou ngaolouyu kisü, puhnou Ramaiye sholoua paoe, “Veimosoua mai haina hai mahlia hae!”

JOHAN 1:29

Thainaisho kisü Johan nou Jisu hai puh hilo taveyu ngaoloua paoe, “Zhukhaio, deiphaomai mah pota peiyu Ramai Zhaotunaye sü!

JOHAN 1:31

Ewo louzü puhye sümoe; ana puhye Israel maitao hi pongao peire donou Enou dzünou dzükhao dapeia ve-e.”

JOHAN 14:30

Enou neletaoye koa phaso chipha khailai moe, daiolouzü deiphao hainavei paopusü laire. Puhnou Apei hi soure khouko hae;

JOHAN 8:46

Neletao hrohinou thaohnou Eye mah paodukhai peilou süe? Enou acheche paowe toulouzü, daidonou neletao nou Eye louche peimoe?

2 KORINTHMAI 5:21

Khrista hai mah lia hae, ana puhye koa ali soulouyu hinou Eletao nou Ramai vei acheche nahai koa zha ngaozho loure donou Ramai nou puhye sü Eletaoye donou Eletao vei mah nasü koa panou zha ngaozho loure.

1 TIMOTHI 1:15

Paokhai touyu chipao hainasü chechewe ea teiteinou poloua louchelou veie, süolouzü mahmaitaoye khaipeire donou Khrista Jisu sü deiphao hi ve-e. Alia mah maitao hrülai hrohinou Enou shishilai nasüe;

1 TIMOTHI 3:16

Alia Eletao rahrü zhaivei kheitsüna hai daizhozhou dusa touyu sü maitalinoua balouhoe; süolouzü: Puhsü emai zhu hinou ve ngaopeie, Rako hinou puhye sü souzüpeie, alia rakivamaitao nou puhye sü ngaoe. Puh vanou tahrüh khemai hrohi paodoue, deiphao buh liki hinou puhye sü loucheloue, alia puhye sü rakihi pokhere.

TITA 2:14

Eletaoye hashi teitei hinou khailupa peire ea Eletaoye puhmai likhei soubaiyu ea avei souyu züpa shoyu sheetouyu maitao panou souloure donou puhlah puhye Eletaoye donou peithoure.

EBRIAMAI 1:3

Puhnou Ramai vei khouko ava nasü phungaopeie ea puhvei chipao khouko nou teideiphaoye moupeia puhnou Ramai vei zhaihrü acheche nasü pfüa bue. Puhnou emai mah khüshee peiyu vei vah soucheyu thaisü; puhsü Raki hi buyu Aku Kulai Ramai bah zhoulo vahinou kou buloure.

EBRIAMAI 4:15

Daiolouzü Eletao vei Napao Peichanawo Ehnou lelou hoyuki Ehye leshi peilou hoyuna moe, ana Eletao büa hatali hinou athao daokhai-a puhwo mah soukhai moe.

EBRIAMAI 7:26

Daiolouzü sükuyu sheeyu, chaa hayu, mahlia hayu, mahmaitao hinou dokupa khaitoua buyu ea rateitao jünou pokukhe khaiyu Eletao vei napao peichana buyu sü züdoushoe.

EBRIAMAI 9:26

daiolouzü, puhnou sükua soure toulouzü puhsü deiphao soushu rainou vuh alao vea pokou vuzülai. Ana chuwo maihrü teitei akhai soulouyu kihinou lah puhye posheelayu hinou mah souhawure puhnou teisavei donou vuh likheithe talou peire.

EBRIAMAI 9:28

Sükheihao-a Khrista-a maikhemai alaovei mahtao pfüta loure donou vuhli sheela-a pothouwure, alia mah donou moa puhye donou zhishoa khoa bumaitaoye khaipeire donou puhsü vuh ahai chena soua velai.

1 PITAR 1:18

Daiolouzü neletaoye neletao puopao hinou ngaolouyu raohayu hrümai hinou kakuyu muhnou khapei-a mado soupeiresa touyu sü neletao nou süwe. Muh süsü hakalou veiyu süolouzü husha moa sana hatalinou moe;

1 PITAR 1:20

Deiphao soumo jühinou Ramai nou puhye sü doloure, alia neletaoye donou akhai teithe haitao hinou pongao peire.

1 PITAR 2:22

Puhwo mah lia soukhai moe, alia puh tai-lü hinou madayu chi hakia choukhai mohie.

1 PITAR 2:24

Eletaoye panou mah hilonou thailoua acheche hilonou hriloure donou Khrista lahnou puh pfüzhonou Eletao mahsü kros vanou pfüpeire. Puhvei zheemütaonou neletaoye souvei peiwure.

1 PITAR 3:18

Daiolouzü neletaoye Ramai nghojühi save peire donou, mahmaitao sühsoua avei mai ali, süolouzü Khrista nou mah donou vuhli hinou teisa vei soua thaipeire. Puhye sü pfüphao hilonou southeare, anou rako hilonou souhri peiwure,

1 JOHAN 1:2

Ahri sünaye pongao peiwuyu kisü, Ehnou süsü ngaoe ea süna vanou Ehnou zhopaoh soue, alia Puoye koa buwu-a Eletao hi pongao peiwuyu teisa ahri süna vanou neletao hi paongaowe.

1 JOHAN 1:7

Ana puhnou avahi buyu büa, Eletao nou ava hinou hrüa bulouzü, süthaisü Eletao sü alinou liye koa meime zholoure, alia puhnah Poutu, Jisu vei zhenou Eletaoye mah teitei hinou soushee peiwure.

1 JOHAN 2:1

Anah khe maitao, neletao nou mah soulou more donou Enou haisü neletao hi rüwe; ana maitalinou mah souwu louzü, Eletao sühsoua Puo nghojü hinou chi veikhayu maili bue—puhsü Jisu Khrista Achecheo nasüe.

1 JOHAN 2:2

Alia Khrista puhnou Eletao mah khaipeiyu bo nasüe, alia Eletao mah likhei donou baimoe, ana deiphaomai hrülai vei mah donoue.

1 JOHAN 2:29

Puh hai chechewe touyu hai neletao nou sülouzü, cheche vah soua buyu maitalisü Ramai nahbaie touyu sü neletao nou süvuzülai.

1 JOHAN 3:8

Mah soua buyu maitalisü Rashina hinou ve, daiolouzü shurai hinou Rashi nanou mah soure. Ramai Nah poutuwo nou veyu vei qowo louzü Rashi navei vahtaoye souhare donoue.

PONGAOPEIYU 1:5

alia cheche zhopaoh, athaimai hrohinou rairaikaia hrishu louyu ea deiphao vemaitao pei hi akhona Jisu Khrista hi nou zhuvea ea kaonayu sü neletao hi buyu souloutheo. Puhnou Eletaoye leshie, alia puhvei posheelayu athai nanou puhnou Eletaoye Eletao vei mah hinou do soupeire,